Maliko 1:15 - ULufingwi uLupwa

¹⁵ Ahati, “Ahavhaliilizyo aha vhumwene uvhwa Mulungu haafiha nu vhumwene uvhwa Mulungu vhupalamiiye! Mupindushe, mulyitishe Izwi iLyinza ilya Mulungu.”

Tesitamenti Umupwa 1965

¹⁵ ahati: Umwaha ayinzile, uvumwene vwa Mulungu vwinzile, vuli papipi. Simupindushe, mwitishʼinongwa zyʼIvangeli.

Maliko 1:15 ပူးပေါင်းရင်းမြစ်များ

Matayi 10:7

Lwe mukujenda, mukumusyaje mutinji, ‘Uvhumwene uvhwa Mulungu vhupalamiiye.’

Matayi 3:2

ahatinji, “Mupindushe uvhutalamalandu vhwinyu, mwe pe uvhumwene uvhwa Mulungu vhupalamiiye!”

Matayi 4:17

Kufuma ahavhaliilizyo iho, uYeesu ahataliha kukumusya kuuti, “Mupindushe uvhutalamalandu vhwinyu, mwe pe uvhumwene uvhwa Mulungu vhupalamiiye!”

uLuuka 10:11

‘Poosye ulusuuto ulwa mu nkaaya yiinyu lwe luli mu vinama vwitu, tukupuupula, inga vhuvhe vhwe vhwahoome uvhwa kuvhasoha. Ileelo mumanye kuuti uvhumwene uvhwa Mulungu vhupalamiiye!’

uLuuka 10:9

Muvhaponiaje avhavhinu vhe vhali mu nkaaya iyo. Muvhavhuzyaje avhantu vhonti kuuti, ‘Uvhumwene uvhwa Mulungu vhupalamiiye kuli imwe!’

uLuuka 24:47

Havhili kwi izina lyakwe, avhantu avha mu nsi zyonti, kwandila ku Yelusaleemu, vhalivhakumusizya kuuti vhatontaje imbiivhi zyavho, inga uMulungu avhaswile.

iMbombo izya Vhatumwa 20:21

Nkavhasohaga aVhayuuda na vhe te Vhayuuda kuuti vhatonte uvhutalamalandu vhwavho, vhamulandate uMulungu, nu kumwitiha uMwene wiitu uYeesu Chilisiti.

VaLoma 16:26

Ileelo uMulungu uwa shiima álajiziizye kuuti Izwi ilyo liloleshe apazelu kutuushila mu Vhusimbe uVhufinjile uvhwa vhakuvhwi. Havhili kuuti avhantu avha mu nsi zyonti vhalimanye Izwi ilyo, inga vhamwitishe nu kumushindiha.

VaGalati 4:4

Ileelo ahavhaliilizyo he hávhisiilwe lwe haafiha, uMulungu ahamusonteelezya uMwana waakwe mu nsi, ahavha muntu inza iswe, ahanda kulongolwa ni ndajizyo.

VaEfeso 1:10

nu lukasamo lwakwe lwe luno: Kuuti inga zyonti zyasila na havhaliilizyo he ahasaavhula haafiha, alivivhungaaniha pooka ivipelwa vwonti, vwe vili ku mwanya na vwe vili pa nsi. Woope uMwana waakwe we aliivha mupiti uwa vipelwa ivwo.

1 Timoti 2:6

Uweene áyifumwizye kuuti afwe kuvhatavhula avhantu vhonti. Uvhwo vhwe vhwahoome vhwe uMulungu ahomesheziizye ku havhaliilizyo he hahondeeye.

uTiiti 1:3

Lwe ahavhaliilizyo haakwe he áhavhatisile haafiha, ahavhamanyisya avhantu izwi lyakwe kwi idala ilya kukumusya kwane. UMulungu uMuposhi wiitu wuuyo we álajiziizye kuuti ndumbililaje.