Kolosi 4:2 - ULufingwi uLupwa

² Mumulaavhaje uMulungu insiku zyonti, muvhanje minso ishisita kulita nu kumusalifwa uweene.

Tesitamenti Umupwa 1965

² Mwumishizyaje ukuputa. Mudamulilaje lwe mukuputa nukusalifwa,

Kolosi 4:2 ပူးပေါင်းရင်းမြစ်များ

Matayi 26:41

Damuuli, mumulaavhaje uMulungu, kuuti aavhape amaha, inga indingo zitahinze zivhapoote. Mukusungwa kuvhomba ahinza ileelo amavhili giinyu mayeyevhazu.”

Maliko 13:33

Mushevhaje nu kuvha minso havhili mulaavhaje, mwe pe mutamanyile ahavhaliilizyo iho haliifiha lyeli.

uLuuka 18:1

UYeesu ahavhavhuuzya avhasundikwa vhaakwe ishiholanyo kuvhasambiilizya kuuti, vhakwanzilwa vhamulaavhaje uMulungu insiku zyonti, ishisita kuvunziha amooyo.

uLuuka 21:36

Ishi, muvhanje minso ahavhaliilizyo honti, mumulaavhaje uMulungu, inga avhapanje amaha aga kupoota mu zyonti zye zilifumila, inga muhimiilile ku luseshelo pilongolela lyane ine ne Mwana wa Aadamu.”

iMbombo izya Vhatumwa 1:14

Ivho vhonti vhahavhungaanaga kulaavha, pooka na vhantanda vhamo nu Maliiya umaayi wa Yeesu na vhanine avha Yeesu.

VaLoma 12:12

Museshelaje, mwe pe mukusuuvhila kuposheela inyinza kufuma kwa Mulungu. Mujimbililaje inga amayimba gakuvhinzila, havhili mumulaavhaje uMulungu ahavhaliilizyo honti.

VaEfeso 6:18

Ishi vhamwitu, ahavhaliilizyo honti mulaavhaje ku mpuuto zyonti inza vwe uMupepo uMufinjile akuvhalongola. Kuvhomba isho, muvhanje minso, mutalitaje kuvhalaavhila avhafinjile vhonti.

Filipi 4:6

Mutayitamwaje ku nongwa yonti, nkandi muvhanje mukupuuta nu kulaavha pooka nu kusalifwa. Zyonti zye mukwanza zimanyihaje kwa Mulungu.

Kolosi 1:9

Kuli izyo, kufuma ahavhaliilizyo he twívuuye inongwa zyinyu, tukuvhalavhilaga insiku zyonti. Tukulaavha kuuti uMulungu aavhape uvhumanyi vhwonti ku ziila zye uweene akwanza, nu vhushindamu uvhwa njeele nu vhumanyi kufuma kwa Mupepo uMufinjile.

Kolosi 2:7

Musimpaje nu kuyizenga mu kwakwe, havhili mugomaje mu lwitiho inza vwe mwásambiliiye. Mumusalifwaje uMulungu nkaani.

Kolosi 3:15

Uvhutehamu uvhwa Chilisiti vhuvhalongozyaje mu mooyo giinyu. UMulungu ávhiisite mwenti kuuti muvhe pooka inza ivipelwa ivwa mu muvhili wooka, inga muvhe nu vhutehamu uvhwo. Mumusalifwaje uweene.

Kolosi 3:17

Zyonti zye mukuyanga, poosye kuvhomba, muvhombelaje mwi izina ilya Mwene uYeesu. Havhili mumusalifwaje uTaata uMulungu kutuushila ku kwakwe.

Kolosi 4:12

UEpaafula umuntu uwa ku mwinyu, umuvhomvi uwa Chilisiti uYeesu, akuvhalamuha. Ahavhaliilizyo honti akuyikungula kuvhalaavhila imwe inga musimpaje mu lwitiho, havhili muvhe mwe vhalunjisu nu kuvha mwe vhadandamazu ku zyonti zye uMulungu akwanza.

1 Peteli 4:7

Uvhusililishilo uvhwa vintu vwonti vhupalamiiye, ishi muyikonzyaje, havhili muvhanje minso ku zye mukuvhomba, inga mulaavhaje vwe yikwanzilwa.