Kolosi 3:24 - ULufingwi uLupwa

²⁴ Mukumbushe kuuti uMwene aliivhapa ishipeelwa she vhupwano vhwinyu. UMwene we mukumuvhombela we wu Chilisiti.

Tesitamenti Umupwa 1965

²⁴ She mumanyile ukuti muliposhela kwa Mwene amalipilo ginyu, nkutaha uvupwano. MumuvombelajʼuMwene Chilisiti!

Kolosi 3:24 ပူးပေါင်းရင်းမြစ်များ

Matayi 10:41

Umuntu wonti we akumuposheela umukuvhwi, mwe pe mukuvhwi, uMulungu aliimupa ishipeelwa inza isha mukuvhwi. Havhili, wonti we akumuposheela umuntu umugolosu, mwe pe mugolosu, uMulungu aliimupa woope ishipeelwa inza isha mugolosu.

Matayi 5:12

Lwe zikuvhombeha izyo, museshelaje nu kudovhela, mwe pe uMulungu aliivhapa ishipeelwa ishipiti ku mwanya. Havhili vhwevhulo, vwe vhahavhayimvwaga avhakuvhwi vhe vhávhalongoleeye imwe.”

Matayi 5:46

Inga mukuvhakunda vhe vhe vhakuvhakunda imwe, pe muliposheela malipilo vhuli? Avhasonchezya musonko vhoope vhakuvhakunda vhaala vhe vhakuvhakunda avheene!

Matayi 6:16

“Lwe mukuyiima kulya, pa minso giinyu patalolesyaje uvhuswimiilizu inza vwe avhashifumbo vhakuvhomba. Avheene vhakulolesya uvhuswimiilizu pa minso gaavho, inga avhantu vhavhalole kuuti vhakuyiima kulya. Nalyoli nkuvhavhuuzya kuuti, vhaposheleeye ivipeelwa vwavho.

Matayi 6:5

“Lwe mukumulaavha uMulungu, mutavhanje ngati vhashifumbo. Avheene vhakusungwa kuyilolesya ku vhantu lwe vhakumulaavha uMulungu mu masinagoogi na mu madala amalehaana, inga avhantu vhavhatiimaje. Nalyoli nkuvhavhuuzya kuuti, vhaposheleeye ivipeelwa vwavho.

uLuuka 14:14

Pe niiwe uliivha nu vhuloote, mwe pe ivho vhatali ni vintu ivwa kukugalusizya. UMulungu we alikugalusizya, ahavhaliilizyo he alivhazyusya avhagolosu.”

uLuuka 6:35

“Ileelo imwe, muvhakundaje avhalugu vhiinyu, muvhavhombelaje inyinza nu kuvhapavhila ishisita kusuuvhila kuuti vhalivhagalusizya. Inga mukuvhomba izyo, uMulungu alivhalipa ivwinji. Havhili muliivha mwe vhaana vha Mulungu uMupiti uwa ku Mwanya, mwe pe uweene mwinza poosye na ku vhe vhatakumusalifwa na vhavhiivhi.

Yohani 12:26

Umuntu wonti we akumbombela ine, akwanzilwa andandate. Yeenya, ponti pe indi, nu muvhomvi waane kwe avhanje. Havhili uTaata alimushindiha umuntu wonti we akumbombela ine.

iMbombo izya Vhatumwa 20:32

“Ishi nkuvhavhiiha mu nyoovhe izya Mulungu na mu vhulongozi uvhwa izwi ilya vhwila vhwakwe. Izwi ilyo lye likuvhwezya kuvhazenga, nu kuuvhapa uvhupwano vhwe avhavhishiiye avhafinjile.

VaLoma 1:1

Ukalaata uno nsimvile neene ne Paavhuli, ne muvhomvi uwa Chilisiti uYeesu. Ániisite kuuti mbe ne mutumwa, nu kunsaavhula kuuti nkumusyaje Izwi iLyinza ilya Mulungu.

VaLoma 14:18

We akumuvhombela uChilisiti inza vhwevhulo, akumuhondezya uMulungu, havhili akwitishilwa na vhantu.

