Kolosi 2:8 - ULufingwi uLupwa

⁸ Muvhe minso, umuntu wonti atahavhavhiishe kuvha mwe vhagomwa ku nsambiilizyo izya ilenga zye zitangavhaavwa. Insambiilizyo izyo, maata aga vhantu, havhili nsiivho zyavho izya mu nsi. Zitakufuma kwa Chilisiti.

Tesitamenti Umupwa 1965

⁸ Mwandaje numo atavagomaje muvusungwanjele namuvugulugulu vwa shaha mumiho gʼavantu vavalesheye namumaha ga munsʼumu inza mwe zyavaliye lulwo, shisitakumulandatʼuChilisiti.

Kolosi 2:8 ပူးပေါင်းရင်းမြစ်များ

Matayi 10:17

Muvhe minso na vhantu, mwe pe vhalivhatwalaga kulongwa pa lukuvhato nu kuhomwa mu masinagoogi gaavho.

Matayi 16:6

UYeesu ahavhavhuuzya ahati, “Muvhanje minso nu mulembo uwa kuluzizya uwa Vhafalisaayi na Vhasadukaayi.”

Matayi 7:15

“Muvhanje minso na vhakuvhwi avha ilenga, mwe pe lwe vhakuvhinzila, vhakuyivhiiha ngati ngʼonzi. Ileelo mu mooyo gaavho vhali ngati mpumpi.

iMbombo izya Vhatumwa 17:18

Mu nsokooni umwo, mwámile avhasambiilile vhamo vhe vhahatinji aVhaepikuleewo na Vhasitoyiiki. Ivho vhahanda kuvhuzilizanya nu Paavhuli. Vhamo vhahati, “Umuntu we akuyangaana uno akwanza kuuti vhuli?” Vhamo vhahati, “Yikuloleha kuuti akulumbiilila izya vhalungu avhajeni.” Vháyanzile isho, mwe pe uPaavhuli ahalumbililaga Izwi iLyinza kuzya Yeesu nu kuzyuha.

iMbombo izya Vhatumwa 17:32

Avhantu avha mu lukuvhato ulwo, lwe vhiivwa vwe uPaavhuli ayanga izya kuzyuha, vhamo vhahanda kumujevhula. Ileelo vhamo vhahamuvhuuzya vhahati, “Tukwanza kutejeelezya havhili inongwa izyo.”

VaLoma 16:17

Ishi, vhamwitu, nkuvhasoha kuuti muvhe minso na vhantu vhaala, vhe insambiilizyo zyavho zikuvhavhiiha avhiitisi kuuti vhatapunkane. Muvhe apatali navho, mwe pe insambiilizyo zyavho zikusugaana ni nsambiilizyo zye musambiliiye. Mutantame navho.

1 VaKolinti 10:12

Pe ishi, we akuyilola kuuti ayimiliiye ahinza mu lwitiho, avhe minso, inga atahinze agwe.

1 VaKolinti 8:9

Ishi muvhe minso, uvhumanyi vhwinyu vhutahaavhe lipunulo ku vhayeyevhazu.

2 VaKolinti 10:5

Tukunanganya amabaado ni zinji zyonti zye zikuvhadinda avhantu kuuti vhatamumanyaje uMulungu. Havhili tukuzigoma insiivho zyonti, inga zimushindihaje uChilisiti.

VaGalati 1:14

Nalyoli návhapoosite avhamwitu avhinji vhe twákuzile pooka navho, kulwila shipuuto shiitu isha Vhuyuuda. Nákanyiiye nkaani kugalema amaata aga vhataata vhiitu.

VaGalati 4:3

Niiswe vhwevhulo, lwe ashiili kwinza uChilisiti, twáli twe vhazya avha maata ge gakuvhalongola avhantu mu nsi.

VaGalati 4:9

Ileelo ishi, mumumanyile uMulungu, kwe kuuti woope avhamanyile imwe. Pe mungagaluha inza vhuli, mu maata ge gatali na maha, havhili gatangaavwa naashimo? Vhuli, mukwanza muvhe mwe vhazya avha maata iga havhili?

VaGalati 5:15

Ileelo inga mukulumana nu kuliizana inza ivihanu, muvhe minso, mutahinze mumalane.

VaEfeso 2:2

Muhalandataga ulujendo uluvhiivhi inza avhantu avhanji avha mu nsi umu. Havhili muhamushindihaga uMwene uMuvhiivhi, uweene we akuzikonzya impepo inkandamanu kumwanya, na havhaliilizyo iha akuvhomba imbombo muhati izya vhantu vhe vhasambusile kwa Mulungu.

