Kolosi 2:2 - ULufingwi uLupwa

² Nkuvhomba ishi, inga mwenti amooyo giinyu gagome. Havhili musopenkane pooka ku shikunzi, nu kuvha nu vhumanyi vhwe vhukuuvhapa uvhwanalyoli. Pe mulivhumanya uvhuzigizigi uvhwa Mulungu, kwe kuuti uChilisiti wuuyo.

Tesitamenti Umupwa 1965

² ukuti vapumilizilwaje mumoyo gavo lwe vakuyikunjilinkanya mushikunzi, ukuti vavanje muvwinji vwa vwizule vwa vusinkamizyo, ukuti vazimanyinsanye izya vuzigizigi vwa Mulungu, uvwa Chilisiti,

Kolosi 2:2 ပူးပေါင်းရင်းမြစ်များ

Matayi 11:25

Ahavhaliilizyo iho uYeesu ahajendeelela kuyanga kuuti, “We Taata, Mwene wa ku mwanya na pa nsi, nkukusalifwa. Nkukusalifwa, mwe pe imbombo izi uvhazyisile avhantu vhe vhakuyilola kuuti vhali nu vhushindamu uvhwa njeele nu kuuti vhasambiilile, ileelo uvhalolesiizye apazelu avhantu vhe vhakuyiisya inza avhaana avhansi.

Matayi 11:27

“UTaata waane ampiiye ivintu vwonti. Ataliipo we amumanyile uMwana, nkandi we Taata weeka. Havhili, ataliipo we amumanyile uTaata, nkandi we Mwana weeka, nu muntu wonti we uMwana asungwilwe kumulolesezya.

Matayi 13:11

Uweene ahavhaamula ahati, “Imwe uMulungu avhapiiye kuzimanya izya kukwilu izya vhumwene vhwakwe. Ileelo avheene atavhapiiye kuzimanya zyonti izyo.

uLuuka 1:1

Kuli iwe uwa mushinzi nkaani Teyofiilo: Avhantu avhinji vhasimvile inongwa izya Yeesu Chilisiti inza vwe zyávhombesile muli iswe.

Yohani 10:30

Ine nu Taata waane tuli pooka.”

Yohani 10:38

Ileelo inga nkuzivhomba imbombo zye uTaata waane akuzivhomba, poosye inga mutakwitiha zye nkuyanga, ishi mujendeelele kuzyitiha imbombo izyo. Kwi idala ilyo, pe kwe mumanye kuuti uTaata waane ali muhati yaane, niine indi muhati yaakwe.”

Yohani 16:15

Ivintu vwonti vwe uTaata ali navwo vwane. Ye nongwa nkuvhavhuuzya kuuti, uMupepo uyo alivhavhuzyaga zye aposheela kuli ine.”

Yohani 17:3

Uvhulanzi uvhwa shiima uvhwo vhukuposheelwa kwi idala ilya vhantu kukumanya kuuti iwe we Mulungu weeka uwa nalyoli, havhili kumanya niine kuuti ne Yeesu Chilisiti ne untumile ku kwavho.

Yohani 5:17

Ileelo uYeesu ahavhavhuuzya ahati, “UTaata waane akuvhomba imbombo insiku zyonti. Niine nkuvhomba vhwevhulo.”

Yohani 5:23

Kwi idala ilyo, avhantu vhonti vhalinshindihaga ine inza vwe vhakumushindiha uTaata. Umuntu wonti we atakunshindiha ine, akuvha atakumushindiha uTaata waane we ansonteleziizye.

Yohani 6:69

Iswe tukwitiha, havhili tumanyile kuuti iwe we we Mufinjile we uMulungu áfinzile kumuleeta!”

iMbombo izya Vhatumwa 4:32

Avhantu vhonti vhe vhámwitisile uYeesu, vháamile umwoyo wooka ni nsiivho zyavho zyámile pooka. Atáliipo umuntu we ahayangaga kuuti ivintu vwe ali navwo vwakwe weeka, ivintu vwavho vwonti vhahasanganyaaga pooka.

VaLoma 15:13

Pe ishi, nkulaavha kuuti uMulungu we akuutupa ulusuuvhilo, avhiizuzye uluseshelo lwonti nu vhutehamu mu lwitiho lwinyu, inga ulusuuvhilo lwinyu lwonjele ku maha aga Mupepo uMufinjile.

