Kolosi 3:11 - ULufingwi uLupwa

¹¹ Kuli izyo, kutaliipo kusugaana ukwa Muyuuda na we te Muyuuda, kwe kuuti we atahiliilwe na we atatahiliilwe, poosye ukwa mujeni nu muhaaya, poosye ukwa muzya na we te muzya. Ileelo uChilisiti we alunjisiizye zyonti, havhili ali muhati iya vhonti.

Tesitamenti Umupwa 1965

¹¹ Mwe muvupwʼumu mwe numo umuGiliki numuYuda, numuvolwa numusitakuvolwa, numujeni umusitamwiho, numuSikito, numuzya numutavushe ndali, wʼuChilisiti mutupu muli vonti.

Kolosi 3:11 ပူးပေါင်းရင်းမြစ်များ

Yohani 14:23

UYeesu ahamwamula ahati, “Umuntu wonti we ankunzite ine, kwe azivhombelaje imbombo zye nkumulajizya. Woope uTaata waane kwe amukundaje umuntu uyo, havhili ine nu Taata waane tuliyinza ku kwakwe nu kutendama pooka nawo.

Yohani 15:5

“Ine indi inza ikwi ilya impensya, imwe mwe nsamba. Umuntu wonti we akuvha muhati yaane, niine nkuvha muhati yaakwe, uyo we akuhoma amantonongwa aminji, mwe pe ishisita ine mutangavhomba naashimo.

Yohani 17:23

Ine indi muhati zyavho, niiwe uli muhati yaane. Nkulaavha kuuti vhavhe ishintu shooka, inga avhantu vhonti vhe vhatanitisile vhamanye kuuti iwe unsonteleziizye, havhili vhamanye kuuti uvhakunzite avhasundikwa vhaane inza vwe unkunzite ine.

iMbombo izya Vhatumwa 15:17

inga avhantu avhanji vhonti, vhaala vhe te Vhayuuda, vhe mbiisite kuuti vhavhe vhaane, vhamulondole uMWENE uMulungu.” Izi zye akuyanga uMWENE, we ávhiisile inongwa izi,’

iMbombo izya Vhatumwa 28:2

Avhahaaya avha pa Meliita vhahatwavwa nkaani. Vhahatupembela umwoto uwa kwota, mwe pe kwámile impepo, havhili imvula yihatimaga.

iMbombo izya Vhatumwa 28:4

Avhahaaya avha mu nsi iyo, lwe vhayilola injoha yiila yikulembeela ku nyoovhe iya Paavhuli, vhahavhuuzanya vhahati, “Yikulolesya kuuti umuntu uno mugozi! She poosye aponile mwa sumbi, umulungu wiitu ‘uWa Nalyoli’ atamwitisile kuuti ajendeelele kulandila!”

VaLoma 1:14

Yeenya, nkwanzilwa kulumbiilila Izwi iLyinza ku vhantu vhonti, ku Vhayunaani na ku vhe te Vhayunaani, ku vhasambiilile na vhe te vhasambiilile.

VaLoma 10:12

UVhusimbe uvhwo vhukulolesya kuuti kutaliipo kusavhulanya, vhavhe Vhayuuda, poosye vhe te Vhayuuda. UMwene ali wooka, havhili wu Mwene uwa vhantu vhonti, woope mutesi nkaani ku vhonti vhe vhakumulaavha.

VaLoma 3:22

Idala ilyo kwe kumwitiha uYeesu Chilisiti. Kwi idala ilyo, uMulungu ishisita kusavhulanya akuvhavhaazya kuuti vhagolosu avhantu vhonti vhe vhakumwitiha uYeesu.

VaLoma 3:29

Amwe, uMulungu wu Mulungu uwa Vhayuuda vheeka? Te wu Mulungu uwa vhe te Vhayuuda vhoope? Nalyoli uweene wu Mulungu uwa vhantu vhonti,

1 VaKolinti 12:13

Niiswe swenti, tuvhe twe Vhayuuda, poosye te twe Vhayuuda, tuvhe twe vhazya, poosye twe vhasatushe, twózeliilwe nu kumuposheela uMupepo wooka, inga tuvhe umuvhili wooka.

1 VaKolinti 14:11

Ishi inga ntakumanya injango ye umuntu wumo akuyanga, nkuvha ngati ne mujeni kwa ula we akuyanga. Woope we akuyanga, akuvha ngati mujeni kuli ine.

