Kolosi 2:13 - ULufingwi uLupwa

¹³ Hali imwe mwámile mwe vhafwe, mwe pe muhashilanyaaga indajizyo izya Mulungu, havhili amavhili giinyu aga vhutalamalandu gáshiili kutahiililwa. Ileelo uMulungu ahaavhapa uvhulanzi pooka nu Chilisiti, lwe atuswila uvhutalamalandu vhwitu vhwonti.

Tesitamenti Umupwa 1965

¹³ Ilelo lwʼimwe mwali mwe vafwe munchilanyo namunsitakuvolwa umuvili winyu wa mbivi, pʼuwene ahavapelʼimwe poka nawo uvulanzi, lwʼavaswila inchilanyo zyinyu zyonti,

Kolosi 2:13 ပူးပေါင်းရင်းမြစ်များ

uLuuka 15:24

mwe pe umwana waane uno aamile ngati afuuye, ishi azyuha, havhili aamile ngati ateezile, ishi aloleha!’ Pe avhantu ivho vhonti vhahataliha kudovhela ku luseshelo.

uLuuka 15:32

Ishi, tukwanzilwa kuseshela nu kudovhela, mwe pe umunine waaho aamile ngati afuuye, ishi mupuuma, havhili aateezile, ishi aloleha!’”

uLuuka 9:60

UYeesu ahamwamula ahati, “Vhaleshe avhafwe vhavhasyile avhafwe vhaavho. Ileelo iwe, sogoola ukumusye uvhumwene uvhwa Mulungu.”

Yohani 5:21

Inza vwe uTaata waane akuvhazyusya avhantu, nu kuuvhapa uvhulanzi uvhwa shiima, niine nkuuvhapa uvhulanzi avhantu vhe nkwanza kuuvhapa.

Yohani 6:63

UMupepo uwa Mulungu we akuuvhapa avhantu uvhulanzi uvhwa shiima. Amaha aga muntu gatangaavwa naashimo kuleeta uvhulanzi uvhwa shiima. Amazwi ge navhavhuuzya gakuvhavhiiha imwe kuuti muvhe nu Mupepo uwa Mulungu, nu kuuti muvhe nu vhulanzi uvhwa shiima.

VaLoma 4:17

Izi zili inza vwe yisimviilwe mu Vhusimbe uVhufinjile kuuti, “Nkuvhiisile kuvha we taata uwa vhantu avha mu nkolo inyinji.” UAabulahamu áyivuuye izi zye uMulungu áfinzile ku kwakwe, lwe ayimiliiye pilongolela lyakwe. Ahamwitiha uMulungu we akuvhazyusya avhafwe na we akuviyanga ivintu vwe vitaliipo fwe ngati viliipo.

VaLoma 6:13

Havhili mutahaaleshe ivipelwa ivwa mu mavhili giinyu vivhe vwa kuvhombela uvhutalamalandu, nkandi muyifumwe kwa Mulungu inza avhantu vhe uMulungu avhazyusiizye, nu kuvhinjizya mu vhulanzi uvhupwa. Havhili muvifumwaje kwa Mulungu ivipelwa ivwo vivhombaje imbombo ingolosu.

VaLoma 8:11

Havhili, inga uMupepo uwa ula we ámuzyusiizye uYeesu akulandila muhati zyinyu, amavhili giinyu ge gakufwa, uMulungu we ámuzyusiizye uChilisiti uYeesu aliigapa uvhulanzi kwi idala ilya Mupepo waakwe we akulandila muhati zyinyu.

1 VaKolinti 15:36

Izyo nsiivho zya shipukupuuku! Inga wavhwala imbeyu, yitangaamela ishisita kufwa.

1 VaKolinti 15:45

Mu Vhusimbe uVhufinjile yisimviilwe kuuti, “Umuntu uwa kwanda uAadamu, ápeziilwe, ahavha mulanzi.” Ileelo uAadamu uwa vhusililishilo uChilisiti, wu Mupepo we akuuvhapa avhantu uvhulanzi.

