Maliko 1:24 - ULufingwi uLupwa

²⁴ Ahahoola inkoolo ahati, “Shooni she ukutwinjiilila, iwe Yeesu wa ku Naazaleeti? Uyinzile kutulovwa? Imanyile kuuti iwe we Mufinjile uwa Mulungu.”

Tesitamenti Umupwa 1965

²⁴ akuti: Tuli vuli naswe nawe we Yesu wa mu-Nazaleti? Uyinzilʼukututupula, tukumanyilʼiswe, she we Mufinjile wa Mulungʼiwe.

Maliko 1:24 ပူးပေါင်းရင်းမြစ်များ

Matayi 2:23

Ahafiha nu kutendama mu nkaaya iya Naazaleeti, inga izwi lilunjishe lye avhakuvhwi vháyanzile kuuti, “Vhalimwita vhaliiti, Munaazaleeti.”

Matayi 8:29

Pe vhahahoola nkaani, vhahati, “Shooni she ukutwinjiilila iwe we Mwana wa Mulungu? Vhuli, uyinzile kutulovwa she ahavhaliilizyo hashiili?”

Maliko 1:23

Mwi isinagoogi ilyo mwáli umuntu wumo, we álemwilwe ni mpepo inkandamanu.

Maliko 1:25

UYeesu ahayipilila impepo yiila ahati, “Ahalanga! Fuma mwa muntu uno!”

Maliko 10:47

Lwe ayiivwa kuuti uYeesu uwa ku Naazaleeti akutuuha, ahataliha kuhoola kwi izwi ipiti, ahati, “We Yeesu, Mwana wa Daavhudi, umfwile uvhwila!”

Maliko 14:67

Ahamulola uPeeteli lwe akwota umwoto, ahamuzyamila, ahati, “Niiwe waamile pooka nu Yeesu uMunaazaleeti.”

Maliko 16:6

Ileelo umujaaha ula ahati, “Mutahasamalaje. Imanyile kuuti mukumulondola uYeesu uwa ku Naazaleeti we aahomeliilwe. Ataliipo ipa! UMulungu amuzyusiizye! Yeenyi pe vhaamukasiizye.

Maliko 5:7

ahahoola kwi izwi ipiti ahati, “Shooni she ukuninjiilila iwe Yeesu, we Mwana wa Mulungu uMupiti uwa ku Mwanya? Nalamba nkaani kwi izina ilya Mulungu utahanjimvwe!”

uLuuka 1:35

Uhavhizya ahamwamula ahati, “UMupepo uMufinjile kuuti akwishile, na maha aga Mulungu uMupiti uwa ku Mwanya kuuti gakugwinshile inza ahanzundila. Pe umwana we ulipaapa aliivha mufinjile, havhili avhantu vhalitinji Mwana wa Mulungu.

uLuuka 24:19

Woope uYeesu ahati, “Kuli nongwa vhuli?” Vhahamwamula vhahati, “Inongwa zye vhamuvhombeeye uYeesu uwa ku Naazaleeti. Umuntu we aamile mukuvhwi, havhili aamile na maha aminji mu mbombo na mu mazwi gaakwe, havhili uMulungu na vhantu vhamwitihaga.

uLuuka 4:34

“Shooni she ukutwinjiilila, iwe Yeesu wa ku Naazaleeti? Uyinzile kutulovwa? Imanyile kuuti iwe we Mufinjile uwa Mulungu!”

uLuuka 8:28

Lwe amulola nu kumumanya uYeesu, ahahoola inkoolo, ahamusugamilila, ahayanga kwi izwi ipiti ahati, “Shooni she ukuninjiilila iwe Yeesu, we Mwana wa Mulungu uMupiti uwa ku Mwanya? Nalamba utahanjimvwe.”

uLuuka 8:37

Pe avhantu vhonti avha mu nsi iya Vhagelaasi, vhahalemwa ni lyoga. Pe vhahamulambiilizya uYeesu kuuti avhwele ku mwavho. Woope ahinjila mwi ivhooti, ahavhwela.

Yohani 6:69

Iswe tukwitiha, havhili tumanyile kuuti iwe we we Mufinjile we uMulungu áfinzile kumuleeta!”

iMbombo izya Vhatumwa 2:27

mwe pe te uhandeshe ku vhuzimu, poosye kwitishila kuuti umuvhili waane vhufishile kuvhola, ine ne Mufinjile waaho.

iMbombo izya Vhatumwa 24:5

“Umuntu uno tuvhwenyi kuuti mutamwe nkaani. Akuleeta uvhusambusu mu Vhayuuda avha nsi zyonti. Uweene mupiti uwa shipuuto isha Vhanaazaleeti she te sha muumwo.

iMbombo izya Vhatumwa 3:14

Imwe muhamuhaana uYeesu, we Mufinjile wa Mulungu havhili Mugolosu. Ileelo muhalaavha kuuti, umuntu we mugozi we asatulwe!

iMbombo izya Vhatumwa 4:27

Nalyoli vwe zili! Umwene uHeelodi nu Pontiyo uPilaato pooka na Vhaisilayeeli na vhantu avha nsi izinji vhavhungiine mu nkaaya ino, kuzya Yeesu umuvhomvi waaho umufinjile. Havhili uyo we wámusevile kuuti avhe wu Chilisiti.

Yakobu 2:19

Ukwitiha kuuti uMulungu ali wooka. Mwe muumwo! Zyope impepo inkandamanu zikwitiha vhwevhulo nu kutetema kwi lyoga!

1 Yohani 2:20

Ileelo imwe uMulungu avhapiiye uMupepo uMufinjile, ye nongwa mwenti muvhumanyile uvhwanalyoli.

Ishitushizya 3:7

“Uhavhizya uwa shivhanza isha ku Filadelufiya, musimbile uti: Iga mazwi kufuma kwa Yeesu, ula we mufinjile, havhili uwa nalyoli, we ali ni shigulilo isha maha isha mwene uDaavhudi. Uweene we inga ayiigula nuumo uwa kwigalila, havhili inga agalila nuumo uwa kwigula: