Kolosi 1:9 - ULufingwi uLupwa

⁹ Kuli izyo, kufuma ahavhaliilizyo he twívuuye inongwa zyinyu, tukuvhalavhilaga insiku zyonti. Tukulaavha kuuti uMulungu aavhape uvhumanyi vhwonti ku ziila zye uweene akwanza, nu vhushindamu uvhwa njeele nu vhumanyi kufuma kwa Mupepo uMufinjile.

Tesitamenti Umupwa 1965

⁹ Pe naswe tuhandʼumusanya wuyo lwe twiṿwa zinizi, tuhasita ukutuzya ukuvaputilʼimwe nukulava ukuti mwizulaje uvumanyinsanyi vwa lukasamo lwakwe, ukuti mulumanyinsanyaje munjele zyonti namuvusinkamizyo vwʼakupelʼuMupepo,

Kolosi 1:9 ပူးပေါင်းရင်းမြစ်များ

Yohani 7:17

Umuntu wonti we akwanza kuvhomba zye uMulungu akasiime, akumanya kuuti insambiilizyo izi zifumile kwa Mulungu, havhili akumanya kuuti ntakuyanga ku maha gaane.

iMbombo izya Vhatumwa 12:5

Amanda igo ge uPeeteli ákunziilwe mu jeela, avhantu avha mu shivhanza vhahayikungulaga nkaani kumulaavhila kwa Mulungu.

VaLoma 12:2

Mutalandataje amaata ge vhakuvhomba avhantu avha mu nsi ino, nkandi uMulungu we agagalulanye amooyo giinyu, muvhe ni nsiivho impwa. Ipo pe kuuti mulumanye ulukasamo ulwa Mulungu kuli imwe, kwe kuuti ishintu she shinza, she shikumuhondezya, havhili she shilunjisu.

1 VaKolinti 1:5

Yeenya, kwi idala ilya Chilisiti mupeliilwe uvhudumbwe uvhwa vikunjilwa vwonti, mu hayanjile hiinyu na mu vhumanyi vhwinyu.

VaEfeso 1:8

vhwe átufwiliiye nkaani. UMulungu átupiiye uvhwila uvhwo ku vhushindamu uvhwa njeele vhwonti na ku vhumanyi.

VaEfeso 5:10

Mulondolaje zye zikumuhondezya uMwene uYeesu.

VaEfeso 5:17

Mutavhanje mwe vhapukupuuku, yikwanzilwa mulondolaje ziila zye uMwene uYeesu akwanza muzivhombaje.

VaEfeso 6:6

Mutavhavhombelaje ahinza lwe vhakuvhalola vhweleele, inga vhavhatiime, nkandi muvhavhombelaje fwe mwe vhavhomvi avha Chilisiti, muvhombaje ku mwoyo wonti inza vwe uMulungu akwanza.

Filipi 1:4

Kulaavha kwane kwonti, nkuvhalaavhila mwenti ku luseshelo,

Kolosi 1:6

Izwi ilyo lye lyálumbiliilwe kuli imwe, likumusile mu nsi zyonti. Umwo likuvhagalulanya avhantu inza vwe lyávhagaluliinye imwe, kufuma pe mwályivuuye nu kuvhumanya uvhwila uvhwa Mulungu mu vhwanalyoli vhwonti.

Kolosi 3:16

Izwi ilya Chilisiti livhe ku vhwinji muhati zyinyu. Musambilizanyaaje nu kusohana mu vhushindamu uvhwa njeele vhwonti. Mumwimbilaje uMulungu izabuuli ni nyimbo izya kumutiima ni nyimbo zye zikufuma kwa Mupepo uMufinjile, pooka nu kumusalifwa ku mwoyo wonti.

Kolosi 4:12

UEpaafula umuntu uwa ku mwinyu, umuvhomvi uwa Chilisiti uYeesu, akuvhalamuha. Ahavhaliilizyo honti akuyikungula kuvhalaavhila imwe inga musimpaje mu lwitiho, havhili muvhe mwe vhalunjisu nu kuvha mwe vhadandamazu ku zyonti zye uMulungu akwanza.