VaLoma 16:25

Ishi, ashindikwaje uMulungu! Uweene ali na maha aga kuvhagomwa kwi idala ilya Izwi iLyinza ilya Yeesu Chilisiti lye nkukumusya. Izwi ilyo, hali lyáli kukwilu.

VaLoma 2:4

UMulungu mwinza, mwe pe akukufwila uvhwila nkaani, atakupiiye isunde inga lwoka, ileelo akukujimbiilila, inga utonte uvhutalamalandu vhwaho. Ishi shooni she ukumusuufwa?

1 VaKolinti 14:31

Vhonti vhe vhali nu vhukuvhwi vhavhanje na havhaliilizyo aha kukuvhwa, ileelo wooka wooka, inga avhanji vhasambililaje nu kusuvhaalila.

1 VaKolinti 2:12

Niiswe, tutaposheleeye impepo izya mu nsi umu, nkandi uMupepo we akufuma kwa Mulungu, inga tuzimanyaje zye tupeliilwe nu Mulungu.

VaGalati 3:28

Ishi pe kutaliipo kusugaana uMuyuuda na we te Muyuuda, nu muzya nu musatushe, nu mwanaavuli nu mwantanda, mwe pe mwenti muli ishintu shooka mwa Chilisiti uYeesu.

VaEfeso 1:7

Kutuushila uMwana waakwe uyo kufwa pa shihovhenkanyo, tutavhuliilwe, kwe kuuti tuswiliilwe uvhutalamalandu vhwitu. Izi zivhombesile kulandatana nu vhupiti uvhwa vhwila vhwakwe

VaEfeso 3:16

Nkulaavha kuuti, kutuushila kwa Mupepo waakwe, aavhape amaha mu mooyo kulandatana nu vhushindamu vhwakwe uvhwa kusukumizya.

VaEfeso 3:3

Inza vwe mbasimbiiye, uMulungu ámanyisiizye uvhuzigizigi vhwakwe kwi idala ilya kundoleshela.

VaEfeso 6:22

Kuli izyo, imusonteleziizye kuli imwe, inga ayinze avhavhuuzye zye zikuvhombeha kuli iswe nu kuvhasuvhaalizya.

Filipi 2:1

UChilisiti akuuvhapa umwoyo, ni shikunzi shaakwe shikuvhasuvhaalizya. Muli nu vhuliilani nu Mupepo uMufinjile, havhili mukufwilana uvhwila.

Filipi 3:8

Havhili te ziniizyo vhweleele, nkandi ni zyamwavho zyonti, nkuzilola kuuti she shooka nu vhuluuzwe, kuzya vhwinza vhwe vhutali ni shipimilo uvhwa kumumanya nkaani uMwene waane uChilisiti uYeesu. Uweene ku zyakwe mposheleeye uvhuluuzwe uvhwa izyo zyonti. Havhili nkuzilola inza amavi, inga imwaje uChilisiti

Kolosi 1:26

Izwi ilyo lya vhuzigizigi vhwe uMulungu ávhuzyisile amanda gonti aga hali ku vhantu vhonti, ishi avhuvumbuuye ku vhafinjile vhaakwe.

Kolosi 1:27

Ivho vhe uMulungu asungwilwe kuvhavumbulila uvhuzigizigi uvhwo vwe vhuli nu vhudumbwe uvhwa kusukumizya ku vhantu vhe te Vhayuuda. Uvhuzigizigi uvhwo, wu Chilisiti we ali muhati yiinyu, uweene we akuvhavhiiha kuuti muvhe nu lusuuvhilo ulwa kuposheela uvhushindamu.

Kolosi 1:9

Kuli izyo, kufuma ahavhaliilizyo he twívuuye inongwa zyinyu, tukuvhalavhilaga insiku zyonti. Tukulaavha kuuti uMulungu aavhape uvhumanyi vhwonti ku ziila zye uweene akwanza, nu vhushindamu uvhwa njeele nu vhumanyi kufuma kwa Mupepo uMufinjile.

Kolosi 2:19

Uyo ayefwizye kwa Chilisiti we akulongozya avhantu vhaakwe inza itwe vwe likulongozya umuvhili. Itwe lisopenkiine nu muvhili kutuushila impinga ni nkole. Kufuma kwi itwe kwe umuvhili wonti wukuposheela ishaakulya nu kukula inza vwe uMulungu akwanza.

