Kolosi 2:18 - ULufingwi uLupwa

¹⁸ Mutahiitishe umuntu wonti we akuhomeelezya izya vhwahayiisye uvhwa ilenga nu kuvhapuuta avhahavhizya. Umuntu inza uyo atahavhafwule ishipambwi isha shiima. Akuti ali na maha aga kusambiilizya, mwe pe avhwenyi injozi iya pa minso amazelu. Akuyitumvwa ku njeele izya vhuntu vhwakwe uvhwa vhutalamalandu.

Tesitamenti Umupwa 1965

¹⁸ Numo atavafwulajʼahuma hinyu aha mulutumṿanyo, nga ve vala ve vakuyipelelʼuvwahayisye, nga ve vala ve vakuvashindiha avahavizya, ve vakusajila zye vaziwenyi, ve vakuyibada shaha munsivo zya muvili wavo wa mbivi,

Kolosi 2:18 ပူးပေါင်းရင်းမြစ်များ

Matayi 24:24

Yeenya, vhalifumila avhantu vhe vhakuluma ilenga kuuti, ine ne Chilisiti nu kuuti ne mukuvhwi. Vhalivhomba ivilolesyo ivipiti havhili ivwa kusukumizya, inga vhavhahopenkanye avhantu, inga zingavha poosye na vhasaavhulwa avha Mulungu.

VaLoma 1:25

Vhálesile kwitiha uvhwanalyoli uvhwa Mulungu, vhahiitiha insambiilizyo izya ilenga. Vhahavha vhakuvivhombela ivipelwa nu kuvipuuta, vhahaleha kuvhomba izyo kwa Mupezi we akwanzilwa kutiimwa shiima! Amina.

VaLoma 16:18

Nalyoli avhantu inza ivho vhatakumuvhombela uMwene wiitu uChilisiti, vhakuvhomba ku nsiivho iya kulondola ivintu ivwa kulya vhuuvho. Ku vhuhopenkanyi vhwavho, vhakuyanga amazwi aminza aga kuvhahondezya, fwandi vhakuvhahopenkanya avhantu avha lwitiho uluyeyevhazu.

1 VaKolinti 13:4

Ishikunzi shikumupela umuntu kuvha nu vhujimbiilizu nu kuvha nu lwavwo nu kuuti atavhanje nu mwone na mabaado nu kuuti atayitumvwaje.

1 VaKolinti 3:3

Nkuyanga vhwevhulo, mwe pe poosye ishi mukulongolwa nu vhuntu uvhwa vhutalamalandu. Pahati yiinyu muli nu mwone ni ivho. Vhuli, izyo zitakulolesya kuuti muli she mukulongolwa nu vhuntu uvhwa vhutalamalandu nu kulandila inza avhantu avha mu nsi umu?

1 VaKolinti 4:18

Ishi vhamo muli imwe vhakuyitumvwa, mwe pe vhakusiivha kuuti, te nkinze havhili kuli imwe.

1 VaKolinti 4:6

Vhamwitu, nayanga amazwi gonti igo, ku zyane nu Apoolo, inga tuvhe twe shiholanyo kuli imwe. Kwi idala ilyo, nkwanza imwe muzimanye zye zikuyangwa mu halumbe he hakuti, “Muzilandataje zye zisimviilwe mu Vhusimbe uVhufinjile.” Inga mukuzilandata, te muvhe mwe vhantu vhe vhakuyitumvwa kuzya musambiilizi wumo nu kumusuufwa uwamwavho.

1 VaKolinti 8:1

Ishi, naakuyanjila inongwa ziila zye mwaambuziliziizye izya shaakulya she vhafumwizye ku viholanyo. Mukuyanga mukuti, “Iswe swenti tuli nu vhumanyi.” Ileelo uvhumanyi uvhwo, vhukuvhavhiiha avhantu kuuti vhayitumvwaje. Nkandi ishikunzi she shikuvhazenga avhantu mu lwitiho.

1 VaKolinti 9:24

Vhuli, mutamanyile kuuti avhantu vhe vhakutumvanya mu luvhilo, vhonti vhakushimbila, ileelo we akuposheela ishipeelwa akuvha wooka? Vhwevhulo niimwe, muyikungulaje kuvhomba zye zihondeeye pilongolela ilya Mulungu, inga muhaposheele ivipeelwa.

2 VaKolinti 11:3

Ileelo ishi nkwogopa kuuti inza uEeva vwe áhopeliilwe ni njoha yiila, niimwe mutahinze muhopelwe, muvhuleshe uvhugolosu na mooyo giinyu amazelu kwa Chilisiti.

2 VaKolinti 12:20

Ishi nkwogopa kuuti lwe nkwinza kuli imwe, intahinze imbaaje muli nu lujendo lwe ntalusungwilwe. Ilyo lilimbiiha kuvhomba zye mutasungwilwe. Nkwogopa kuuti lumo ingavhaaga muli ni ivho nu mwone nu mulaha nu lupapilo ni ndigo ni iyevho nu kuyitumvwa nu vhusambusu.