Kolosi 4:5

Mutatezyaje ahavhaliilizyo shaaha he muli naho aha kulolesya ulujendo ulwinza ku vhantu vhe vhatamwitisile uChilisiti.

1 VaTesaloniki 1:3

Lwe tukuvhalaavhila kwa Taata wiitu uMulungu, tukukumbuha pilongolela lyakwe imbombo ye mukuvhomba ku lwitiho. Tukukumbuha umute wiinyu we wukufumiilana ni shikunzi shiinyu, havhili vwe mwimiliiye kufumiilana nu lusuuvhilo lwinyu kwa Mwene wiitu uYeesu Chilisiti.

1 VaTesaloniki 5:17

havhili mulaavhaje amanda gonti.

2 VaTesaloniki 1:11

Kuli izyo, tukuvhalaavhila shiima. Tukumulaavha uMulungu wiitu kuuti avhahondezye kutendama inza vwe ahavhiita. Havhili tukumulaavha kuuti ku maha gaakwe amasisya, alunjisye vwe mukwanza kuzivhomba inongwa inyinza nu kulunjisya imbombo yiinyu yonti iya mu lwitiho.

Filemoni 1:4

Amanda gonti lwe nkumulaavha uMulungu, nkukukumbuha iwe nu kumusalifwa ku zyaho.

Filemoni 1:6

Nkumulaavha uMulungu kuuti uvhuliilani vhwaho pooka niiswe, vhukwavwaje kuzimanya inongwa zyonti inyinza zye tuzyazile mwa Chilisiti.

VaHebuli 10:36

Yeenya, mukwanzilwa kujimbiilila kuvhomba ulukasamo ulwa Mulungu, inga muhaposheele ziila zye uMulungu áfinzile kuuvhapa.

VaHebuli 13:21

Havhili uMulungu ajendeelele kuuvhapa amaha aga kuvhomba zye uweene akasiime, avhombe mu mooyo giinyu kwi idala ilya Yeesu Chilisiti zye zikuhondela pilongolela lyakwe. Uweene ashindikwaje shiima shiima! Amina.

Yakobu 1:5

Inga kuli uwamwinyu wumo we asovheliilwe uvhushindamu uvhwa njeele, amulaavhe uMulungu, woope kwe aamupe vhwenevhwo. Uweene akuuvhapa avhantu vhonti ivintu ku mwoyo umuzelu, havhili ishisita kupila.

Yakobu 3:17

Ileelo vhe vhakuvha nu vhushindamu uvhwa njeele vhwe vhukufuma kwa Mulungu, amooyo gaavho mazelu. Ivho vhe vhakusungwa kuvha nu vhutehamu na vhantu avhanji, vhatonsu, havhili vhali nu mushinzi. Muhati zyavho vhizuuye uvhwila ni mbombo inyinza. Vhatakuvhomba uvhunyala ku vhantu vhamo, havhili vhatali ni shifumbo.

1 Peteli 2:15

Nkuyanga vhwevhulo, mwe pe uMulungu akwanza muvhombaje inyinza, inga avhapukupuuku vhe vhatamumanyile uweene, vhatavhanje ni lya kuvhakwinkwina.

1 Peteli 4:2

Ahavhaliilizyo hiinyu he hasyaye aha kulandila pa nsi ipa, muleshe kulandila kulandatana ni mpapilo izya mavhili giinyu, nkandi mulandilaje inza vwe uMulungu akwanza.

1 Yohani 2:17

Insi pooka ni mpapilo zyakwe imbiivhi, vikutuuha. Ileelo umuntu we akuvhomba zye zikumuhondezya uMulungu, akuvha nu vhulanzi shiima shiima.

1 Yohani 5:20

Havhili tumanyile kuuti uMwana wa Mulungu ayinzile, atupiiye uvhumanyi, inga tumumanye uMulungu uwa nalyoli. Tuli nu vhuliilani nu Mulungu uwa nalyoli, kwi idala ilya kuvha nu vhuliilani nu Mwana waakwe uYeesu Chilisiti. Uno we wu Mulungu uwa nalyoli, havhili we vhulanzi uvhwa shiima shiima.