Maliko 10:23 - ULufingwi uLupwa

²³ UYeesu aheenya imbazu zyonti, ahavhavhuuzya avhasundikwa vhaakwe, ahati, “Shiliivha shigomu nkaani avhadumbwe kwinjila mu vhumwene uvhwa Mulungu!”

Tesitamenti Umupwa 1965

²³ PʼuYesu ahatalanganya, ahavavuzyʼavasundikwa vakwe ahati: Uvugomu te vugomʼavahataṿwuma ukwinjila mushinamwene sha Mulungu!

Maliko 10:23 ပူးပေါင်းရင်းမြစ်များ

Matayi 18:3

Ahayanga ahati, “Nalyoli nkuvhavhuuzya kuuti, inga mutakwanduha nu kuvha inza avhaana avhansi, te muhinjile naalumo mu vhumwene uvhwa Mulungu.

Maliko 10:15

Nalyoli nkuvhavhuuzya kuuti, umuntu wonti we atakumusuuvhila uMulungu inza umwana vwe akumusuuvhila utaata waakwe, te ahinjile naalumo mu vhumwene uvhwa Mulungu.”

Maliko 10:22

Umuntu uyo lwe ayiivwa izyo, aheepa uku aswimiliilwe nkaani, mwe pe áamile ni vwuma ivwinji.

Maliko 3:5

Ahavhazyamila ku vhuhali, ahaswimiililwa, mwe pe avhwenyi uvhugomu uvhwa mooyo gaavho. Ahamuvhuuzya umuntu ula ahati, “Golosya inyoovhe yaaho.” Woope ahagolosya, inyoovhe yaakwe yihapona.

Maliko 5:32

Ileelo uweene ahatalanganya kwonti, inga amulole we ámupalamansiizye.

uLuuka 18:24

UYeesu lwe amulola kuuti aswimiililwa, ahati, “Shigomu nkaani avhadumbwe kwinjila mu vhumwene uvhwa Mulungu!

Yohani 3:5

UYeesu ahamwamula ahati, “Nalyoli nkukuvhuuzya kuuti, ataliipo umuntu we anginjila mu vhumwene uvhwa Mulungu inga atapafwilwe kwi idala ilya minzi ni lya Mupepo uwa Mulungu.

1 VaKolinti 1:26

Ishi vhamwitu, mukumbushe vwe mwáli lwe uMulungu ahavhiitaga. Avhinji muli imwe vhahalolehaga ngati vhatali nu vhushindamu uvhwa njeele pilongolela ilya vhantu. Havhili avhinji muli imwe, vhatáali vhamwamu, vhatápafwilwe mu nyumba izya vhashindamu.

Yakobu 2:5

Mwe vhamwitu vhankundwa, tejeelezyi ahinza! UMulungu avhasavhuuye avhantu avhapiina mu nsi umu kuuti vhavhe vhe vhadumbwe mu lwitiho, nu kuposheela uvhumwene vhwe áfinzile ku vhonti vhe vhakumukunda.

Yakobu 4:4

Imwe muholiine na vhavhembu, mwe pe mutali nu mushinzi kwa Mulungu! Mutamanyile kuuti we akusungwa izya mu nsi, akuvha mulugu uwa Mulungu? Ishi, wonti we akusungwa izya mu nsi, ayipezile kuvha mulugu uwa Mulungu.

2 Peteli 1:11

Kuli izyo, uMulungu alivhaposheela ahinza, inga mwinjile mu vhumwene uvhwa shiima uvhwa Mwene wiitu, uMuposhi uYeesu Chilisiti.