Kolosi 3:23 - ULufingwi uLupwa

²³ Lyonti lye mukuvhomba, muvhombaje ku mwoyo wonti, inza vhe vhakumuvhombela uMwene uYeesu, te inza vhe vhakumuvhombela umuntu.

Tesitamenti Umupwa 1965

²³ Yonti yenga mukuvomba muvombaje numwoyo wonti fwe ngati mukumuvombelʼuMwene, te vantu.

Kolosi 3:23 ပူးပေါင်းရင်းမြစ်များ

Matayi 6:16

“Lwe mukuyiima kulya, pa minso giinyu patalolesyaje uvhuswimiilizu inza vwe avhashifumbo vhakuvhomba. Avheene vhakulolesya uvhuswimiilizu pa minso gaavho, inga avhantu vhavhalole kuuti vhakuyiima kulya. Nalyoli nkuvhavhuuzya kuuti, vhaposheleeye ivipeelwa vwavho.

VaLoma 14:6

Umuntu we akulishindiha nkaani isiku limo kuluusya izinji, akuvhomba vhwevhulo kumuhondezya uMwene uYeesu. Woope we akulya ivintu vwonti, akuvhomba vhwevhulo kumuhondezya uMwene, mwe pe akumusalifwa uMulungu. Woope we akulya zye nyanyi izya matundu akuvhomba vhwevhulo kumuhondezya uMwene uYeesu, woope akumusalifwa uMulungu.

VaLoma 14:8

Inga tukulandila, tukulandila ku vhushindamu uvhwa Mwene, poosye inga tukufwa, tukufwa ku vhushindamu vhwakwe. Pe ishi, inga tukulandila, poosye inga tukufwa, tuli she tukuvha twe vhantu vha Mwene uYeesu.

VaEfeso 5:22

Mwe vhantanda, mukwanzilwa muvhashindihaje avhalume vhiinyu, inza vwe mukumushindiha uMwene uYeesu.

Kolosi 3:17

Zyonti zye mukuyanga, poosye kuvhomba, muvhombelaje mwi izina ilya Mwene uYeesu. Havhili mumusalifwaje uTaata uMulungu kutuushila ku kwakwe.

1 Peteli 1:22

Mwe pe mukulandata insambiilizyo izya nalyoli, muyizelufwizye amooyo giinyu, inga muvhakundaje avhamwinyu ishisita ishifumbo. Ishi mukundanaje ku mwoyo wonti.

1 Peteli 2:13

Ishi, mwe pe muli mwa Mwene uYeesu, muzishindihaje indajizyo izya nsi. Mumushindihaje umwene wiinyu uwa nsi, mwe pe uweene we mulongozi umupiti uwa nsi yiinyu.

1 Peteli 2:15

Nkuyanga vhwevhulo, mwe pe uMulungu akwanza muvhombaje inyinza, inga avhapukupuuku vhe vhatamumanyile uweene, vhatavhanje ni lya kuvhakwinkwina.