Kolosi 3:17 - ULufingwi uLupwa

¹⁷ Zyonti zye mukuyanga, poosye kuvhomba, muvhombelaje mwi izina ilya Mwene uYeesu. Havhili mumusalifwaje uTaata uMulungu kutuushila ku kwakwe.

Tesitamenti Umupwa 1965

¹⁷ Zyonti zyenga mukuvomba mumazwi namumbombo, zye muvombaje mwizina lya Mwene Yesu lwe mukumusalifwʼuMulungu uYise muli wuyo.

Kolosi 3:17 ပူးပေါင်းရင်းမြစ်များ

Matayi 28:19

Ishi musogole ku vhantu avha mu nsi zyonti nu kuvhapela kuvha vhasundikwa vhaane. Muvhombaje isho, kwi idala ilya kuvhoozya kwi izina ilya Taata ni lya Mwana ni lya Mupepo uMufinjile,

iMbombo izya Vhatumwa 19:17

Inongwa izyo zihakumuha ku Vhayuuda na vhe te Vhayuuda vhonti vhe vhahatendamaga mu Hefeeso. Vhonti ilyoga lihavhalema, vhahalitiimaga izina ilya Mwene uYeesu.

iMbombo izya Vhatumwa 4:30

Lwe tukulumbiilila, ulolesyaje amaha gaaho aga kuvhaponia avhavhinu nu kuvhomba ivilolesyo ni zya kusukumizya kutuushila kwi izina ilya Yeesu umuvhomvi waaho umufinjile.”

VaLoma 1:8

Isuuti, nkumusalifwa uMulungu kutuushila kwa Yeesu Chilisiti ku zyinyu mwenti, mwe pe ulwitiho lwinyu lukumusile mu nsi zyonti.

1 VaKolinti 10:31

Ishi, zyonti zye mukuvhomba, yivhe kwe kulya, poosye kumwela, poosye ishinji shonti she mukuvhomba, muvhombaje kuzya kuumupa uMulungu uvhushindamu.

VaEfeso 1:17

Nkulaavha kuuti, uMulungu uwa Mwene wiitu uYeesu Chilisiti we wu Taata uwa Vhushindamu, aavhape uvhushindamu uvhwa njeele nu kuvhalolesya vwe ali, inga mumumanye ahinza nkaani.

VaEfeso 5:20

Mumusalifwaje uTaata uMulungu ahavhaliilizyo honti mu zyonti, mwi izina ilya Mwene wiitu uYeesu Chilisiti.

Filipi 1:11

Muvhavhombelaje inyinza avhamwinyu, kwi idala ilya Yeesu Chilisiti, kuzya kumushindiha nu kumutiima uMulungu.

Filipi 2:11

Havhili ku vhushindamu uvhwa Taata uMulungu, avhantu vhonti vhapemule kuuti, uYeesu Chilisiti wu Mwene.

Kolosi 1:12

uku mukumusalifwa uTaata uMulungu ku luseshelo ulupiti. Uweene avhavhiisile kuvha mwe vhantu mwe mukuposheela uvhupwano uvhwa vhumwene uvhwa mu vhuzelu, vhwe vhwa vhafinjile.

Kolosi 2:7

Musimpaje nu kuyizenga mu kwakwe, havhili mugomaje mu lwitiho inza vwe mwásambiliiye. Mumusalifwaje uMulungu nkaani.

Kolosi 3:15

Uvhutehamu uvhwa Chilisiti vhuvhalongozyaje mu mooyo giinyu. UMulungu ávhiisite mwenti kuuti muvhe pooka inza ivipelwa ivwa mu muvhili wooka, inga muvhe nu vhutehamu uvhwo. Mumusalifwaje uweene.

Kolosi 3:23

Lyonti lye mukuvhomba, muvhombaje ku mwoyo wonti, inza vhe vhakumuvhombela uMwene uYeesu, te inza vhe vhakumuvhombela umuntu.

1 VaTesaloniki 1:1

Ukalaata uno nsimvile neene ne Paavhuli pooka nu Silwano nu Tiimoti. Tukuvhasimbila imwe mwe muli mu shivhanza isha mu nkaaya iya Tesaloniiki, mwe mpuga iya vhantu mwe mumwitisile uTaata uMulungu nu Mwene uYeesu Chilisiti. UMulungu avhafwilaje uvhwila nu kuuvhapa uvhutehamu.

1 VaTesaloniki 5:18

Mumusalifwaje uMulungu mu zyonti, mwe pe izyo zye uweene akwanza muzivhombaje inza vwe uChilisiti uYeesu atulolesiizye.

2 VaTesaloniki 2:17

avhasuvhaalizye amooyo nu kuvhagomwa, inga muvhombaje nu kuyanga zye nyinza.

VaHebuli 1:5

Yeenya, ataliipo uhavhizya nuumo we uMulungu ámuvhuziizye inza vwe ámuvhuziizye uMwana átili, “Iwe we Mwana waane, ileelo ili navha ne Taata waaho.” Havhili ataliipo uhavhizya nuumo we uMulungu ámuvhuziizye inza vwe áyanzile átili, “Kwe mbe ne Taata waakwe, woope kwe avhe Mwana waane.”

VaHebuli 13:15

Kwi idala ilya Yeesu tujendeelele kumutiima uMulungu, mwe pe amazwi giitu aga kulitiima izina lyakwe gakuholana ni mpuutile zye tukumufumwizya.

1 Peteli 2:5

Niimwe vhweleele muli ngati mavhwe amalanzi. Muzengwilwe kuvha nyumba imfinjile ye yitakuloleha pa minso amazelu. Umwo niimwe mwe vhapuuti avhafinjile vhe vhakufumwa impuutile zye zitakuloleha pa minso amazelu. Impuutile izyo zikwitishilwa nu Mulungu kwi idala ilya Yeesu Chilisiti.

1 Peteli 2:9

Ileelo uMulungu ávhasavhuuye imwe kuvha mwe vhantu vhaakwe. Imwe mwe vhapuuti mu vhumwene vhwakwe, havhili mwe vhantu avhafinjile. UMulungu ávhasavhuuye imwe, inga mukumusyaje imbombo zyakwe impiti. Uweene ávhiisite kufuma mu shiisi nu kuvhinjizya mu vhuzelu vhwakwe uvhupiti.

1 Peteli 4:11

We ali ni shikunjilwa isha kulumbiilila, alumbililaje mu vhwanalyoli uvhwa Mulungu. We ali ni shikunjilwa isha vhuvhomvi, avhavhombelaje avhamwavho ku maha ge uMulungu amupiiye. Kwi idala ilyo, uMulungu kwe avhanje akutiimwa ku zyonti kutuushila kwa Yeesu Chilisiti we ali nu vhushindamu na maha shiima shiima. Amina.

1 Yohani 2:23

Wonti we akumuhaana uMwana, akumuhaana nu Taata uMulungu. Ileelo wonti we akumwitiha uMwana pilongolela lya vhantu, ali nu vhuliilani nu Taata uMulungu vhweleele.

1 Yohani 3:18

Mwe vhaana vhaane, tutayangaje pe pi ilomu vhweleele, kuuti tuvhakunzite avhamwitu, nkandi nalyoli tuvhakundaje kwi idala ilya kuvhavhombela inyinza.