Kolosi 3:5 - ULufingwi uLupwa

⁵ Pe ishi, muleshe kuvhombela amavhili giinyu imbombo izya mu nsi. Muzilovwe nziila imbombo izyo! Izyenezyo, vhulugusu nu vhuvhembu nu vhumalaaya ni mpapilo imbiivhi izya mavhiila mu mavhiila. Kupapila she shooka ni shipuuto isha viholanyo.

Tesitamenti Umupwa 1965

⁵ Ishi pe mutugogaje utuntu twa mumuvili winyu wa pansʼipa, nuluvembu nuvuhandamanu, nuvupwe vwa kupwela mumbivi, nuvulugusu uvuvivi, nuvupapilaṿwonti, shʼuvwene vwe vwa kugavombelʼamalungu.

Kolosi 3:5 ပူးပေါင်းရင်းမြစ်များ

Matayi 15:19

Nkuyanga vhwevhulo, mwe pe mu mwoyo uwa muntu, mwe mukufuma insiivho imbiivhi nu vhugozi nu vhuvhembu nu vhulugusu nu vhwivha nu vhwahoome uvhwa ilenga ni ndigo.

VaLoma 1:26

Kuli izyo, uMulungu ahavhaleha vhavhombaje izyavho izya nsoni inza vwe vhakwanza. Avhantanda vhahaleha kujenda na vhanaavuli, vhahanda kujenda vhuuvho vheeka.

VaLoma 1:29

Vhahavha nu vhuvhiivhi uvhwa mavhiila mu mavhiila, vhahavha nu lupapilo nu mulaha. Havhili vhahiizula umwone nu vhugozi ni ivho. Vhahavha vhantu vhe vhakuhopenkanya. Vhali nu vhulumaluma ni isuufwo ni iyevho

VaLoma 6:13

Havhili mutahaaleshe ivipelwa ivwa mu mavhili giinyu vivhe vwa kuvhombela uvhutalamalandu, nkandi muyifumwe kwa Mulungu inza avhantu vhe uMulungu avhazyusiizye, nu kuvhinjizya mu vhulanzi uvhupwa. Havhili muvifumwaje kwa Mulungu ivipelwa ivwo vivhombaje imbombo ingolosu.

VaLoma 6:6

Tumanyile kuuti uvhuntu vhwitu uvhwa hali vhwáhomeliilwe pooka nu Chilisiti pa shihovhenkanyo, inga amaha aga vhuntu uvhwo uvhwa hali galovhe, tutahaavhe twe vhazya avha vhutalamalandu havhili.

VaLoma 7:23

Ileelo ivipelwa ivwa mu muvhili waane, amaha aga vhutalamalandu vhwe vhukulwa uvhulugu ni nsiivho zyane vhukuvikonzya. Amaha igo gakumbiiha kuvha ne muzya uwa vhutalamalandu vhwe vhukuvhomba imbombo mu muvhili waane.

VaLoma 7:5

Ahavhaliilizyo he uvhuntu vhwitu uvhwa vhutalamalandu vhuhatukonzyaga iswe, indajizyo zyávhiisile impapilo imbiivhi izya mu mavhili giitu kuuti zivhe na maha nkaani. Ishi she shátuvhiisile kuuti tunyonywaje kuvhomba uvhutalamalandu ahavhaliilizyo honti. Ilyo lye lyátupeleeye uvhufwe.

VaLoma 8:13

Yeenya, inga mukulongolwa nu vhuntu uvhwa vhutalamalandu mu vhulanzi vhwinyu, muliifwa, ileelo inga mukuleha kuzilandata imbombo izya vhuntu uvhwa vhutalamalandu ku maha aga Mupepo uMufinjile, muliyiima mwe vhalanzi.

1 VaKolinti 5:1

Nalyoli nivuuye inongwa kufuma kuli imwe kuuti kuli uvhulugusu pahati yiinyu vhwe vhutalolesile naalumo poosye ku vhantu vhe vhatamwitisile uMulungu. Nivuuye kuuti umuntu wumo akujenda nu mushi uwa yise.

1 VaKolinti 6:11

Vhamo muli imwe vháali inza vhwevhulo. Ileelo ishi, uMulungu avhazelufwizye nu kuvhavhiiha kuvha mwe vhantu vhaakwe, nu kuvhavhaazya kuuti mwe vhagolosu pilongolela lyakwe, kwi izina ilya Mwene wiitu uYeesu Chilisiti na ku maha aga Mupepo uwa Mulungu wiitu.

1 VaKolinti 6:13

Havhili vhamo muli imwe vhakuti, “Lwe tuli ni nzala tukwanzilwa kulya, mwe pe amavhili gakwanza ishaakulya.” Vwe zili, ileelo hakwinza ahavhaliilizyo he uMulungu aligagalulanya amavhili giitu, te gahanze ishaakulya. Ileelo ishi muleshe kuuti tuhondeeye kuvhomba uvhulugusu, inza vwe yikwanzilwa kulya lwe tuli ni nzala. UMulungu atágapezile amavhili giitu kuzya vhulugusu, nkandi kuzya kumuvhombela uMwene uYeesu, woope uMwene akugakonzya amavhili.