VaEfeso 4:17

Ishi vhamwitu, nkuvhasoha nu kuvhahomeelezya ku maha aga Mwene uYeesu. Kwandila ishi, mutalandilaje fwe vhantu vhe vhatakumwitiha uMulungu, avheene insiivho zyavho zya shaaha.

VaEfeso 5:6

Mutahiitishe umuntu wonti kuvhahopenkanya ku mazwi aga shaaha, mwe pe uMulungu aliivhapa isunde ipiti avhantu vhe vhatakumushindiha ku mbiivhi zyonti zye navhavhuuzya.

Filipi 3:14

Ishi nkujendeelela kudaga, inga mposheele ishipeelwa. Ishipeelwa isho, lwito ulupiti lwe uMulungu anitiiye mwa Chilisiti uYeesu.

Kolosi 2:23

Nalyoli, vhe vhakulandata amiiho igo, vhakuloleha kuuti vhali nu vhushindamu uvhwa njeele. Vhakulandata ishipuuto she vhayivhishiiye vhuuvho, uvhwahayiisye uvhwa ilenga nu kugakonzya amavhili ku vhuhali. Ileelo amiiho igo gatangadinda impapilo izya vhuntu uvhwa vhutalamalandu.

Kolosi 2:4

Nkuvhasimbila izyo, inga mutahiitishe kuuti umuntu wonti avhahopenkanye ku mazwi aga kuvhakundiilizya.

Kolosi 2:8

Muvhe minso, umuntu wonti atahavhavhiishe kuvha mwe vhagomwa ku nsambiilizyo izya ilenga zye zitangavhaavwa. Insambiilizyo izyo, maata aga vhantu, havhili nsiivho zyavho izya mu nsi. Zitakufuma kwa Chilisiti.

1 Timoti 1:7

Vhakwanza kuvha vhasambiilizi avha ndajizyo izya Moose, ileelo inongwa zye vhakuyanga nu kuhomeelezya, vhatazimanyile.

1 Timoti 4:1

UMupepo uMufinjile akutuvhuuzya ishisita kuzyiha kuuti amanda iga aga kumpeleela, avhantu vhamo kwe vhagaleshe amazwi aga lwitiho. Vhalizitejelezyaga impepo imbiivhi zye zikuhopela, nu kuzilandata insambiilizyo zyavho.

2 Peteli 2:14

Ahavhaliilizyo honti vhakusiivha kuvhomba uvhuvhembu, vhatakuleha kuvhomba uvhutalamalandu. Vhakuvhahopenkanya avhantu vhe vhayeyevhazu mu lwitiho. Amooyo gaavho gavheleleeye kupapila ivwuma. Avhantu ivho vhatifiilwe.

1 Yohani 2:26

Nkuvhasimbila izi, kuvhasoha kuzya vhantu vhaala vhe vhakwanza kuvhapuvwa.

Ishitushizya 12:9

UMikayeeli na vhahavhizya vhaakwe vhahalisumbila pa nsi iyoha ilyo pooka na vhahavhizya vhaakwe. Iyoha ilyo ye njoha iya hali, ye wu Mukwalanzi nu Seetano, we akuyihopela insi yonti.

Ishitushizya 13:14

Shihavhahopenkanya vhaala vhe vhakutendama pa nsi, ku vilolesyo viila vwe shápeliilwe kuvivhomba pa luvhambo ulwa shihanu shiila ishitanzi. Shihavhalajizya kuuti vhashigombele ishiholanyo isha shihanu isho, she sháali nu vhuvwalale uvhwa ipanga ileelo shihavha shipuuma.

Ishitushizya 13:8

Avhantu vhonti vhe vhakutendama pa nsi vhalishipuuta, vhonti vhe amazina gaavho gatásimviilwe mwi ikalaata ilya vhulanzi ilya Hagonzi aha MWENE uMulungu he hávholiilwe. Ikalaata ilyo lyásimviilwe lwe insi yishiili kupelwa.

Ishitushizya 19:10

Pe nkakupama pilongolela ilya vinama vwakwe kuuti imupuute. Ileelo uweene ahambuuzya, ahati, “Leha! Ine ne muvhomvi vhweleele inza iwe na vhamwinyu, swenti tukufumwa uvhwahoome uvhwa Yeesu. Mupuute uMulungu! Nkuyanga vhwevhulo, mwe pe vhe vhakufumwa uvhwahoome uvhwa Yeesu, vhe vhali nu Mupepo uMufinjile. Woope we akuvhaavwa kufumwa uvhukuvhwi.”

Ishitushizya 3:11

Nkwinza naluvhiilo. Uleme nkaani she uli nasho, atahinze umuntu akufwule ishipambwi shaaho.