1 VaKolinti 11:23

Nkuyanga vhwevhulo, mwe pe insambiilizyo zye náposheleeye kwa Mwene uYeesu, zye návhapiiye imwe. Návhavhuziizye kuuti uvhusiku vhuula vhwe vhámwaniliiye uMwene uYeesu, ányatuuye ikaati,

1 VaKolinti 3:8

We akuvhwala na we akwitiilizya vhonti vhali ni nsiivho yooka. UMulungu aliivhapa vhonti amalipilo gaavho, kulandatana ni mbombo zyavho.

1 VaKolinti 7:22

Nkuyanga vhwevhulo, mwe pe umuntu we áamile muzya lwe uMwene uYeesu akumwita, uyo musatushe kwa Mwene uYeesu. Woope we áamile musatushe lwe uMwene akumwita, uyo muzya uwa Chilisiti.

VaGalati 1:10

Ishi vhuli, mukusiivha kuuti nkwanza kukundwa na vhantu? Ndaali, nkwanza kukundwa nu Mulungu weeka vhweleele! Inga nanzaga kukundwa na vhantu, ine nkandi te ne muzya wa Chilisiti.

VaEfeso 6:6

Mutavhavhombelaje ahinza lwe vhakuvhalola vhweleele, inga vhavhatiime, nkandi muvhavhombelaje fwe mwe vhavhomvi avha Chilisiti, muvhombaje ku mwoyo wonti inza vwe uMulungu akwanza.

VaEfeso 6:8

Mumanye kuuti uMwene uYeesu aliimupa ishipeelwa umuntu wonti ku mbombo yaakwe inyinza ye akuvhomba, avhe muzya poosye te muzya.

Kolosi 2:18

Mutahiitishe umuntu wonti we akuhomeelezya izya vhwahayiisye uvhwa ilenga nu kuvhapuuta avhahavhizya. Umuntu inza uyo atahavhafwule ishipambwi isha shiima. Akuti ali na maha aga kusambiilizya, mwe pe avhwenyi injozi iya pa minso amazelu. Akuyitumvwa ku njeele izya vhuntu vhwakwe uvhwa vhutalamalandu.

VaHebuli 10:35

Kuli izyo, muvhanje nu vhudandamazu, mwe pe muliposheela ishipeelwa ishipiti nkaani kufuma kwa Mulungu.

VaHebuli 11:6

Ataliipo umuntu we angamuhondezya uMulungu ishisita ulwitiho. Umuntu wonti we akwanza kumupuuta uMulungu, akwanzilwa kwitiha kuuti uMulungu aliipo nu kuuti aliivhapa ivipeelwa vhaala vhe vhakulondola kumumanya.

VaHebuli 9:15

Kuli izyo, uYeesu we akuvhakundanya avhantu nu Mulungu mu lufingwi ulupwa, inga avhantu vhe uMulungu avhasavhuuye vhaposheele uvhulanzi uvhwa shiima vhwe áfinzile kuuvhapa. Izi zikuvhombeha vhwevhulo, mwe pe uYeesu áfuuye, inga avhatavhule avhantu kufuma mu vhutalamalandu vhwavho vhwe vhávhomvile ahavhaliilizyo aha lufingwi ulwa hali.

1 Peteli 1:4

inga tuposheele uvhupwano vhwe uMulungu avhasenguliiye avhantu vhaakwe ku mwanya. Uvhupwano uvhwo vhutakunanjiha, poosye kuvhola, poosye kufwoha.

2 Peteli 1:1

Ukalaata uno nsimvile neene ne Peeteli, ne muvhomvi, havhili ne mutumwa uwa Yeesu Chilisiti. Nkuvhasimbila imwe mwe muposheleeye ulwitiho luula ulwa nsavho, lwe niiswe tuluposheleeye. Muluposheleeye ulwitiho ulwo kwi idala ilya vhugolosu uvhwa Mulungu wiitu uMuposhi uYeesu Chilisiti.

uYuuda 1:1

Ukalaata uno nsimvile neene ne Yuuda. Ine ne muvhomvi uwa Yeesu Chilisiti, havhili ne munine uwa Yaakobu. Nkuvhasimbila imwe mwe uTaata uMulungu ahavhiita nu kuvhakunda, havhili uYeesu Chilisiti akuvhasunjiilila.