Kolosi 2:20 - ULufingwi uLupwa

²⁰ Imwe mwáfuuye pooka nu Chilisiti, muhazileha insambiilizyo izya miiho aga vhantu. Ishi shooni she mukulandila ngati mwe vhantu avha mu nsi umu? Mukuyikunga na miiho aga kuuti,

Tesitamenti Umupwa 1965

²⁰ Inga mugalesile amaha ga munsʼumu inza mwe gavaliye lulwo, she mwafuye poka nuChilisiti, pe mukuyiviha shonu kunsi kundajizyo fwe ngati uvulanzi vwinyu vwa munsi yinino?

Kolosi 2:20 ပူးပေါင်းရင်းမြစ်များ

Yohani 15:19

Inga mwaamile mwe vhantu avha mu nsi umu, nkandi vhavhakunzite inza vwe vhavhakunzite avhantu vhaakwe. Ileelo imwe te mwe vha mu nsi umu, mwe pe mbasavhuuye kufuma mu nsi umu, ye nongwa avhantu avha mu nsi umu vhakuvhaviitilwa.

2 VaKolinti 10:3

Poosye inga tukulandila mu nsi, tutakulwa uvhulugu inza avhantu avha mu nsi.

VaGalati 4:3

Niiswe vhwevhulo, lwe ashiili kwinza uChilisiti, twáli twe vhazya avha maata ge gakuvhalongola avhantu mu nsi.

VaGalati 6:14

Ileelo ine ntahaavhe ni shintu shonti isha kuyitumvwizya, injitumvwizyaje she shihovhenkanyo isha Mwene wiitu uYeesu Chilisiti. Kwi idala ilya shihovhenkanyo isho, imbombo izya vhantu avha mu nsi, zitali ni ilonka naalimo kuli ine, havhili zye nkulola zili ni ilonka, avhantu avha mu nsi vhakulola zitali ni ilonka.

VaEfeso 2:15

Indajizyo izya Vhayuuda zili ni nkomeelezyo inyinji, ileelo uChilisiti ázyefwizye. Ávhomvile isho, inga swe Vhayuuda niimwe mwe te mwe Vhayuuda tuvhe impuga yooka, kwi idala ilya kusopenkana nu weene. Isho vwe ávhomvile kutuvhiiha kuvha nu lwivwano.

Kolosi 2:14

UMulungu ávhomvile fwe kwe kuvhuzimanya uvhusimbe vhwe vhuhatulonjelelaga iswe mwi ikalaata ilya malandu giitu. UMulungu azivhomvile fwe kwe kuvhuzimanya uvhusimbe uvhwo, lwe uChilisiti akuhomeelwa pa shihovhenkanyo nu kufwa.

Kolosi 2:16

Kuli izyo, umuntu wonti atahavhalonje kuzya miiho aga vwakulya, poosye aga vwakumwela. Havhili atahavhalonje poosye kuzya miiho aga shikulukuulu isha shipuuto, poosye isha mwezi kutukula poosye isha Sabaato.

Kolosi 2:21

“Mutalemaje ishi, mutapalamansyaje, poosye kulinga shenesho!”

Kolosi 2:8

Muvhe minso, umuntu wonti atahavhavhiishe kuvha mwe vhagomwa ku nsambiilizyo izya ilenga zye zitangavhaavwa. Insambiilizyo izyo, maata aga vhantu, havhili nsiivho zyavho izya mu nsi. Zitakufuma kwa Chilisiti.

Kolosi 3:3

mwe pe mufuuye. Ishi mukulandila pooka nu Chilisiti pilongolela ilya Mulungu, ileelo uvhulanzi uvhupwa uvhwo vhutakuloleha.

VaHebuli 13:9

Mutalandataje insambiilizyo injeni izya mavhiila mu mavhiila. Yeenya, amaha aga mu mooyo giinyu gakufuma mu vhwila uvhwa Mulungu, gatakufuma mu ndajizyo izya vwakulya zye zitangavhaavwa naashimo vhaala vhe vhakuzilandata.

Yakobu 4:4

Imwe muholiine na vhavhembu, mwe pe mutali nu mushinzi kwa Mulungu! Mutamanyile kuuti we akusungwa izya mu nsi, akuvha mulugu uwa Mulungu? Ishi, wonti we akusungwa izya mu nsi, ayipezile kuvha mulugu uwa Mulungu.

1 Yohani 5:19

Tumanyile kuuti, iswe swe vhaana vha Mulungu, nu kuuti, avhantu avhanji vhonti, vhe vhatakumushindiha uMulungu, uMuvhiivhi ula akuvhakonzya.