Maliko 10:2 - ULufingwi uLupwa

² Isiku limo, aVhafalisaayi vhahasogola kumulinga, vhahanda kumuvhuziilizya, vhahati, “Vhuli, indajizyo izya Moose zikwitishila umulume kumutavhula umushi waakwe?”

Tesitamenti Umupwa 1965

² PʼavaFalisayi vahapalamila kukwakwe, vahamuvuzilizya vahati: Umuntʼali numulandu ingʼakutavulʼumushi wakwe? She vahamulinga.

Maliko 10:2 ပူးပေါင်းရင်းမြစ်များ

Matayi 15:12

Pe avhasundikwa vhaakwe vhahasogola kwa Yeesu, vhahamuvhuziilizya vhahati, “Umanyile kuuti aVhafalisaayi lwe vhiivwa amazwi gaala ge waayanzile, vhaavisiitwe nkaani?”

Matayi 16:1

Pisinda, aVhafalisaayi na Vhasadukaayi vhamo vhahinza kwa Yeesu kumulinga. Vhahamulaavha kuuti avhalolesye ishilolesyo isha kuhomeshezya kuuti afumile kwa Mulungu.

Matayi 19:3

Pe aVhafalisaayi vhamo vhahasogola kwa Yeesu kumulinga, vhahati, “Vhuli, indajizyo izya Moose zikwitishila umulume kumutavhula umushi waakwe ku nongwa yonti yiila?”

Matayi 22:35

Wumo mu Vhafalisaayi ivho we áamile musambiilizi uwa ndajizyo, ahamuvhuziilizya uYeesu kumutega ahati,

Matayi 23:13

“Mwasheela imwe mwe vhasambiilizi avha ndajizyo, niimwe mwe Vhafalisaayi, mwe vhashifumbo imwe! Ku nsambiilizyo zyinyu mukuvhadindila avhantu kwinjila mu vhumwene uvhwa Mulungu. Niimwe mweneemwe mutakwinjila, havhili mutakuvhitishila vhe vhakwanza kwinjila.

Matayi 9:34

Ileelo aVhafalisaayi vhahati, “Akushimbizya impepo inkandamanu ku maha aga mupiti uwa mpepo inkandamanu!”

Maliko 10:1

UYeesu na vhasundikwa vhaakwe vhaheepa pe vhahavhanga, vhahazyunguulaga mu shigavho isha nsi isha Yudeeya, na mu nsi iya mwi isyila ilya ijenje uYoolodaani. Ivhungaana ilya vhantu lihasogolaga ku kwakwe nu kumuzyunguula. Ahataliha kuvhasambiilizya inza vwe ahavhombaga.

Maliko 10:3

UYeesu ahamwamula ahati, “UMoose álajiziizye ishooni?”

Maliko 8:11

AVhafalisaayi vhahiivwa kuuti uYeesu aafiha, vhahasogola ku kwakwe, vhahataliha kudalinkana nu kumulinga. Vhahanzaga avhalolesye ishilolesyo isha kuhomeshezya kuuti afumile kwa Mulungu.

Maliko 8:15

Lwe vhaakulamba usumbi, pe uYeesu ahavhasoha ahati, “Muvhanje minso nu mulembo uwa kuluzizya uwa Vhafalisaayi nu wa Heelodi.”

uLuuka 11:39

Pe uMwene uYeesu ahamuvhuuzya ahati, “Imwe mwe Vhafalisaayi mukuyivhiiha mwe vhagolosu pilongolela ilya vhantu, ileelo muhati zyinyu mwizuuye uvhupumula vintu nu vhuvhiivhi. Isho she shooka nu kwozya ulupindi nu luvhiga munzi vhweleele.

uLuuka 16:14

AVhafalisaayi lwe vhiivwa amazwi igo, vhahanda kumusuufwa uYeesu, mwe pe vházisungwilwe nkaani impiiya.

uLuuka 5:30

Avhasambiilizi avha ndajizyo izya Moose na Vhafalisaayi, vhahanda kuvhakwinkwina avhasundikwa avha Yeesu, vhahatinji, “Shooni she mukulya nu kumwela pooka na vhasonchezya musonko na vhatalamalandu?”

uLuuka 6:7

AVhafalisaayi vhamo na vhasambiilizi avha ndajizyo vhahalondolaga idala ilya kumulonjeelela uYeesu. Pe vhahenyaaga inga kuuti amuponie umuntu uyo isiku ilya Sabaato.

uLuuka 7:30

Ileelo aVhafalisaayi na vhasambiilizi avha ndajizyo vháhaanile ulukasamo ulwa Mulungu ku kwavho, mwe pe vhatózeliilwe nu Yoohani.

Yohani 11:47

Pe avhapiti avha vhapuuti na Vhafalisaayi vhahavhungaana pa lukuvhato lwe vhahatinji iSaniheediliini, vhahavhuzilizanya vhuuvho vheeka vhahati, “Vhuli, tuvhombe ishooni? Yeenya, umuntu uno akuvhomba ivilolesyo ivwinji.

Yohani 11:57

Pe avhapiti avha vhapuuti na Vhafalisaayi vhahalajizya kuuti umuntu wonti inga aamanya kwe uYeesu ali, asogole avhavhuuzye, inga vhamuleme.

Yohani 7:32

AVhafalisaayi vhahiivwa ivhungaana ilya vhantu vhakunongʼona izyo. Pe avheene na vhapiti avha vhapuuti vhahavhasonteelezya avhasikaali, inga vhamuleme uYeesu.

Yohani 7:48

Vhuli, aliipo umupiti wumo, poosye uMufalisaayi we amwitisile uYeesu?

Yohani 8:6

Avheene vhámuvhuziliziizye uYeesu vhwevhulo, inga vhamuteje nu kulyaga idala ilya kumulonjeelela. Ileelo uYeesu ahiinama, ahanda kusimba pansi ni nyoovhe yaakwe.

1 VaKolinti 10:9

Havhili tutamulingaje uChilisiti inza vhamo muli ivho vwe vhámulinzile, vhahalumwa ni njoha, vhahafwa.