Maliko 10:32 - ULufingwi uLupwa

³² UYeesu na vhasundikwa vhaakwe vháali mwi idala kuzuvha ku Yelusaleemu, avhantu avhanji vhahanda kuvhalandata. UYeesu ahalongolela mwilongolela, avhasundikwa vhaakwe vhahasukumila, avhantu vhe vhahamulandataga vhahiima ni lyoga. Ahavhanyatula havhili kukwilu vhaala 12, ahanda kuvhavhuuzya zye kwe zimwaje.

Tesitamenti Umupwa 1965

³² Avene vali mwidala ukuzuvʼukuvala mu-Yelusalemu. UwenʼuYesu ahalongolela kwilongolela, pʼavene vahatentwa. Avene ve vahalandata mwisinda vahatetema. PʼuYesu ahasenda nohavilʼavʼishumi navavili, ahavavuzya zizyo zye zikwe zimwinzilaje.

Maliko 10:32 ပူးပေါင်းရင်းမြစ်များ

Matayi 11:25

Ahavhaliilizyo iho uYeesu ahajendeelela kuyanga kuuti, “We Taata, Mwene wa ku mwanya na pa nsi, nkukusalifwa. Nkukusalifwa, mwe pe imbombo izi uvhazyisile avhantu vhe vhakuyilola kuuti vhali nu vhushindamu uvhwa njeele nu kuuti vhasambiilile, ileelo uvhalolesiizye apazelu avhantu vhe vhakuyiisya inza avhaana avhansi.

Matayi 13:11

Uweene ahavhaamula ahati, “Imwe uMulungu avhapiiye kuzimanya izya kukwilu izya vhumwene vhwakwe. Ileelo avheene atavhapiiye kuzimanya zyonti izyo.

Maliko 1:27

Vhonti vhahasukumila nkaani nu kuvhuzilizanya kuuti, “Nsambiilizyo vhuli injeni izi, havhili izya maha? Umuntu uno ali na maha amapiti, mwe pe kwi izwi akuzipilila impepo inkandamanu, zyope zikumushindiha!”

Maliko 4:34

Atahavhavhuzyaga naashimo ishisita ishiholanyo, ileelo lwe ayiima weeka na vhasundikwa vhaakwe ahavhavumbulilaga zyonti.

uLuuka 10:23

Pe uYeesu ahagalunkana, ahavheenya avhasundikwa vhaakwe, ahavhavhuuzya ahati, “Mulosiitwe imwe mwe mukuzilola izi!

uLuuka 19:28

UYeesu lwe ayanga izyo, ahajendeelela kusogola ku Yelusaleemu she alongoleeye ku mpuga yiila iya vhantu.

uLuuka 9:51

Insiku zyakwe izya kuzuvha ku mwanya lwe zyapalamila, uYeesu ahaamula kusogola ku Yelusaleemu.

Yohani 11:16

Pe umusundikwa wumo we izina lyakwe vhahatinji uToomasi, havhili we vhahamwitaga vhahatinji Ipasa, ahavhavhuuzya avhasundikwa avhamwavho ahati, “Niiswe tujendi inga tusogole tufwe pooka nawo.”

Yohani 11:8

Avhasundikwa vhaakwe vhahamuvhuziilizya vhahati, “We Musambiilizi, shiniishi vhweleele aVhayuuda vhamo vhanzaga kukuhoma na mavhwe kuuti ufwe kunuukwo. Ishi shooni she ukwanza kusogola havhili?”