Kolosi 3:22 - ULufingwi uLupwa

²² Niimwe mwe vhazya, muvhashindihaje avhamwene vhiinyu avha havhaliilizyo iha ku mbombo zyonti. Mutavhombaje isho lwe vhakuvhalola vhweleele, inga muyilolesye kuuti muhondeeye. Muvhashindihaje shiima ku mwoyo wonti, mwe pe mukumunyila uMwene uYeesu.

Tesitamenti Umupwa 1965

²² Mwe vazya, muvasajilaje muli zyonti avapiti vinyu muvuntu, mutavavombelaje peka penga vakuvenya fwe ngati mukwanzʼuvwankundwa kuvantu ndali, muvavombelaje shisitakusiva inyinji mumoyo ginyu lwe mukumunyilʼuMwene.

Kolosi 3:22 ပူးပေါင်းရင်းမြစ်များ

Matayi 6:22

“Aminso gaaho gali inza inyaale ye yikuwuhozya umuvhili waaho. Inga aminso gaaho gali ahinza, pe umuvhili waaho wonti wukuvha nu vhuzelu.

Matayi 8:9

Nkuyanga vhwevhulo, mwe pe niine vhweleele indi pansi pa vhapiti vhaane, havhili indi na vhasikaali vhe vhali pansi yaane. Inga namuvhuuzya wumo nati, ‘Usogole ukutunga!’ Naluvhiilo akusogola. Inga namuvhuuzya uwamwavho nati, ‘Luvhiilo!’ Woope akwinza. Woope umuzya waane inga namuvhuuzya nati, ‘Vhomba uti,’ akuvhomba vhwevhulo.”

uLuuka 6:46

“Shooni she mukuniita kuuti, ‘We Mwene,’ ileelo mutakuzivhomba zye nkuvhavhuuzya?

uLuuka 7:8

Nkuyanga vhwevhulo, mwe pe niine vhweleele indi pansi pa vhapiti vhaane, havhili indi na vhasikaali vhe vhali pansi yaane. Inga namuvhuuzya wumo nati, ‘Usogole ukutunga,’ naluvhiilo akusogola. Inga namuvhuuzya uwamwavho nati, ‘Luvhiilo!’ Woope akwinza. Woope umuzya waane, inga namuvhuuzya nati, ‘Vhomba uti,’ akuvhomba vhwevhulo.”

iMbombo izya Vhatumwa 2:46

Vhahavhungaanaga pa Nyumba iMfinjile insiku zyonti. Havhili vhahavhungaanaga mu nyumba zyavho kumensulana ikaati nu kulya ishaakulya shaavho pooka ku mwoyo umwinza nu luseshelo.

2 VaKolinti 7:1

Ishi vhankundwa, mwe pe uMulungu afinzile kuutupa izyo zyonti, tuyizelufwe mu zyonti zye zikutuvhiiha kuvha twe vhahandamanu amavhili na mooyo giitu. Tuvhanje twe vhafinjile kwi idala ilya kumunyila uMulungu.

VaGalati 1:10

Ishi vhuli, mukusiivha kuuti nkwanza kukundwa na vhantu? Ndaali, nkwanza kukundwa nu Mulungu weeka vhweleele! Inga nanzaga kukundwa na vhantu, ine nkandi te ne muzya wa Chilisiti.

Kolosi 3:20

Niimwe mwe vhaana, muvhashindihaje avhapaafi vhiinyu ku zyonti, mwe pe kuvhomba isho yikumuhondezya uMwene uYeesu.

1 VaTesaloniki 2:4

Ileelo tukulumbiilila, mwe pe uMulungu átuvhwenyi kuuti tuhondeeye, ahaatupa imbombo iya kulumbiilila Izwi iLyinza. Tutakusuuvhila kuvhahondezya avhantu, tukwanza kumuhondezya uMulungu, we akwenyeelezya zyonti zye zili muhati mu mooyo giitu.

Filemoni 1:16

Te avhe muzya waaho vhweleele, nkandi kwe avhe wamwitu unkundwa mwa Yeesu Chilisiti. Ine imunkunzite nkaani, niiwe umukunde nkaani, inza umunine waaho, havhili inza uwamwitu mwa Mwene uYeesu.