2 VaKolinti 3:6

Uweene we atupiiye amaha aga kuvha twe vhavhomvi avha lufingwi ulupwa, lwe lukufuma kwa Mupepo uMufinjile. Ulufingwi ulwo te ndajizyo zye zisimviilwe, mwe pe indajizyo zye zisimviilwe zikuleeta uvhufwe, ileelo uMupepo uMufinjile akuleeta uvhulanzi.

2 VaKolinti 5:19

Kwe kuuti kutuushila kwa Chilisiti, uMulungu ahavhakundanyaaga avhantu nu weene, ishisita kuvhaazya uvhutalamalandu vhwaho. Havhili uMulungu atupiiye imbombo iya kuvhavhuuzya avhantu inongwa izya lukundanyo ulwo.

VaEfeso 2:1

Hali, imwe mwámile mwe vhafwe, mwe pe muhashilanyaaga indajizyo izya Mulungu nu kuvhomba uvhutalamalandu.

VaEfeso 2:11

Pe ishi, imwe mwe mutapafwilwe mu shifumo isha Vhayuuda, aVhayuuda vhahavhasufwaga imwe kuvhiita kuuti mutatahiliilwe. Ileelo kutahiili ukwo mbombo ye yikuvhombwa na vhantu vhweleele. Imwe mukumbushe vwe mwámile hali,

VaEfeso 5:14

Inga uvhuzelu vhukushilamila ishintu she shili mu shiisi, shitakusyala sheshiila, shoope shikuvha nu vhuzelu. Izi zye zikuvhavhiiha avhasimvi avha nyimbo kuyanga kuuti, “Damuula iwe, we uli inza we akaasite utulo! Uzyushe iwe, we uli inza umuntu we afuuye. Pe woope uChilisiti kwe akuhozye.”

Kolosi 2:12

Kwi idala ilya kwozelwa, mwáfuuye nu kusyilwa pooka nu Chilisiti. Havhili kwi idala ilyo, mwázyusile pooka nu weene, kutuushila kugiitiha amaha aga Mulungu we ámuzyusiizye.

1 Timoti 5:6

Ileelo umuziishe we akunyonywa izya mu nsi, uweene akuvha afuuye, poosye she mupuuma.

1 Timoti 6:13

Nkukulajizya pilongolela ilya Mulungu we akuuvipa vwonti uvhulanzi, na pilongolela ilya Chilisiti uYeesu, we áfumwizye uvhwahoome uvhwa nalyoli pilongolela ilya Pontiyo uPilaato ishisita ilyoga kuuti,

VaHebuli 6:1

Pe ishi, tutahajendeelele kusyala ni nsambiilizyo izya ku vhwandilo izya Chilisiti vhweleele, nkandi tukanyilaje kusambiilila izyamwavho, inga tuvhe twe vhalandati twe tugomile mu lwitiho. Nalyoli tutakwanzilwa havhili kusambiilizya insambiilizyo izya kutonta imbiivhi zye zikupelela uvhufwe, ni zya kumwitiha uMulungu.

VaHebuli 9:14

Ileelo amavhanda aga Chilisiti gali na maha amapiti kuluusya aga vihanu ivwo! Uweene ku maha aga Mupepo uwa shiima, áyifumwizye kwa Mulungu kuvha mpuutile ye yilunjisile. Amavhanda gaakwe ge gakutuzelufwa na mooyo giitu kufumiilana ni mbombo zye zikuleeta uvhufwe, inga tumuvhombelaje uMulungu uMulanzi.

Yakobu 2:17

Vhwevhulo, inga muli nu lwitiho ileelo mutali ni mbombo inyinza, pe ulwitiho lwinyu lufuuye.

Yakobu 2:20

We shipukupuuku iwe! Kwe nkulolesye kuuti ulwitiho ishisita imbombo inyinza, lutali ni ilonka.

Yakobu 2:26

Kwe kuuti inza vwe umuvhili ishisita umwuyu wukuvha wufuuye, lwope ulwitiho ishisita imbombo inyinza lukuvha lufuuye.

1 Yohani 2:12

Nkuvhasimbila imwe mwe vhaana, mwe pe muswililiilwe uvhutalamalandu vhwinyu kutuushila kwa Yeesu Chilisiti.