Kolosi 3:15 - ULufingwi uLupwa

¹⁵ Uvhutehamu uvhwa Chilisiti vhuvhalongozyaje mu mooyo giinyu. UMulungu ávhiisite mwenti kuuti muvhe pooka inza ivipelwa ivwa mu muvhili wooka, inga muvhe nu vhutehamu uvhwo. Mumusalifwaje uweene.

Tesitamenti Umupwa 1965

¹⁵ Uvwenʼuvwihalo vwa Chilisiti vwe vuvanje vumwene mumoyo ginyu, she mwisitwe mumuvili woka mwene, lwope nulupi muvanje nalwo.

Kolosi 3:15 ပူးပေါင်းရင်းမြစ်များ

Yohani 14:27

Lwe nkwepa, nkuvhaleshela uvhutehamu vhwane. Nkuvhaleshela uvhutehamu vhwe vhutali inza vhwe vhukufuma ku vhantu vhe vhakumuhaana uMulungu. Mutaswimililwaje mu mooyo giinyu, havhili mutogopaje.

Yohani 16:33

Navhavhuuzya izi, inga muvhe nu vhutehamu, mwe pe muli muhati yaane. Mu nsi umu muli na mayimba, ileelo mugomaje amooyo, mwe pe ine njipoosite insi.”

VaLoma 1:21

Yeenya, pooka nu kuuti vhamumanyile uMulungu vwe ali, vhatámushindisile, poosye kumusalifwa inza vwe yikwanzilwa, nkandi vháamile ni nsiivho imbiivhi, pe injeele zyavho zihapootwa kumanyinsanya ziila zye ahanzaga vhazimanye.

VaLoma 14:17

Yeenya, uvhumwene uvhwa Mulungu vhutakuloleha mu vwe tukulya poosye kumwela, nkandi vhukuloleha mu lujendo lwitu ulwa vhugolosu nu vhutehamu nu luseshelo lwe lukufuma kwa Mupepo uMufinjile.

VaLoma 15:13

Pe ishi, nkulaavha kuuti uMulungu we akuutupa ulusuuvhilo, avhiizuzye uluseshelo lwonti nu vhutehamu mu lwitiho lwinyu, inga ulusuuvhilo lwinyu lwonjele ku maha aga Mupepo uMufinjile.

VaLoma 5:1

Ishi, mwe pe uMulungu atuvhaziizye kuuti swe vhagolosu kwi idala ilya kumwitiha uweene, tuli nu vhutehamu nawo kutuushila kwa Mwene wiitu uYeesu Chilisiti.

1 VaKolinti 10:17

Kuli ikaati lyoka vhweleele. Poosye inga iswe twe vhinji, ileelo tuli umuvhili wooka, mwe pe tuli nu vhuliilani mwi ikaati liniilyo lyoka.

1 VaKolinti 7:15

Ileelo umwanaavuli, poosye umwantanda we te mwitisi inga akwanza kumuleha uwamwavho we mwitisi, mumuleshe avhombe inza vwe akwanza. Ipo umwitisi umwanaavuli, poosye umwantanda, atakukungwa nu lulajizyo ulwa kwimalana. Ileelo uMulungu avhiisite kuuti, mulandilaje ku vhutehamu.

2 VaKolinti 4:15

Ishi amayimba gonti iga gakutwaga ku zyinyu, inga uMulungu avhafwile uvhwila nkaani avhantu avhinji, inga vhamusalifwaje nkaani uMulungu. Kulandatana niizyo, uMulungu akujendeelela kushindikwa.

2 VaKolinti 9:11

Uweene akuuvhapa uvhudumbwe mu zyonti, inga muvhanje mwe vhatesi shiima. Kwi idala ilyo, avhantu kwe vhamusalifwaje uMulungu, lwe iswe tukuuvhapa ivintu ivwo vwe vwafuma kuli imwe.

VaEfeso 4:16

Mu muvhili, inkole zisopenkiinye ivipelwa vwonti. Inga ivipelwa vwonti vikuvhomba imbombo yaakwe, pe umuvhili wonti wukukula nu kuzengwa ahinza. Isho vwe niiswe swenti tusopenkiine kwa Chilisiti. Ishi inga swenti tukuvhomba imbombo ye uweene atupiiye, pe kwe tugome nu kukundana nkaani.

VaEfeso 4:4

Iswe swenti tusopenkiine inza ivipelwa ivwa mu muvhili wooka, havhili tuli nu Mupepo uMufinjile wooka. Vhwevhulo, uMulungu átwisite nu kutuvhiishila ulusuuvhilo lwoka ulwa lwito lwitu.

VaEfeso 5:1

Ishi mulandataje ishiholanyo isha Mulungu, mwe pe mwe vhaana vhaakwe mwe avhakunzite nkaani.

VaEfeso 5:20

Mumusalifwaje uTaata uMulungu ahavhaliilizyo honti mu zyonti, mwi izina ilya Mwene wiitu uYeesu Chilisiti.

Kolosi 1:12

uku mukumusalifwa uTaata uMulungu ku luseshelo ulupiti. Uweene avhavhiisile kuvha mwe vhantu mwe mukuposheela uvhupwano uvhwa vhumwene uvhwa mu vhuzelu, vhwe vhwa vhafinjile.

Kolosi 2:7

Musimpaje nu kuyizenga mu kwakwe, havhili mugomaje mu lwitiho inza vwe mwásambiliiye. Mumusalifwaje uMulungu nkaani.

Kolosi 3:17

Zyonti zye mukuyanga, poosye kuvhomba, muvhombelaje mwi izina ilya Mwene uYeesu. Havhili mumusalifwaje uTaata uMulungu kutuushila ku kwakwe.

1 VaTesaloniki 5:18

Mumusalifwaje uMulungu mu zyonti, mwe pe izyo zye uweene akwanza muzivhombaje inza vwe uChilisiti uYeesu atulolesiizye.

1 Timoti 2:1

Ululajizyo lwane ulwa kwanda, nkuvhalajizya kuuti mumulaavhaje uMulungu, musalifwaje ku mpuuto na ku ndaavho zyonti ku vhantu vhonti.

1 Timoti 6:12

Uyikungulaje nkaani ku vhulugu uvhwinza uvhwa kulwila ulwitiho lwitu, inga uhavhwaje uvhulanzi uvhwa shiima shiima. Uvhulanzi uvhwo vhwe uhiitilwa nu Mulungu, lwe wiitiha ulwitiho lwaho kwa Yeesu pilongolela ilya vhahoome avhinji.

VaHebuli 13:15

Kwi idala ilya Yeesu tujendeelele kumutiima uMulungu, mwe pe amazwi giitu aga kulitiima izina lyakwe gakuholana ni mpuutile zye tukumufumwizya.

Ishitushizya 7:12

vhahati, “Amina! Intiimo nu vhushindamu nu vhushindamu uvhwa njeele, havhili insalifwo nu mushinzi na maha amasisya na maha, vili nu Mulungu wiitu shiima shiima. Amina!”