Maliko 10:22 - ULufingwi uLupwa

²² Umuntu uyo lwe ayiivwa izyo, aheepa uku aswimiliilwe nkaani, mwe pe áamile ni vwuma ivwinji.

Tesitamenti Umupwa 1965

²² Pʼuwenʼahavinduha kusheni lwʼayi-ṿuyʼizwi linili, ahaswimililwa, ahavala. Shʼali muhataṿwu-mʼiṿwinji.

Maliko 10:22 ပူးပေါင်းရင်းမြစ်များ

Matayi 13:22

Imbeyu zye zyágwiliiye mu mimvwa, shiholanyo isha vhantu vhaala vhe vhakwivwa izwi ilya Mulungu, ileelo pisinda mu vhulanzi vhwavho, vhakulemwa na maganigani nu kutepushila mu vhudumbwe na mu nyinza izya mu nsi. Izyo zikuliviganya izwi ilyo nu kulivhiiha kuuti lipootwe kupaapa.

Matayi 19:22

Lwe umujaaha uyo ayiivwa izyo, aheepa uku aswimiliilwe nkaani, mwe pe áamile ni vwuma ivwinji.

Matayi 27:3

Pe uYuuda, we ámwaniliiye uYeesu, lwe aalola kuuti uYeesu alongwa kumugoga, umwoyo wuhamuvhavha. Ahanyatula insavhaazya ziila 30 nu kuzigalusya ku vhapiti avha vhapuuti na vhasongo avha Vhayuuda.

Maliko 10:21

UYeesu ahamwenya, ahamukunda, ahamuvhuuzya ahati, “Usovheliilwe ishintu shooka. Sogoola ukazye ivintu vwonti vwe uli navwo, impiiya zye waposheela uuvhape avhapiina. Inga wavhomba vhwevhulo, ukuvha wayisengulila inkoma ku mwanya. Pe uyinze, undandate.”

Maliko 10:23

UYeesu aheenya imbazu zyonti, ahavhavhuuzya avhasundikwa vhaakwe, ahati, “Shiliivha shigomu nkaani avhadumbwe kwinjila mu vhumwene uvhwa Mulungu!”

Maliko 6:20

mwe pe uHeelodi ahamugulilaga. Uweene uHeelodi ahamwogopaga uYoohani, mwe pe ámanyile kuuti muntu umugolosu, havhili mufinjile. Ahasungwaga kumutejeelezya, ileelo lwe amutejeelezya ahaswimililwaga nkaani.

Maliko 6:26

Umwene ahaswimiililwa nkaani, ileelo atahanzaga kuhaana, mwe pe álafile pilongolela ilya vhajeni.

uLuuka 12:15

Pe ahavhavhuuzya avhantu vhonti ahati, “Muvhe minso! Muleshe kupapila ivintu, mwe pe uvhulanzi uvhwa muntu vhutakufumiilana nu vhwinji uvhwa vintu vwe ali navwo.”

uLuuka 18:23

Umupiti uyo, lwe ayiivwa izyo, ahaswimiililwa nkaani, mwe pe áamile wu dumbwe nkaani.

2 VaKolinti 7:10

Uvhuswimiilizu vhwe vhukwinza ku lukasamo ulwa Mulungu vhukumupela umuntu kutonta uvhutalamalandu. Kutonta ukwo, kukumupela umuntu kuuti avhwaje uvhuposhi. Uvhuswimiilizu inza uvhwo te vhwa kuyikwinkwina. Ileelo uvhuswimiilizu vhwe vhukwinza kufumiilana ni zya mu nsi, vhukuleeta uvhufwe.

VaEfeso 5:5

Yikwanzilwa mumanye kuuti umuvhembu nu mulugusu na we akupapamila ivintu te vhahapwane uvhumwene uvhwa Chilisiti nu Mulungu. We akupapamila ivintu we wooka na we akupuuta iviholanyo.

2 Timoti 4:10

UDeema andesile, mwe pe akuzisungwa izya mu nsi, asogooye mu nkaaya iya Tesaloniiki. UKileesike asogooye mu shigavho isha nsi isha Galaatiya nu Tiiti asogooye mu shigavho isha nsi isha Dalimatiya.