Kolosi 3:1 - ULufingwi uLupwa

¹ Ishi, mwe pe uMulungu avhazyusiizye pooka nu Chilisiti, mulondolaje izya ku mwanya, kwe uChilisiti atendiime uluvhazu ulwa nyoovhe iya kundiilo iya Mulungu, pa vhushindamu uvhupiti nkaani.

Tesitamenti Umupwa 1965

¹ Apene lelo inga muzyusile poka nuChilisiti, pe mwanzajʼiṿwa kumwanya, kwʼuChilisiti atendime kumuhonʼumulilo wa Mulungu.

Kolosi 3:1 ပူးပေါင်းရင်းမြစ်များ

Matayi 22:44

‘UMWENE uMulungu ámuvhuziizye uMwene waane átili, “Tendaama ku luvhazu lwane ulwa kundiilo pa vhushindamu uvhupiti nkaani, kufishila pe navhavhiiha avhalugu vhaaho pansi pa vinama vwaho.”’

Matayi 26:64

UYeesu ahamwamula ahati, “Iwe wayanga. Ileelo nkuvhavhuuzya mwenti kuuti, kwandila ishi kwe mundole ne Mwana wa Aadamu ntendiime ku luvhazu ulwa kundiilo ulwa Mulungu uwa Maha Gonti pa vhushindamu uvhupiti nkaani. Havhili kwe mundole nkwinza mu mavhingo.”

Matayi 6:20

Nkandi musengulaje inkoma zyinyu ku mwanya kwe uluswa nu vhusimu vitangananganya, havhili kwe avhiivha vhatangapankula nu kwivha.

Matayi 6:33

Imwe muvhulondole suuti uvhumwene uvhwa Mulungu nu vhugolosu vhwakwe, pe ivwo vwonti mulipeelwa.

Maliko 12:36

Umweneesho uDaavhudi ásimvile ku maha aga Mupepo uMufinjile kuuti, ‘UMWENE uMulungu ámuvhuziizye uMwene waane átili, “Tendaama ku luvhazu lwane ulwa kundiilo pa vhushindamu uvhupiti nkaani, kufishila pe navhavhiiha avhalugu vhaaho pansi pa vinama vwaho.”’

Maliko 14:62

UYeesu ahati, “Ine ne neene. Niimwe kwe mundole ne Mwana wa Aadamu ntendiime ku luvhazu ulwa kundiilo ulwa Mulungu uwa Maha Gonti pa vhushindamu uvhupiti nkaani, havhili kwe mundole nkwinza mu mavhingo.”

Maliko 16:19

Pe lwe ayanga navho, uMwene Yeesu ahanyatulwa kusogola ku mwanya, ahatendama ku luvhazu ulwa kundiilo ulwa Mulungu pa vhushindamu uvhupiti nkaani.

uLuuka 12:33

Mukazye ivintu vwinyu, muuvhape avhapiina impiiya. Kuvhomba isho kwe kusengula vwenevwo mu nkoma iya ku mwanya ye yitakupunguha, ukwene inkoma zitakulala. Havhili ataliipo umwivha we akupalamila kwivha poosye uluswa, lwe lukunanganya.

uLuuka 20:42

Nkuvhavhuziilizya isho, mwe pe uDaavhudi wuuyo, ásimvile mwi ikalaata ilya Zabuuli, átili, ‘UMWENE uMulungu ámuvhuziizye uMwene waane átili, “Tendaama ku luvhazu lwane ulwa kundiilo pa vhushindamu uvhupiti nkaani,

uLuuka 22:69

Ileelo kufuma isaala ili, ne Mwana wa Aadamu kwe ntendame ku luvhazu ulwa kundiilo ulwa Mulungu uwa Maha Gonti pa vhushindamu uvhupiti nkaani.”

iMbombo izya Vhatumwa 2:34

UDaavhudi atahayitahaga wuuyo, mwe pe uweene atázuvile ku mwanya. Ileelo áyanzile átili, ‘UMWENE uMulungu ámuvhuziizye uMwene waane átili, “Tendaama ku luvhazu lwane ulwa kundiilo pa vhushindamu uvhupiti nkaani,

iMbombo izya Vhatumwa 7:55

Ileelo uweene uSiteefani she ayizuuye uMupepo uMufinjile, ahatontomela ku mwanya, ahalola uvhushindamu uvhwa Mulungu, nu Yeesu ayimiliiye ku luvhazu ulwa kundiilo ulwa Mulungu pa vhushindamu uvhupiti nkaani.

