Kolosi 3:8 - ULufingwi uLupwa

⁸ Ileelo ishi, muleshe nziila kuvha nu mulaha nu vhuhalazu nu vhuvhiivhi nu musaamu, na mazwi amamwamu mu mili zyinyu.

Tesitamenti Umupwa 1965

⁸ Shinishi nyene pe muzitagaje zyonti zinizi, umulaha, nahafwishi, nulombwa, numusamu, namazwi ga nsoni ukufuma mwilomu lyinyu.

Kolosi 3:8 ပူးပေါင်းရင်းမြစ်များ

Matayi 5:22

Ileelo ine nkuvhavhuuzya kuuti, umuntu wonti we akumuviitilwa uwamwavho, akwanzilwa kupeelwa isunde. Havhili, wonti we akumuliga uwamwavho kuuti we mupukupuuku, akwanzilwa kulongwa pa lukuvhato. Woope we akumutipa uwamwavho, akwanzilwa kusumbilwa mwi ipalaazya ilya mwoto uwa shiima!

Maliko 7:22

nu vhuvhembu ni mpapilo nu vhuvhiivhi nu kuhopenkanya nu vhumalaaya nu mwone nu musaamu na mabaado nu vhupukupuuku.

VaLoma 13:13

Tuvhe nu lujendo ulwinza inza vwe yikwanzilwa ku vhantu vhe vhakulandila mu vhuzelu. Tutahaavhe twe vhapafu, poosye twe vhashimwela, poosye twe vhavhembu, poosye twe vhamalaaya, poosye twe vha ivho poosye twe vha mwone.

1 VaKolinti 3:3

Nkuyanga vhwevhulo, mwe pe poosye ishi mukulongolwa nu vhuntu uvhwa vhutalamalandu. Pahati yiinyu muli nu mwone ni ivho. Vhuli, izyo zitakulolesya kuuti muli she mukulongolwa nu vhuntu uvhwa vhutalamalandu nu kulandila inza avhantu avha mu nsi umu?

2 VaKolinti 12:20

Ishi nkwogopa kuuti lwe nkwinza kuli imwe, intahinze imbaaje muli nu lujendo lwe ntalusungwilwe. Ilyo lilimbiiha kuvhomba zye mutasungwilwe. Nkwogopa kuuti lumo ingavhaaga muli ni ivho nu mwone nu mulaha nu lupapilo ni ndigo ni iyevho nu kuyitumvwa nu vhusambusu.

VaGalati 5:15

Ileelo inga mukulumana nu kuliizana inza ivihanu, muvhe minso, mutahinze mumalane.

VaGalati 5:20

Izyamwavho zye zino: kupuuta iviholanyo nu vhulozi nu vhulugu ni ivho nu vhuzuvha nu mulaha nu lutumvanyo na madali nu kusugaana

VaGalati 5:26

Tutanzilizanyaaje, poosye kulolelana umwone, mwe pe tukuyitumvwa vhweleele.

VaEfeso 4:22

Mwásambiliiye kuleha ulujendo lwinyu uluvhiivhi nu kuzuula amooyo giinyu aga vhutalamalandu vhwe mwáli navhwo. Impapilo zyinyu zye zikuvhahopenkanya zikuvhananganya amooyo giinyu.

VaEfeso 4:25

Ishi muleshe kuluma ilenga. Umuntu wonti yikwanzilwa amuvhuzyaje uwamwavho izya nalyoli, mwe pe swenti tuli pooka mwa Chilisiti inza ivipelwa ivwa mu muvhili wooka.

VaEfeso 4:26

Inga mwaviitwa, mutavhombaje uvhutalamalandu. Havhili izuvha litaswanje she muli nu mulaha.

VaEfeso 4:29

Mutayangaje amazwi amavhiivhi, muyangaje amazwi aga kuvhazenga avhamwinyu kulandatana na vwe yikwanzilwa, inga vhe vhakutejeelezya vhalyagaje ilonka.

