Kolosi 4:18 - ULufingwi uLupwa

¹⁸ Nkusimba izi ku nyoovhe yaane neneene. Ine ne Paavhuli nkuvhalamuha. Mukumbushe kuuti nkunziilwe mu jeela. UMulungu avhafwilaje uvhwila imwe mwenti.

Tesitamenti Umupwa 1965

¹⁸ We mulamu wa muhono wane ne Pavuli. Mukumbuhaje umunyololo wane. Uvwila vuvanje namwe.

Kolosi 4:18 ပူးပေါင်းရင်းမြစ်များ

VaLoma 16:20

Ishi, uMulungu we akuutupa uvhutehamu alimutinzanya uSeetano nu kuuvhapa imwe amaha aga kumupoota. UMwene wiitu uYeesu Chilisiti avhafwilaje uvhwila.

VaLoma 16:22

Niine ne Telitiiyo, ne musimvi uwa mazwi aga mwa kalaata uno uwa Paavhuli, nkuvhalamuha kwi izina ilya Mwene uYeesu.

VaLoma 16:23

UGaayo we nkutendama mu nyumba yaakwe, havhili we mu kwakwe mwe avhantu avha mu shivhanza shonti isha Mwene uYeesu vhakuvhungaana, akuvhalamuha. Woope uElaasito, we akusengula impiiya izya nkaaya ino, akuvhalamuha, havhili woope uwamwitu uKwalito, akuvhalamuha.

1 VaKolinti 16:21

Ine ne Paavhuli, nkuvhasimbila izi izya kuvhalamuha ni nyoovhe yaane neneene.

2 VaKolinti 13:14

UMwene uYeesu Chilisiti avhafwilaje uvhwila. UMulungu alolesyaje ishikunzi kuli imwe. Woope uMupepo uMufinjile, avhapanje uvhuliilani imwe mwenti.

Filipi 1:7

Nalyoli yihondeeye kuvhasivhiilila izi mwenti ku luseshelo, mwe pe imwe muli mu mwoyo waane. Imwe mwenti mukunavwaga ine imbombo iya Mulungu iya kuliyanjila Izwi iLyinza izya kulipoha, ahavhaliilizyo he nkunziilwe, poosye he náshiili kukungwa.

Kolosi 4:3

Mutulavhilaje niiswe, inga uMulungu atwigulile idala ilya kulumbiilila izwi lyakwe, nu kuvhuvumbula uvhuzigizigi uvhwa Chilisiti. Ine nkunziilwe kuzya kuvhulumbiilila uvhuzigizigi uvhwo.

2 VaTesaloniki 3:17

Ine ne Paavhuli nkuvhasimbila umulaamu uno ku nyoovhe yaane neneene. Ishi she shilolesyo mu vhakalaata vhaane vhonti, vwe nkusimba vhwevhulo.

1 Timoti 6:21

Vhaliipo avhantu vhamo vhe vhakuyitumvwa kuuti vhasambiilile, ileelo vhalulesile ulwitiho ulwa nalyoli. UMulungu avhafwilaje uvhwila imwe mwenti.

2 Timoti 1:8

Ishi utalolaje insoni kuhomeshezya izya Mwene wiitu uYeesu Chilisiti, poosye kuzya ine kukungwa kuzya mbombo iya kukumusya uvhwanalyoli vhwakwe. Ileelo ujimbililaje amayimba pooka niine kuzya Izwi iLyinza, ku maha ge uMulungu ákupiiye.

2 Timoti 4:22

UMwene uYeesu avhe pooka niiwe. Avhafwilaje uvhwila imwe mwenti.

uTiiti 3:15

Avhamwitu vhonti vhe tuli pooka navho, vhakukulamuha. Niiwe utulamushile avhamwitu mu lwitiho avha mu Kileete vhe vhatukunzite. UMulungu avhafwilaje uvhwila imwe mwenti.

VaHebuli 13:25

UMulungu avhafwilaje uvhwila imwe mwenti.

VaHebuli 13:3

Muvhakumbuhaje avhantu vhe vhakunziilwe mu jeela, muvhanje ngati mukunziilwe pooka navho. Havhili muvhakumbuhaje vhaala vhe vhakuyimvilwa, muvhanje ngati mukuyimvilwa pooka navho.