1 VaKolinti 6:18

Kuli izyo, mutantamaje ku vhulugusu. Imwe mukuti, “Uvhutalamalandu vhwonti vhwe umuntu akuvhomba, vhuli kunzi mu muvhili waakwe,” ileelo we akuvhomba uvhulugusu, akuvhuvhombela uvhutalamalandu umuvhili waakwe wuuyo.

2 VaKolinti 12:21

Havhili nkwogopa kuuti lwe nkwinza kuli imwe, uMulungu waane kwe ambiishe kuuti ndole insoni pilongolela lyinyu. Kwe nswimiililwe kulola avhantu avhinji muli imwe vhashiili kutonta uvhutalamalandu vhwe vhávhomvile. Vhashiili vhakuvhomba uvhuvhembu nu vhulugusu ni mpapilo izyamwavho izya vhumalaaya zye vháali nazyo hali.

VaGalati 5:24

Avhantu vhe vhali mwa Chilisiti uYeesu, vhavhuhomeleeye pa shihovhenkanyo uvhuntu vhwavho uvhwa vhutalamalandu pooka ni nsiivho zyakwe imbiivhi ni mpapilo.

VaEfeso 4:19

Vhatakulola insoni, imbombo yaavho kwe kuvhomba uvhumalaaya nu vhuvhembu uvhwa mavhiila mu mavhiila. Vhakunyonywa nkaani kuvhomba izyo.

Kolosi 2:11

Lwe mwasopenkana nu Chilisiti, mwátahiliilwe. Mutátahiliilwe na vhantu, nkandi nu Chilisiti wuuyo, kwe kuuti ávhefwizye uvhuntu vhwinyu uvhwa vhutalamalandu.

1 VaTesaloniki 4:3

UMulungu akwanza muvhe mwe vhafinjile, kwe kuuti mutavhombaje uvhulugusu.

1 VaTesaloniki 4:5

Mutahiime ni mpapilo imbiivhi inza avhantu avha kunzi vhe vhatamumanyile uMulungu.

1 Timoti 6:10

Yeenya, kusungwa impiiya, vhwe vhwandilo uvhwa mbiivhi zyonti. Vhaliipo avhantu vhamo vhe vhazisungwilwe nkaani impiiya, zivhapeleeye kuuti vhaluleshe ulwitiho lwavho, vhavwalaziizye amooyo gaavho ku vhuswimiilizu nkaani.

VaHebuli 12:16

Muvhanje minso, inga atahaavhe umuntu we mulugusu, poosye we atakumushindiha uMulungu inza uEesavhu. Uweene ákaziizye uvhupwano vhwakwe uvhwa kuvha wu hatoote ku shaakulya isha kulya lwoka vhweleele.

VaHebuli 13:4

Uvhusendelo vhukwanzilwa vhushindikwaje na vhantu vhonti, havhili umulume nu mushi vhatavhombaje uvhulugusu nu vhuvhembu, mwe pe uMulungu alivhalonga avhantu vhonti vhe vhakuvhomba uvhulugusu nu vhuvhembu.

VaHebuli 13:5

Mutavhanje nu lupapilo ulwa mpiiya, nkandi amooyo giinyu gitihaje kuuti vikwiliiye vwe muli navwo. Nkuvhavhuuzya vhwevhulo, mwe pe uMulungu áyanzile átili, “Te nkakuleshe, poosye kukuluvwa naalumo.”

Yakobu 4:1

Ivho na madali ge gali muli imwe vikufuma kwoshi? Vikufuma mu mpapilo zyinyu imbiivhi zye zikulwana muhati zyinyu!

1 Peteli 2:11

Vhankundwa, nkuvhalambiilizya, mwe pe muli ngati mwe vhajeni mu nsi umu, havhili mukutuuha, muzileshe impapilo izya vhuntu uvhwa vhutalamalandu zye zikulwana na mooyo giinyu.

Ishitushizya 21:8

Ileelo avhantu avha ilyoga na vhe vhatakwitiha na vhapoopo na vhagozi na vhalugusu na vhalozi na vhe vhakupuuta iviholanyo na vha ilenga vhonti, uvhuyo vhwavho vhuliivha mwa sumbi ula we akwaha umwoto ni mbaluuti. Uwo we vhufwe uvhwa vhuvhili.”

Ishitushizya 22:15

Ileelo kunzi ukwo kuli imbwa na vhalozi na vhalugusu na vhagozi na vhaala vhe vhakupuuta iviholanyo na vhonti vhe vhakusungwa ilenga nu kuliyanga.