Maliko 10:30 - ULufingwi uLupwa

³⁰ uMulungu kwe aamupe ivwinji nkaani ahavhaliilizyo iha he ali mu nsi. Kwe avhe ni nyumba na vhanine avhanaavuli na vhantanda nu nyina na vhaana na magunda. Pooka niizyo kwe avhanje na mayimba. Ahavhaliilizyo he hakwinza, aliposheela uvhulanzi uvhwa shiima.

Tesitamenti Umupwa 1965

³⁰ wʼatalivazilwa amashumʼishumi pali hoka he ahalesile; akuposhelaga nakushinishi namunsi pansʼumu: Inyumba, navaninʼavanaṿuli, navaninʼavantanda, navanyina, navana, namagunda poka nuvuṿwimilwa pupo, mwope namunsʼila yikwinza uvulanzi vwa shimashima.

Maliko 10:30 ပူးပေါင်းရင်းမြစ်များ

Matayi 12:32

Havhili, inga umuntu anjanjila amazwi amavhiivhi ine ne Mwana wa Aadamu, aliswilwa. Ileelo inga amuyanjila amazwi amavhiivhi uMupepo uMufinjile, te ahaswilwe ahavhaliilizyo iha, poosye he hakwinza.”

Matayi 13:8

Izyamwavho zihagwila pa nsi inyinza. Pe lwe zyela, zimo zihapaapa amantonongwa 100, izyamwavho 60, izyamwavho zihapaapa amantonongwa 30.”

Matayi 6:33

Imwe muvhulondole suuti uvhumwene uvhwa Mulungu nu vhugolosu vhwakwe, pe ivwo vwonti mulipeelwa.

uLuuka 18:30

uyo ahavhaliilizyo iha he ali mu nsi umu, akuposheela ivwinji kuluusya vwe avilesile. Havhili, ahavhaliilizyo he hakwinza, aliposheela uvhulanzi uvhwa shiima.”

Yohani 10:23

UYeesu ahazyunguulaga pa Nyumba iMfinjile mwi idala lye vhahatinji Idala iLyilishe ilya Solomooni.

iMbombo izya Vhatumwa 14:22

Umwo mwonti vhahavhagomwaga avhalandati amooyo nu kuvhasoha kuuti vhasimpaje mu lwitiho. Vhahavhavhuzyaga kuuti, “Tukwanzilwa kutuushila amayimba aminji, kwinjila mu vhumwene uvhwa Mulungu.”

iMbombo izya Vhatumwa 16:25

Lwe yaafiha pa vhusiku pahati, avha Paavhuli nu Siila vhahamulaavhaga uMulungu, nu kwimba inyimbo izya kumutiima. Vhoope avhakungwa avhamwavho vhahatejelezyaga.

iMbombo izya Vhatumwa 5:41

Avhatumwa vhoope vhahafuma pa lukuvhato ulwa vhalongozi, uku vhakuseshela, mwe pe uMulungu ávhwenyi kuuti vhahondeeye kusaamulwa kuzya izina ilya Yeesu.

VaLoma 5:3

Havhili, poosye inga gatwinzila amayimba gonti, iswe tukujendeelela kuvha nu luseshelo, mwe pe tumanyile kuuti amayimba gakutuleetela uvhujimbiilizu.

VaLoma 6:23

Yeenya, amalipilo aga vhutalamalandu vhufwe, ileelo ishipeelwa she uMulungu akuutupa, vhulanzi uvhwa shiima kwi idala ilya Mwene wiitu uChilisiti uYeesu.

2 VaKolinti 6:10

Havhili tukuloleha ngati tuswimiliilwe, ileelo ahavhaliilizyo honti tuli nu luseshelo, tukuloleha twe vhapiina, ileelo tuvhapiiye avhinji uvhudumbwe, tukuloleha tuli nyoovhe zyeka, ileelo tuli ni vintu vwonti.

Filipi 3:8

Havhili te ziniizyo vhweleele, nkandi ni zyamwavho zyonti, nkuzilola kuuti she shooka nu vhuluuzwe, kuzya vhwinza vhwe vhutali ni shipimilo uvhwa kumumanya nkaani uMwene waane uChilisiti uYeesu. Uweene ku zyakwe mposheleeye uvhuluuzwe uvhwa izyo zyonti. Havhili nkuzilola inza amavi, inga imwaje uChilisiti

2 VaTesaloniki 2:16

UTaata wiitu uMulungu atukunzite, na ku vhwila vhwakwe akutusuvhaalizya shiima nu kuutupa ulusuuvhilo ulwinza. Tukumulaavha uMwene wiitu uYeesu Chilisiti pooka nu weene, kuuti

1 Timoti 4:8

“Inga umuntu akuyiluvhizya umuvhili waakwe nkaani kuuti wuvhe na maha, akuvha ni ilonka linsi vhweleele. Ileelo inga akuvha nu lujendo ulwinza pilongolela ilya Mulungu, akulyaga ilonka mu zyonti, mu vhulanzi uvhwa pa nsi ipa nu vhwa havhaliilizyo he hakwinza.”

1 Timoti 6:6

Nalyoli, vhonti vhe vhali nu lujendo ulwinza pilongolela ilya Mulungu nu kwitiha mu mooyo gaavho kuuti vwe vhali navwo vikwiliiye, vhalilyaga ilonka ipiti.

Yakobu 1:12

Alosiitwe umuntu we akujimbiilila mu ndingo, mwe pe inga ayitishilwa, uMulungu aliimupa ishipambwi she vhulanzi uvhwa shiima vhwe áfinzile ku vhaala vhe vhakumukunda.

Yakobu 5:11

Inza vwe mumanyile, vhalosiitwe vhaala vhe vhajimbiliiye. Mwivuuye inongwa izya vhujimbiilizu uvhwa Yobo, havhili muvhwenyi vwe uMWENE uMulungu ámuvhombeeye pisinda. Uweene ali nu vhwila uvhupiti, havhili uvhwa mavhiila mu mavhiila.

1 Yohani 2:25

Mwe pe tuli nu vhuliilani uvhwo, tuli nu lufingwi ulwa vhulanzi uvhwa shiima shiima, vhwe uChilisiti áfinzile kuuti, aliitupa.

1 Yohani 3:1

Yeenyi vwe uTaata uMulungu atukunzite nkaani. Akutwita kuuti swe vhaana vhaakwe! Mwe muumwo, nalyoli vwe tuli. Ileelo avhantu vhe vhatakumushindiha uMulungu, vhatatumanyile, mwe pe vhatamumanyile uweene.

Ishitushizya 2:9

Ngamanyile amayimba gaaho nu vhupiina vhwaho, ileelo nalyoli we dumbwe. Mbumanyile nu musaamu waavho vhe vhakuyitaha kuuti Vhayuuda, fwandi haa, ileelo vha mwi isinagoogi ilya Seetano.

Ishitushizya 3:18

Nkukusoha kuuti, ukale ku kwane isahaabu ye vhazelufwizye mu mwoto, inga uvhe we dumbwe. Havhili hinza ukale ivizwalo ivizelu, uzwalaje nu kuzyiha ishitali shaaho, inga utahaalole insoni. Ukale umulembo uwa kudwina mu minso gaaho, inga ulolaje ahinza.