VaLoma 8:34

Havhili, nalyoli naawumo we angaatupa isunde. Yeenya, uChilisiti uYeesu we áfuuye nu kuzyuha, ishi atendiime uluvhazu ulwa nyoovhe iya kundiilo iya Mulungu, pa vhushindamu uvhupiti nkaani, ukwo akutulaavhila iswe.

VaLoma 8:6

Umuntu we injeele zyakwe zikulongolwa nu vhuntu uvhwa vhutalamalandu, akuyipelela uvhufwe, ileelo umuntu we injeele zyakwe zikulongolwa nu Mupepo uMufinjile akuvha nu vhulanzi nu vhutehamu.

2 VaKolinti 4:18

Yeenya, ivintu vwe vikuloleha, vwa havhaliilizyo hansi vhweleele. Ileelo ivintu vwe vitakuloleha, vwa shiima, ye nongwa tukuvisaajila ivintu vwe vitakuloleha.

VaEfeso 4:10

Uweene we áyiisile mu nsi umu we ázuvile nu kupeelwa uvhupiti ku mwanya, inga alunjisye zyonti.

VaEfeso 5:22

Mwe vhantanda, mukwanzilwa muvhashindihaje avhalume vhiinyu, inza vwe mukumushindiha uMwene uYeesu.

Kolosi 2:20

Imwe mwáfuuye pooka nu Chilisiti, muhazileha insambiilizyo izya miiho aga vhantu. Ishi shooni she mukulandila ngati mwe vhantu avha mu nsi umu? Mukuyikunga na miiho aga kuuti,

Kolosi 3:2

Muzisivhililaje izya ku mwanya, mutazisivhililaje izya pa nsi ipa,

VaHebuli 1:13

Yeenya, ataliipo uhavhizya nuumo we uMulungu ámuvhuziizye inza vwe ámuvhuziizye uMwana átili, “Tendaama ku luvhazu lwane ulwa kundiilo pa vhushindamu uvhupiti nkaani, kufishila pe navhavhiiha avhalugu vhaaho pansi pa vinama vwaho.”

VaHebuli 1:3

UMwana uyo akulolesya vwe uMulungu akunyengʼenyela ku vhushindamu, havhili uweene shiholanyo isha nalyoli isha vwe uMulungu ali. Havhili uMwana uyo akuvivhiiha ivintu vwonti kuuti vijendeelele kuvha inza vwe vili, kwi izwi lyakwe ilya maha. Lwe avhazelufwa avhantu uvhutalamalandu, ásogooye kutendama uluvhazu ulwa nyoovhe iya kundiilo iya Mulungu uwa Maha Gonti, pa vhushindamu uvhupiti nkaani ku mwanya.

VaHebuli 10:12

Ileelo uChilisiti áyifumwizye lwoka vhweleele kuvha mpuutile, inga atuzelufwe uvhutalamalandu vhwitu. Uweene we mpuutile iya shiima. Kuli izyo, atendiime uluvhazu ulwa nyoovhe iya kundiilo iya Mulungu pa vhushindamu uvhupiti nkaani.

VaHebuli 12:2

Tuvhombaje vhwevhulo, uku tukumwenyeelezya uYeesu we átalisiizye idala ilya kuuti iswe tumwitihaje uMulungu, havhili we akuutupa umwoyo kuuti tujendelelaje kumwitiha kufishila ku vhusililishilo. Havhili ávhujimbiliiye uvhufwe pa shihovhenkanyo ishisita kusaajila kulola insoni, kuzya luseshelo lwe lwávhisiilwe pilongolela lyakwe. Ishi atendiime uluvhazu ulwa kundiilo ulwa shitengo isha vhumwene isha Mulungu, pa vhushindamu uvhupiti nkaani.

VaHebuli 8:1

Ipiti nkaani kuli izyo zye tukuyanga lye lino: Iswe tuli nawo umupuuti umupiti inza uyo, uweene atendiime uluvhazu ulwa nyoovhe iya kundiilo iya shitengo isha vhumwene isha Mulungu uwa Maha Gonti, pa vhushindamu uvhupiti nkaani ku mwanya.

1 Peteli 3:22

UYeesu uyo ásogooye ku mwanya, niishi atendiime uluvhazu ulwa nyoovhe iya kundiilo iya Mulungu, pa vhushindamu uvhupiti nkaani. Akuvhakonzya avhahavhizya pooka ni vipelwa vwonti vwe vili na maha.