1 VaKolinti 7:19

Kutahiililwa poosye kuvha ishisita kutahiililwa kutali ni ilonka naalimo, nkandi kulema indajizyo izya Mulungu.

VaGalati 2:20

Ishi mfuuye pooka nu Chilisiti pa shihovhenkanyo, ileelo ne mulanzi ahavhaliilizyo iha, ileelo te ne mulanzi ine, nkandi uChilisiti we mulanzi muhati yaane. Uvhulanzi vhwe indi navhwo ahavhaliilizyo iha, indi navhwo kwi idala ilya lwitiho, ulwitiho ulwa kumwitiha uMwana wa Mulungu we ánkunzite, ahayifumwa kufwa, kumpoha.

VaGalati 5:6

Ishi inga tusopenkiine nu Chilisiti uYeesu, kutahiililwa, poosye kuvha ishisita kutahiililwa, kutali ni ilonka naalimo, she shikwanzilwa, lwitiho ulwa kumwitiha uChilisiti. Ulwitiho ulwo lukuloleha kwi idala ilya kumukunda uMulungu na vhantu vhonti.

VaEfeso 1:23

mwe pe shoope ishivhanza shili inza umuvhili ku kwakwe. Havhili vhulunjisu vhwakwe, uweene we akuvilunjisya ivintu vwonti ponti.

VaEfeso 2:14

Ishi, uChilisiti wuuyo we atuvhiisile kuvha nu lwivwano. Atusopenkiinye iswe swe Vhayuuda niimwe mwe te mwe Vhayuuda, kwi idala ilya kwefwa uvhulugu vhwe vhwátuvhiisile kuuti tuvitanaje. Áyefwizye uvhulugu uvhwo, kwi idala ilya kufwa, kwe kwéfwizye indajizyo zye zihatulehanyaaga.

VaEfeso 2:15

Indajizyo izya Vhayuuda zili ni nkomeelezyo inyinji, ileelo uChilisiti ázyefwizye. Ávhomvile isho, inga swe Vhayuuda niimwe mwe te mwe Vhayuuda tuvhe impuga yooka, kwi idala ilya kusopenkana nu weene. Isho vwe ávhomvile kutuvhiiha kuvha nu lwivwano.

VaEfeso 3:17

Havhili nkuvhalaavhila kuuti, kwi idala ilya lwitiho, uChilisiti atendamaje mu mooyo giinyu. Ipo pe ishikunzi shaakwe, shiliivha shivhapiiye amaha aga kusimpa inza ikwi lye lyisiizye nkaani amazi gaakwe pansi, poosye inza inyumba ye yizengwilwe pa lwalo ulugomu.

VaEfeso 3:6

Uvhuzigizigi uvhwo vhwe vhuno: Kwi idala ilya kulyitiha Izwi iLyinza, vhonti vhe te Vhayuuda na Vhayuuda vhakupwana pooka uvhumwene uvhwa Mulungu. Vhakuvha pooka inza ivipelwa ivwa mu muvhili. Kwe kuuti, kutuushila kwa Chilisiti uYeesu vhakuposheela pooka ulufingwi lwe uMulungu áfinzile kuvhaloota aVhayuuda.

VaEfeso 6:8

Mumanye kuuti uMwene uYeesu aliimupa ishipeelwa umuntu wonti ku mbombo yaakwe inyinza ye akuvhomba, avhe muzya poosye te muzya.

Kolosi 2:10

Niimwe muposheleeye uvhulunjisu vhwonti kwi idala ilya kusopenkana nu Chilisiti, uweene inza itwe mu muvhili, akuvikonzya ivipelwa vwe vili na maha amasisya na vwe vili na maha vwonti.

1 Yohani 5:20

Havhili tumanyile kuuti uMwana wa Mulungu ayinzile, atupiiye uvhumanyi, inga tumumanye uMulungu uwa nalyoli. Tuli nu vhuliilani nu Mulungu uwa nalyoli, kwi idala ilya kuvha nu vhuliilani nu Mwana waakwe uYeesu Chilisiti. Uno we wu Mulungu uwa nalyoli, havhili we vhulanzi uvhwa shiima shiima.

2 Yohani 1:9

Umuntu wonti we akupindula insambiilizyo izya Chilisiti, havhili atakujendeelela kulema izyo zye vhamusambiliziizye, uyo atali nu vhuliilani nu Mulungu. Ileelo wonti we akujendeelela kulema insambiilizyo, ali nu vhuliilani nu Taata uMulungu, nu Mwana waakwe.