Maliko 1:21 - ULufingwi uLupwa

²¹ UYeesu na vhasundikwa vhaakwe vhahasogola mu nkaaya iya Kapelanawuumu. Lwe lyafiha isiku ilya Sabaato, ahinjila mwi isinagoogi pooka na vhasundikwa vhaakwe, ahanda kusambiilizya.

Tesitamenti Umupwa 1965

²¹ Pe vahajenda vahavalʼukufiha mu-Kapelinahumu. Ilelo pisabati pʼahinjila musinagogi, ahavasambilizya.

Maliko 1:21 ပူးပေါင်းရင်းမြစ်များ

Matayi 4:13

Lwe uYeesu ali mu Galilaaya, aheepa mu nkaaya iya Naazaleeti, ahasogola kutendama mu nkaaya iya Kapelanawuumu. IKapelanawuumu nkaaya ye yili mu luvhazu mwa sumbi uwa Galilaaya, ku luvhazu ulwa nsi iya Zaabulooni ni ya Naafutaali.

Matayi 4:23

UYeesu ahazyunguulaga mu shigavho isha nsi shonti isha Galilaaya. Ahinjilaga mu masinagoogi gaavho, umwo ahasambilizyaga avhantu nu kukumusya Izwi iLyinza ilya vhumwene uvhwa Mulungu nu kuvhaponia amavhinu gonti nu vhuyeyevhazu uvhwa mavhiila mu mavhiila.

Maliko 1:20

Lwe avhalola vhweleele, ahavhiita, vhoope vhahamuleha utaata waavho uZebedaayi muhati iya ivhooti pooka na vhavhomvi vhaakwe, vhahamulandata uYeesu.

Maliko 1:29

Lwe vhaafuma mwi isinagoogi, uSiimoni nu Andeleeya vhahamuposheela uYeesu nu Yaakobu nu Yoohani ku nyumba yaavho.

Maliko 1:33

Avhantu avhinji nkaani avha mu nkaaya yiila vhávhungiine pilongolela ilya nyumba yiila.

Maliko 1:39

Pe ahasogola mu shigavho isha nsi isha Galilaaya shonti, ahakumusyaga mu masinagoogi gaavho nu kwefwa impepo inkandamanu.

Maliko 10:1

UYeesu na vhasundikwa vhaakwe vhaheepa pe vhahavhanga, vhahazyunguulaga mu shigavho isha nsi isha Yudeeya, na mu nsi iya mwi isyila ilya ijenje uYoolodaani. Ivhungaana ilya vhantu lihasogolaga ku kwakwe nu kumuzyunguula. Ahataliha kuvhasambiilizya inza vwe ahavhombaga.

Maliko 2:1

Lwe zyatuuha insiku nyinsi, uYeesu ahagaluha ku Kapelanawuumu na vhantu vhahiivwa kuuti ali pa nkaaya.

Maliko 3:1

UYeesu ahinjila havhili mwi isinagoogi limo, umwo mwáli umuntu wumo we inyoovhe yaakwe yáhataliiye.

Maliko 6:2

Lwe lyafiha isiku ilya Sabaato, ahataliha kuvhasambiilizya avhantu mwi isinagoogi. Avhantu avhinji vhe vháliipo muula, vhahasukumila nkaani nu kuvhuzilizanya kuuti, “Azyazile kwoshi insambiilizyo izi? Havhili vhushindamu vhuli uvhwa njeele uvhu, vhwe apeliilwe?” Havhili vhahati, “Mu nyoovhe zyakwe akuvhomba amafindango amapiti nkaani.

uLuuka 10:15

Niimwe mwe vhantu avha mu nkaaya iya Kapelanawuumu, vhuli, mukusiivha kuuti muliizuvha kufishila ku mwanya? Ndaali! Te yihaavhe vhwevhulo, mulisumbwa pansi kufishila ku vhuzimu!”

uLuuka 13:10

Isiku limo ilya Sabaato, uYeesu ahavhasambilizyaga avhantu mwi isinagoogi.

uLuuka 4:16

Isiku limo, uYeesu ahafiha mu Naazaleeti, inkaaya ye ákuliiye. Isiku ilya Sabaato ahinjila mwi isinagoogi, inza vwe gáamile amaata gaakwe. Ahimiilila inga avhaazye uVhusimbe uVhufinjile.

uLuuka 4:23

UYeesu ahavhavhuuzya ahati, “Nalyoli kwe mumbuuzye ku miivhi kuuti, ‘Iwe muganga, yiponie weneewe!’ Kwe muti, ‘Imbombo zye twivuuye uvhomvile mu nkaaya iya Kapelanawuumu, ishi uzivhombe na pa nkaaya ipa pa mwinyu weneewe.’”

iMbombo izya Vhatumwa 17:2

UPaavhuli ahinjilaga mwi isinagoogi inza vwe gáamile amaata gaakwe. Ku havhaliilizyo aha Sabaato zitatu ahavhalumbililaga kutuushila mu Vhusimbe uVhufinjile.

iMbombo izya Vhatumwa 18:4

Insiku zyonti izya Sabaato, uPaavhuli ahinjilaga mwi isinagoogi, ahayangaga na Vhayuuda na vhe te Vhayuuda, kuuti pamo vhoope vhiitishe.