VaEfeso 5:4

Havhili mutayangaje amazwi aga nsoni na ga vhupukupuuku, poosye aga mfuuzyo, nkandi mumusalifwaje uMulungu ahavhaliilizyo honti.

Kolosi 3:5

Pe ishi, muleshe kuvhombela amavhili giinyu imbombo izya mu nsi. Muzilovwe nziila imbombo izyo! Izyenezyo, vhulugusu nu vhuvhembu nu vhumalaaya ni mpapilo imbiivhi izya mavhiila mu mavhiila. Kupapila she shooka ni shipuuto isha viholanyo.

Kolosi 3:9

Mutalumilanaje ilenga, mwe pe muzuuye amooyo giinyu aga vhutalamalandu pooka ni mbombo zyakwe.

1 Timoti 1:13

Pooka nu kuuti kwisinda ukwo nkamuligaga nu kuvhayimvwa avhantu vhaakwe nu kuvhasaamula, ileelo ámfwiliiye uvhwila. Nkavhombaga izyo ishisita kumanya, lwe nshiili kuvha nu lwitiho.

1 Timoti 1:20

Muli ivho aliipo uHimenaayo nu Alekizanda, avhenevho imulesheeye uSeetano, inga vhasambiilile, vhaleshe kumusaamula uMulungu.

VaHebuli 12:1

Ishi, mwe pe tuzyunguliilwe ni mpuga impiti iya vhahoome inza vhwevhulo, niiswe vhweleele tuvwefwe vwonti vwe vikutudindila mu lwitiho, nu kuvhuleha uvhutalamalandu vhwe vhutakuhaavha kutugwisya. Havhili tuyikungulaje kuvhomba zye uMulungu azivhiisile pilongolela lyitu, inza umuntu vwe akushimbila uluvhilo ku mute mu lutumvanyo.

Yakobu 2:7

Vhuli, te vhe vhanaavho vhe vhakulisaamula izina ilyinza ilya Yeesu lye muhapeelwa?

1 Peteli 2:1

Pe ishi, muleshe uvhuvhiivhi vhwonti ni ilenga ni shifumbo nu mwone ni ndigo zyonti.

2 Peteli 2:18

Avheene vhakuyanga amazwi aga kuyitumvwa ge gatakwavwa naashimo. Havhili ku mpapilo izya vhumalaaya zye zikufumiilana nu vhuntu vhwavho uvhwa vhutalamalandu, vhakuvhahopenkanya avhiitisi vhe vhatagomile mu lwitiho, vhe vhalesile kuvhomba zye avhatalamalandu vhakuvhomba.

2 Peteli 2:7

Mu vhantu ivho ámuposile uLooti, umuntu umugolosu, we ahayimvilwaga nkaani mu mwoyo waakwe kuzya vhutalamalandu uvhwa vhumalaaya vhwe avhantu vhahavhombaga mu nkaaya izyo.

uYuuda 1:13

Vhakupootwa kuyidindila inza amavhilingwa amapiti aga mwa sumbi, havhili imbombo zyavho izya nsoni, zikukumuha inza umutatafula uwa mavhilingwa igo. Havhili, vhali inza inzota zye zikweleela, ivho, ishiisi ishipiti, vhwe vhutendamo vhwavho vhwe vhahavhiishilwa shiima.

uYuuda 1:8

Ishi avhantu ivha vhoope vwe vhali. Vhakuloota injozi nu kuuti zya Mulungu. Injozi izyo zye zikuhandamania amavhili gaavho. Havhili zikuvhavhiiha kuuti vhahaanaje amaha aga Mulungu, nu kuvisaamula ivipelwa ivishindamu ivwa ku mwanya.

Ishitushizya 16:9

Pe avhantu vhahapwa havhiivhi nkaani. Vhahamuliga uMulungu, uweene we ali na maha ku mfwa izyo. Ileelo vhatápindusile nu kumushindiha uMulungu.