Kolosi 3:14

Ipiti kuluusya izyo zyonti mukundanaje, mwe pe ishikunzi she shikutuvhiiha swenti mu vhuliilani vhwe vhulunjisile.

Kolosi 4:3

Mutulavhilaje niiswe, inga uMulungu atwigulile idala ilya kulumbiilila izwi lyakwe, nu kuvhuvumbula uvhuzigizigi uvhwa Chilisiti. Ine nkunziilwe kuzya kuvhulumbiilila uvhuzigizigi uvhwo.

Kolosi 4:8

Kuli izyo, imusonteleziizye kuli imwe, inga ayinze avhavhuuzye zye zikuvhombeha kuli iswe nu kuvhasuvhaalizya.

1 VaTesaloniki 1:5

Tumanyile vhwevhulo, mwe pe lwe tukulumbiilila kuli imwe Izwi iLyinza, tutálumbiliiye ku mazwi geeka vhweleele, nkandi twálumbiliiye ku maha na kwa Mupepo uMufinjile na ku vhwahoome uvhwinji. Havhili twámanyile kuuti Izwi iLyinza ilyo lya nalyoli. Imwe mumanyile ahinza vwe tuhatendamaga pooka niimwe, inga tuvhaavwe.

1 VaTesaloniki 3:2

Tuhamusonteelezya uTiimoti umujenzi wiitu, havhili umuvhomvi uwamwitu uwa Mulungu kuzya kulumbiilila Izwi iLyinza ilya Chilisiti. Tuhamusonteelezya kuuti ayinze, inga avhagomwe amooyo nu kuvhasuvhaalizya mu lwitiho lwinyu.

1 VaTesaloniki 5:14

Vhamwitu, tukuvhalambiilizya kuuti muvhasohaje avhahata nu kuvhagomwa vhe vhavunzisile amooyo. Havhili muvhagomwaje vhe vhatali na maha nu kuvhajimbiilila avhantu vhonti.

1 Timoti 3:16

Nalyoli, zye uMulungu atulolesiizye, iswe tukwitinkana kuuti zya kusukumizya, havhili zye zino: UChilisiti álolesile nu muvhili uwa vhuntu, uMupepo uMufinjile ahahomeshezya kuuti mugolosu. Avhahavhizya vhahamulola. Amazwi gaakwe gahakumuha ku vhantu avha mu nsi zyonti, vhoope vhahamwitiha. UMulungu ahamunyatula kusogola ku mwanya ku vhushindamu vhwakwe.

VaHebuli 10:22

Kuli izyo, tusogolaje pilongolela ilya Mulungu na mooyo aminza ge nalyoli gakumwitiha, mwe pe uMulungu atuzelufwizye amooyo giitu amavhiivhi kwi idala ilya mavhanda aga Yeesu nu kugazelufwa amavhili giitu na minzi amazelu.

VaHebuli 6:11

Tukwanza nkaani kuuti mwenti mujendeelele kuvha nu mute kufishila kumpeleela, inga muposheele zyonti zye mukuzisuuvhila.

2 Peteli 1:10

Pe ishi vhamwitu, muyikungulaje nkaani nu kuhomeshezya kuuti uMulungu ávhiisite nu kuvhasaavhula, mwe pe inga mukuvhomba vhwevhulo te muhaagwe naalumo.

2 Peteli 1:3

UMulungu ku maha gaakwe atupiiye ivintu vwonti vwe tukuvwanza mu vhulanzi vhwitu, nu kuvha nu lujendo ulwinza pilongolela lyakwe. UMulungu atupiiye vwonti ivwo kwi idala ilya kumumanya uweene we atwisite ku vhushindamu na ku vhwinza vhwakwe wuuyo.

2 Peteli 3:18

Ileelo mujendeelele kukula mu vhwila nu kumumanya uMwene wiitu nu Muposhi uYeesu Chilisiti. Uvhushindamu vhuvhanje nu weene ishi na shiima! Amina.

1 Yohani 3:19

Inga tukuvhakunda avhamwitu vhwevhulo, pe nalyoli tukumanya kuuti, tukuvhulandata uvhwanalyoli, havhili amooyo giitu gakutehama pilongolela ilya Mulungu.

1 Yohani 5:7

Woope uMupepo uMufinjile akuhomeshezya kuuti izyo zya nalyoli, mwe pe uMupepo uMufinjile wa nalyoli.