Kolosi 2:19 - ULufingwi uLupwa

¹⁹ Uyo ayefwizye kwa Chilisiti we akulongozya avhantu vhaakwe inza itwe vwe likulongozya umuvhili. Itwe lisopenkiine nu muvhili kutuushila impinga ni nkole. Kufuma kwi itwe kwe umuvhili wonti wukuposheela ishaakulya nu kukula inza vwe uMulungu akwanza.

Tesitamenti Umupwa 1965

¹⁹ ve vatakuyilemanya kwitwe, mwʼumuvili wonti afumile, wʼakutulana, wʼayikunjilinkinye nimpingu ninkole, ukukulʼuvukuzi vwʼapezilʼuMulungu.

Kolosi 2:19 ပူးပေါင်းရင်းမြစ်များ

uLuuka 5:38

Idivaayi impwa yikwanzilwa kuyivhiiha mu mafuuku amapwa.

Yohani 17:21

Nkukulaavha kuuti vhonti ivho vhavhe ishintu shooka, inza vwe niiwe Taata uli muhati yaane, niine indi muhati yaaho. Nkuvhalaavhila vhavhe muhati yiitu, inga avhantu vhonti mu nsi vhiitishe kuuti iwe we unsonteleziizye.

iMbombo izya Vhatumwa 4:32

Avhantu vhonti vhe vhámwitisile uYeesu, vháamile umwoyo wooka ni nsiivho zyavho zyámile pooka. Atáliipo umuntu we ahayangaga kuuti ivintu vwe ali navwo vwakwe weeka, ivintu vwavho vwonti vhahasanganyaaga pooka.

VaLoma 11:17

Ishi insamba zimo zyádiviilwe, niimwe mwe muli ngati nsamba izya ikwi ilya izayituuni ilya mwi ilaala, musopeliilwe kuliilana pooka ni nsamba zye zisyaye izya izayituuni ilya kuvhwalwa. Mukuposheela pooka uvhuloote vhwe vhukufuma mu mazi aga izayituuni ilyo lye livhwaliilwe.

1 VaKolinti 1:10

Ishi vhamwitu, nkuvhalambiilizya kwi izina ilya Mwene wiitu uYeesu Chilisiti kuuti muvhe mwe vhantu mwe mukwivwana, ipo pe kwe muvhe nu vhuliilani. Mutapagulanaje, nkandi muvhanje ishintu shooka ku zye mukusiivha havhili nu kuvha nu mwoyo wooka.

1 VaKolinti 11:3

Ileelo ishi, nkwanza mumanye kuuti itwe ilya mwanaavuli wonti wu Chilisiti, itwe ilya mwantanda mulume, lyope itwe ilya Chilisiti wu Mulungu.

1 VaKolinti 3:6

Ine návhwaye imbeyu, uApoolo áyitiliziizye aminzi, ileelo uMulungu we ámeziizye nu kukuzya.

VaEfeso 1:22

UMulungu ahaamupa amaha aga kukonzya ivintu vwonti, nu kumuvhiiha mu shivhanza kuuti avhe mupiti ku vintu vwonti inza itwe mu muvhili,

VaEfeso 1:23

mwe pe shoope ishivhanza shili inza umuvhili ku kwakwe. Havhili vhulunjisu vhwakwe, uweene we akuvilunjisya ivintu vwonti ponti.

VaEfeso 2:21

Kwa weene kwe tusopenkiine pooka nu kugoma inza vwe ivhwe ipiti ilyo liyisopenkiinye inyumba yonti nu kuyivhiiha kuuti yigome. Akutuvhiiha kuvha swe Nyumba iMfinjile kutuushila kwa Mwene uYeesu.

VaEfeso 4:3

Muyikungulaje kuvhusunjiilila uvhuliilani vhwe mupeliilwe nu Mupepo uMufinjile. Uvhuliilani uvhwo muvhusunjililaje kwi idala ilya kulandila ku vhutehamu.

VaEfeso 5:29

Ataliipo we akuyiviitilwa wuuyo weeka, ileelo umuntu wonti akuyiliisya nu kuyisunjiilila. Vhwevhulo, uChilisiti woope vwe akushivhombela ishivhanza,

Filipi 1:27

Ileelo ulujendo lwinyu luvhe inza vwe Izwi iLyinza ilya Chilisiti likwanza. Pe inga nkwinza kuvhavuula, poosye inga ntaliipo, inivwaje inongwa zyinyu kuuti mukusimpa ku mwoyo wooka. Havhili inivwaje kuuti, mukulwila ulwitiho ulwa Izwi iLyinza pooka.

Kolosi 1:10

Tukulaavha isho, inga muvhombaje zye zikulolesya uvhushindamu kwa Mwene uYeesu, havhili kwi idala lyonti muvhombaje zye zikumuhondezya uweene. Mufishile kuvhomba imbombo inyinza izya mavhiila mu mavhiila, nu kwonjela kumumanya uMulungu.

Kolosi 1:18

Havhili uweene ali inza itwe mu muvhili, kwe kuuti mupiti uwa shivhanza, uweene we vhwandilo uvhwa shivhanza, havhili mutanzi kuzyuha, inga avhe mupiti mu zyonti.

Kolosi 2:2

Nkuvhomba ishi, inga mwenti amooyo giinyu gagome. Havhili musopenkane pooka ku shikunzi, nu kuvha nu vhumanyi vhwe vhukuuvhapa uvhwanalyoli. Pe mulivhumanya uvhuzigizigi uvhwa Mulungu, kwe kuuti uChilisiti wuuyo.

1 VaTesaloniki 3:12

UMwene aavhape ishikunzi isha kukundana mweka nu kuvhakunda avhanji vhonti, inza iswe vwe tuvhakunzite imwe.

1 VaTesaloniki 4:10

Nalyoli vwe mukuvhavhombela vhwevhulo avhamwinyu vhonti vhe vhamwitisile uChilisiti avha mu shigavho isha nsi isha Makedooniya. Ishi tukuvhalambiilizya kuuti mukundanaje vhwevhulo nu kuluusya.

2 VaTesaloniki 1:3

Vhamwitu, tukwanzilwa kumusalifwa uMulungu amanda gonti ku zyinyu, mwe pe ulwitiho lwinyu lukukula, havhili kukundana kwinyu kukwonjela nkaani.

1 Peteli 3:8

Izwi ilya vhusililishilo kuli izi, nkuti muvhanje nu mwoyo wooka nu kufwilana uvhwila, havhili mukundanaje inza avhanine vwe vhakukundana nu kuvha nu mwoyo umwinza nu vhwahayiisye.

2 Peteli 3:18

Ileelo mujendeelele kukula mu vhwila nu kumumanya uMwene wiitu nu Muposhi uYeesu Chilisiti. Uvhushindamu vhuvhanje nu weene ishi na shiima! Amina.