Kolosi 4:3 - ULufingwi uLupwa

³ Mutulavhilaje niiswe, inga uMulungu atwigulile idala ilya kulumbiilila izwi lyakwe, nu kuvhuvumbula uvhuzigizigi uvhwa Chilisiti. Ine nkunziilwe kuzya kuvhulumbiilila uvhuzigizigi uvhwo.

Tesitamenti Umupwa 1965

³ lwe mukutuputila niswe vwelele, ukuti uMulungu atwigulile ishilyango shʼizwi, tuziyangaje izya vuzigizigi vwa Chilisiti, zye zimpeleyʼukukungwʼine;

Kolosi 4:3 ပူးပေါင်းရင်းမြစ်များ

Matayi 13:11

Uweene ahavhaamula ahati, “Imwe uMulungu avhapiiye kuzimanya izya kukwilu izya vhumwene vhwakwe. Ileelo avheene atavhapiiye kuzimanya zyonti izyo.

iMbombo izya Vhatumwa 14:27

Lwe vhaafiha pa Antiyookiya, vhahavhavhungaaniha avhantu avha mu shivhanza. Vhahavhavhuuzya zyonti zye uMulungu ávhomvile kutuushila ku kwavho nu kuuti avhalolesiizye vhe te Vhayuuda, idala ilya kumwitiha uYeesu.

VaLoma 16:25

Ishi, ashindikwaje uMulungu! Uweene ali na maha aga kuvhagomwa kwi idala ilya Izwi iLyinza ilya Yeesu Chilisiti lye nkukumusya. Izwi ilyo, hali lyáli kukwilu.

1 VaKolinti 16:9

Nkuvhomba vhwevhulo, mwe pe uMulungu aniguliiye idala ilya kuvhomba imbombo impiti mu nkaaya ino, ileelo vhaliipo avhantu avhinji vhe vhakundinda.

1 VaKolinti 4:1

Avhantu vhatumanyaje iswe kuuti, twe vhavhomvi avha Chilisiti, havhili twe vhimiilizi avha ntumi iya Mulungu iya vhuzigizigi.

2 VaKolinti 2:12

Ishi, lwe naafiha mu nkaaya iya Tolowa kulumbiilila Izwi iLyinza ilya Chilisiti, ukwo uMwene aaniguliiye idala ilya kuvhomba imbombo yaakwe.

VaEfeso 3:1

Kuli izyo, ine ne Paavhuli ne nkunziilwe mu jeela kuzya kuvhomba imbombo iya Chilisiti uYeesu kuli imwe mwe te mwe Vhayuuda, nkuvhalaavhila imwe.

VaEfeso 3:3

Inza vwe mbasimbiiye, uMulungu ámanyisiizye uvhuzigizigi vhwakwe kwi idala ilya kundoleshela.

VaEfeso 3:4

Inga mwavhaazya zye mbasimbiiye izyo, kwe mulole vwe imanyile ulukasamo ulwa vhuzigizigi kuzya Chilisiti.

VaEfeso 3:9

UMulungu we Mupezi uwa vintu vwonti, ánsavhuuye kuuti mbalolesye avhantu vhonti ulukasamo lwakwe ulwa vhuzigizigi vwe lukuvhombeha. Ulukasamo ulwo, áluzyisile kukwilu amanda gonti aga hali.

VaEfeso 4:1

Ishi ine ne nkunziilwe mu jeela kuzya Mwene uYeesu, nkuvhalambiilizya kuuti muvhe nu lujendo lwe lukuvhalilana nu lwito lwinyu ulwa vhushindamu kwa Mulungu.

Filipi 1:19

mwe pe imanyile kuuti, izyo zye zinaazile ziligalunkana kuvha vhuposhi kuli ine, mwe pe mukundaavhila, havhili, mwe pe uMupepo uwa Yeesu Chilisiti akunaavwa.

Filipi 1:7

Nalyoli yihondeeye kuvhasivhiilila izi mwenti ku luseshelo, mwe pe imwe muli mu mwoyo waane. Imwe mwenti mukunavwaga ine imbombo iya Mulungu iya kuliyanjila Izwi iLyinza izya kulipoha, ahavhaliilizyo he nkunziilwe, poosye he náshiili kukungwa.

Kolosi 1:26

Izwi ilyo lya vhuzigizigi vhwe uMulungu ávhuzyisile amanda gonti aga hali ku vhantu vhonti, ishi avhuvumbuuye ku vhafinjile vhaakwe.

Kolosi 4:18

Nkusimba izi ku nyoovhe yaane neneene. Ine ne Paavhuli nkuvhalamuha. Mukumbushe kuuti nkunziilwe mu jeela. UMulungu avhafwilaje uvhwila imwe mwenti.

1 VaTesaloniki 5:25

Vhamwitu, niiswe mutulavhilaje kwa Mulungu.

2 Timoti 1:16

Ileelo uMwene uYeesu avhafwilaje uvhwila avhantu avha mu nyumba iya Nesifoolo, mwe pe uNesifoolo ahanavwaga ulwinji mu mayimba gaane amapiti. Havhili atahalolaga insoni kuzya kuuti nkunziilwe na manyoloolo iga.

2 Timoti 2:9

Izwi ilyo lye likumbiiha kuuti njimbaje nu kukungwa na manyoloolo ngati ne muvhomba mbiivhi. Ileelo izwi ilya Mulungu litakukungwa!

2 Timoti 4:2

Uvhakumusizyaje avhantu izwi ilya Mulungu, yivhe kwe ku havhaliilizyo he hahondeeye, poosye he hatahondeeye. Havhili uvhasohaje nu kuvhapilila nu kuvhagomwa amooyo nu kuvhasambiilizya vhujimbiilizu vhwonti.

Filemoni 1:22

Pooka niizyo, nkukulaavha unsenganizanye apa vhukaato, mwe pe nkusuuvhila kuuti ku mpuuto zyinyu, uMulungu kwe atusatule mu jeela, pe ininze kuli imwe kuvhavuula.