Kolosi 2:16 - ULufingwi uLupwa

¹⁶ Kuli izyo, umuntu wonti atahavhalonje kuzya miiho aga vwakulya, poosye aga vwakumwela. Havhili atahavhalonje poosye kuzya miiho aga shikulukuulu isha shipuuto, poosye isha mwezi kutukula poosye isha Sabaato.

Tesitamenti Umupwa 1965

¹⁶ Ilelo numo atavalongaje pazya kulya nukungʼwela namunongwa zya chaka nizya mwezi umupwa nizyʼisabati.

Kolosi 2:16 ပူးပေါင်းရင်းမြစ်များ

Matayi 15:11

She shikumwinjila umuntu mwi ilomu, te she shikumuhombezya, nkandi she shikufuma mwi ilomu she shikumuhombezya.”

Maliko 7:19

Yeenya, shitakumwinjila mu mwoyo, shikumwinjila mu lwanda, nu kusogola ku shikwilo.” Kuyanga vhwevhulo ahavhitishila ivwakulya vwonti.

iMbombo izya Vhatumwa 15:20

Tuvhasimbile ukalaata kuuti, vhatalyanje ivwakulya vwe vhafumwizye ku viholanyo, vhafupuhaje mu vhulugusu, vhatalyanje inyama zye vhabuzite, poosye amavhanda.

VaLoma 14:10

Ishi shooni she ukumulonga uwamwinyu? Havhili shooni she ukumusuufwa uwamwinyu? Yeenya, iswe swenti tuliyimiilila kulongwa pilongolela ilya Mulungu.

VaGalati 4:10

Muli she mukulema ivikulukuulu ivwa Vhayuuda? Yeenya, mukulema insiku na meezi na manda na maaha gamo, kuuti vikulukuulu ivwa kumushindiha uMulungu!

Kolosi 2:20

Imwe mwáfuuye pooka nu Chilisiti, muhazileha insambiilizyo izya miiho aga vhantu. Ishi shooni she mukulandila ngati mwe vhantu avha mu nsi umu? Mukuyikunga na miiho aga kuuti,

VaHebuli 13:9

Mutalandataje insambiilizyo injeni izya mavhiila mu mavhiila. Yeenya, amaha aga mu mooyo giinyu gakufuma mu vhwila uvhwa Mulungu, gatakufuma mu ndajizyo izya vwakulya zye zitangavhaavwa naashimo vhaala vhe vhakuzilandata.

VaHebuli 9:10

Yeenya, imbaatiho izya vwakulya ni vwakumwela, ni zya kuyizelufwa ukwa mavhiila mu mavhiila, zitangaavwa naashimo umwoyo uwa muntu. Imbombo iya mbaatiho izyo yásizile lwe uMulungu aleeta imbaatiho impwa.

Yakobu 4:11

Mwe vhamwitu, mutayanjilanaje imbiivhi. Umuntu we akumuyanga havhiivhi uwamwavho, poosye kumulonga, akuziyanjila havhiivhi indajizyo izya Mulungu nu kuzisuufwa. Lwe ukuzisuufwa indajizyo, utakuzishindiha, nkandi ukuzihaana.