Maliko 1:27 - ULufingwi uLupwa

²⁷ Vhonti vhahasukumila nkaani nu kuvhuzilizanya kuuti, “Nsambiilizyo vhuli injeni izi, havhili izya maha? Umuntu uno ali na maha amapiti, mwe pe kwi izwi akuzipilila impepo inkandamanu, zyope zikumushindiha!”

Tesitamenti Umupwa 1965

²⁷ Pe vahatentwa vonti vahavuzilizanya vahati: Zili vuli zinizi? Zye nongwʼimpwa! Shʼali namaha ga kuzipililʼimpepʼinkandamanu, izyene pe zikumwitiha.

Maliko 1:27 ပူးပေါင်းရင်းမြစ်များ

Matayi 15:31

Avhantu ivho vhahasukumila nkaani lwe vhaalola avhashinuunu vhakuyanga, na vhalemazu na vhantendya vhakujenda na vhantonko vhakulola. Vhahamutiima uMulungu uwa Vhaisilayeeli.

Matayi 8:9

Nkuyanga vhwevhulo, mwe pe niine vhweleele indi pansi pa vhapiti vhaane, havhili indi na vhasikaali vhe vhali pansi yaane. Inga namuvhuuzya wumo nati, ‘Usogole ukutunga!’ Naluvhiilo akusogola. Inga namuvhuuzya uwamwavho nati, ‘Luvhiilo!’ Woope akwinza. Woope umuzya waane inga namuvhuuzya nati, ‘Vhomba uti,’ akuvhomba vhwevhulo.”

Matayi 9:33

UYeesu ahayishimbizya impepo iyo, naluvhiilo, umuntu uyo ahataliha kuyanga. Ivhungaana ilya vhantu vhe vháamile paala vhahasukumila nkaani, vhahati, “Mu nsi yonti iya Isilayeeli zitahafumila naalumo inza izi!”

Maliko 1:26

Impepo iyo yihamutetemesya umuntu ula, ahahoola nkaani, yihafuma.

Maliko 1:28

Pe inongwa izya mbombo izya Yeesu zihakumuha naluvhiilo mu shigavho isha nsi shonti isha Galilaaya.

Maliko 10:24

Avhasundikwa vhaakwe vhahasukumila kwivwa amazwi gaakwe. UYeesu ahavhavhuuzya havhili ahati, “Vhaana vhaane, shigomu nkaani kwinjila mu vhumwene uvhwa Mulungu!

Maliko 10:32

UYeesu na vhasundikwa vhaakwe vháali mwi idala kuzuvha ku Yelusaleemu, avhantu avhanji vhahanda kuvhalandata. UYeesu ahalongolela mwilongolela, avhasundikwa vhaakwe vhahasukumila, avhantu vhe vhahamulandataga vhahiima ni lyoga. Ahavhanyatula havhili kukwilu vhaala 12, ahanda kuvhavhuuzya zye kwe zimwaje.

Maliko 16:5

Lwe vhinjila mu mbiipa, vhahaaga umujaaha atendiime ku luvhazu ulwa kundiilo, azwaye umwenda umuzelu, vhoope vhahahasamala.

Maliko 16:6

Ileelo umujaaha ula ahati, “Mutahasamalaje. Imanyile kuuti mukumulondola uYeesu uwa ku Naazaleeti we aahomeliilwe. Ataliipo ipa! UMulungu amuzyusiizye! Yeenyi pe vhaamukasiizye.

Maliko 7:37

Avhantu vhonti vhahasukumila nkaani, vhahati, “Atuvhombela zyonti ahinza, avhatuula avhakuutwi kwivwa na vhashinuunu kuyanga.”

uLuuka 4:36

Avhantu vhonti vhahasukumila nkaani, vhahapanzanyaaga vheeka vhahatinji, “Izi zya kusukumizya nkaani! Umuntu uno akuzipilila impepo inkandamanu ku maha, zyope zikufuma!”

uLuuka 9:1

UYeesu ahavhiita avhasundikwa vhaakwe 12, ahaavhapa amaha amasisya na maha aga kushimbizya impepo inkandamanu zyonti nu kuponia amavhinu.

iMbombo izya Vhatumwa 17:19

Pe avhasambiilile ivho, vhahamutwala uPaavhuli pa lukuvhato lwavho lwe vhahatinji iAlewopaago. Pe vhahamuvhuuzya vhahati, “Insambiilizyo injeni izyo zye ukuvhasambiilizya avhantu, tuvhuuzye niiswe tuzimanye.