Maliko 1:14 - ULufingwi uLupwa

¹⁴ Pisinda, uYoohani ahakungwa mu jeela, pe uYeesu ahasogola mu shigavho isha nsi isha Galilaaya, ahataliha kukumusya Izwi iLyinza ilya Mulungu.

Tesitamenti Umupwa 1965

¹⁴ Ayazile lelo vamulemilʼuYohani, pʼuYesu ahavala muGalilayi ahakumusyʼinongwa izya kupulumushila mumwo izya Mulungu,

Maliko 1:14 ပူးပေါင်းရင်းမြစ်များ

Matayi 11:2

Lwe uYoohani uMwozyi akunziilwe mu jeela, ahiivwa zye uChilisiti akuvhomba. Pe ahavhatumiilizya avhasundikwa vhaakwe,

Matayi 14:2

Pe ahavhavhuuzya avhavhomvi vhaakwe ahati, “Uno wu Yoohani uMwozyi azyusile! Ye nongwa ali na maha aga kuvhomba amafindango.”

Matayi 4:12

Pe lwe uYeesu ayiivwa kuuti uYoohani uMwozyi vhamukunzile mu jeela, aheepa mu Yudeeya, ahasogola mu shigavho isha nsi isha Galilaaya.

Matayi 4:17

Kufuma ahavhaliilizyo iho, uYeesu ahataliha kukumusya kuuti, “Mupindushe uvhutalamalandu vhwinyu, mwe pe uvhumwene uvhwa Mulungu vhupalamiiye!”

Matayi 4:23

UYeesu ahazyunguulaga mu shigavho isha nsi shonti isha Galilaaya. Ahinjilaga mu masinagoogi gaavho, umwo ahasambilizyaga avhantu nu kukumusya Izwi iLyinza ilya vhumwene uvhwa Mulungu nu kuvhaponia amavhinu gonti nu vhuyeyevhazu uvhwa mavhiila mu mavhiila.

Matayi 9:35

UYeesu ahazyunguulaga mu nkaaya zyonti na mu ntala zyonti. Ahinjilaga mu masinagoogi gaavho, umwo ahasambilizyaga avhantu nu kukumusya Izwi iLyinza ilya vhumwene uvhwa Mulungu nu kuvhaponia amavhinu gonti nu vhuyeyevhazu uvhwa mavhiila mu mavhiila.

uLuuka 3:20

Pe uHeelodi ahonjezya kuvhomba imbiivhi, ahamukunga uYoohani mu jeela.

uLuuka 8:1

Lwe zyatuuha izyo, uYeesu ahazyunguulaga mu nkaaya inyinji na mu ntala, ahakumusyaga nu kulumbiilila Izwi iLyinza ilya vhumwene uvhwa Mulungu. Áamile pooka na vhasundikwa vhaakwe 12.

iMbombo izya Vhatumwa 20:25

“Natuuhaga uku nuukwo kuvhakumusizya imwe mwenti izya vhumwene uvhwa Mulungu. Ileelo ishi tejeelezyi, ine imanyile kuuti, te muhandole havhili naalumo.

iMbombo izya Vhatumwa 28:23

Pe vhahitinkana nu Paavhuli isiku ilya kuvhungaana mu nyumba ye ahatendamaga. Isiku ilyo lwe lyafiha, aVhayuuda vhahavhungaana ku vhwinji kuluusya isiku ilya pisinda. UPaavhuli ahavhapanjila inongwa inyinji kufuma inzanshi kufishila hamazuuvha. Ahavhalumbililaga inongwa izya vhumwene uvhwa Mulungu. Ahavhasinjilizyaga kuuti vhoope vhamwitishe uYeesu, ahavhombaga vhwevhulo kwi idala ilya kuvhalolesya amazwi ge gakupanga inongwa zyakwe mu ndajizyo izya Moose, na mu makalaata aga vhakuvhwi.

VaLoma 1:1

Ukalaata uno nsimvile neene ne Paavhuli, ne muvhomvi uwa Chilisiti uYeesu. Ániisite kuuti mbe ne mutumwa, nu kunsaavhula kuuti nkumusyaje Izwi iLyinza ilya Mulungu.

VaEfeso 2:17

Áyinzile kulumbiilila Izwi iLyinza ilya kuleeta ulwivwano kuli imwe mwe te mwe Vhayuuda mwe mwámile ukutali nu Mulungu na kuli iswe swe Vhayuuda swe twámile papiipi nawo.