VaEfeso 4:20

Ileelo imwe mutásambiliiye vhwevhulo izya Chilisiti,

VaEfeso 5:6

Mutahiitishe umuntu wonti kuvhahopenkanya ku mazwi aga shaaha, mwe pe uMulungu aliivhapa isunde ipiti avhantu vhe vhatakumushindiha ku mbiivhi zyonti zye navhavhuuzya.

Filipi 3:2

Muvhe minso ni mbwa izyo, zye vhantu vhaala vhe vhakuvhomba imbiivhi, ivho vhe vhakuhomeelezya izya kutahiili.

Kolosi 2:18

Mutahiitishe umuntu wonti we akuhomeelezya izya vhwahayiisye uvhwa ilenga nu kuvhapuuta avhahavhizya. Umuntu inza uyo atahavhafwule ishipambwi isha shiima. Akuti ali na maha aga kusambiilizya, mwe pe avhwenyi injozi iya pa minso amazelu. Akuyitumvwa ku njeele izya vhuntu vhwakwe uvhwa vhutalamalandu.

Kolosi 2:20

Imwe mwáfuuye pooka nu Chilisiti, muhazileha insambiilizyo izya miiho aga vhantu. Ishi shooni she mukulandila ngati mwe vhantu avha mu nsi umu? Mukuyikunga na miiho aga kuuti,

Kolosi 2:22

Amiiho igo, ndajizyo, havhili nsambiilizyo zya vhantu vhweleele. Gakuhomeelezya kulema indajizyo ku vintu vwe vikunanjiha, lwe vwavhombelwa imbombo.

Kolosi 2:23

Nalyoli, vhe vhakulandata amiiho igo, vhakuloleha kuuti vhali nu vhushindamu uvhwa njeele. Vhakulandata ishipuuto she vhayivhishiiye vhuuvho, uvhwahayiisye uvhwa ilenga nu kugakonzya amavhili ku vhuhali. Ileelo amiiho igo gatangadinda impapilo izya vhuntu uvhwa vhutalamalandu.

1 Timoti 6:20

Iwe Tiimoti, imbombo iya kuvhasambiilizya avhantu uvhwanalyoli, ye uMulungu akupiiye, uyivhombaje ahinza. Utagitihaje amazwi aga kuyitumvwa ge gatakufuma kwa Mulungu. Yeenya, gakuyangwa kuuti ga vhusambiilile, ileelo te ga nalyoli haa, nkandi ga kunanganya uvhwanalyoli.

2 Timoti 3:13

Ileelo avhantu ivho avhavhiivhi, havhili vhe vhakuhopela, kwe vhajendeelele kuvha vhavhiivhi nkaani. Kwe vhahopenkanyaaje, ileelo vhoope kwe vhahopenkanywaje.

VaHebuli 13:9

Mutalandataje insambiilizyo injeni izya mavhiila mu mavhiila. Yeenya, amaha aga mu mooyo giinyu gakufuma mu vhwila uvhwa Mulungu, gatakufuma mu ndajizyo izya vwakulya zye zitangavhaavwa naashimo vhaala vhe vhakuzilandata.

VaHebuli 3:12

Vhamwitu, muvhe minso, muli imwe atahaavhe umuntu uwa mwoyo umuvhiivhi we atakwitiha, uyo akuyilehaanya nu Mulungu uMulanzi.

1 Peteli 1:18

Imwe mumanyile kuuti uMulungu ávhatavhuuye kufuma mu lujendo lwinyu lwe lutahondeeye, lwe mwáposheleeye kufuma ku vhataata vhiinyu. Ileelo atávhatavhuuye ku vintu vwe vikunanjiha inza impiiya ni sahaabu,

2 Peteli 3:17

Ishi ileelo imwe vhankundwa, mwe pe mwazimanya inongwa izya vhasambiilizi avha ilenga, muvhanje minso kuuti vhatahinze vhavhahopenkanye kwi idala ilya kuvhalumila ilenga. Inga mukuvhatejeelezya, munginze mugwe nu kululeha ulwitiho lwinyu ulwa nalyoli.

2 Yohani 1:8

Muvhe minso navho, inga imbombo yiinyu yitahinze yiteeje shaaha. Havhili muvhe minso, inga muhaposheele amalipilo ge gakwanzilwa ku mbombo yiinyu.