Kolosi 1:7 - ULufingwi uLupwa

⁷ Mwásambiliiye Izwi iLyinza ilyo kufuma kwa Epaafula. Uweene, muvhomvi wamwitu unkundwa, akuvhavhombela imwe kwa Chilisiti ku vhutungamu.

Tesitamenti Umupwa 1965

⁷ Shʼuvwene vuli inza shʼavavuzizye uEpafula umunyamata wamwitu unkundwa, umuvombezi umutungamu wa Chilisiti pazyinyu,

Kolosi 1:7 ပူးပေါင်းရင်းမြစ်များ

Matayi 18:29

Umuvhomvi uwamwavho uyo ahamusugamilila, ahamulambiilizya ahati, ‘Unguliilile hansi, kwe nkulipe ivintu vwaho.’

Matayi 24:45

UYeesu ahavhavhuziilizya ahati, “Pe ishi, wu naanu umuvhomvi umutungamu, havhili uwa njeele? Uyo we umwene waakwe alimuvhiiha kuvha mwimiilizi uwa vhamwavho, alivhapanga ishaakulya ahavhaliilizyo he hakwanzilwa.

Matayi 25:21

Umwene waakwe ahamuvhuuzya ahati, ‘Uvhomvile ahinza nkaani. Iwe we muvhomvi umwinza, havhili umutungamu! Mwe pe waamile we mutungamu ku vintu ivinsi, ishi kwe nkuvhiishe kuvha we mwimiilizi uwa vintu ivwinji. Yinjiila tuseshele pooka niine ne mwene waaho.’

1 VaKolinti 4:17

Ilyo lye limbiisile kumusonteelezya uTiimoti, umwana waane unkundwa, havhili umutungamu mu mbombo iya Mwene uYeesu. Uweene kwe avhakumbusye ulujendo lwane mwa Chilisiti, inza vwe nkusambiilizya mu vivhanza mwonti.

1 VaKolinti 4:2

Ishi she shikwanzilwa kwa muntu we apeliilwe imbombo iya kwimililila, kwe kuvha nu vhutungamu.

1 VaKolinti 7:25

Ishi, avhalindu vhe vhatimaliilwe, ntali nu lulajizyo kufuma kwa Mwene uYeesu. Ileelo nkuvhapanzya ku nsiivho zyane ine ne uMulungu ambiisile kuvha ne mutungamu kwi idala ilya vhwila uvhwa Mwene uYeesu.

2 VaKolinti 11:23

Ishi injanje ngati mpenile! Inga avheene vhavhomvi vha Chilisiti, ine ne muvhomvi uwa Chilisiti kuluusya avheene. Ine mbomvile imbombo ku mute kuluusya avheene, ulwinji nkunziilwe mu jeela, havhili nkomwilwe nkaani, havhili ulwinji mpulumusile kufwa.

VaEfeso 5:21

Havhili mushindinkanaje, mwe pe mukumushindiha uChilisiti.

Filipi 2:25

Ileelo ishi, nkulola suuti kuuti, yihondeeye kumutuma kuli imwe uwamwitu uEpafulodiito. Uweene muvhomvi, havhili musikaali uwamwitu we mwámusonteleziizye kunaavwa vwe nsovheliilwe.

Kolosi 4:12

UEpaafula umuntu uwa ku mwinyu, umuvhomvi uwa Chilisiti uYeesu, akuvhalamuha. Ahavhaliilizyo honti akuyikungula kuvhalaavhila imwe inga musimpaje mu lwitiho, havhili muvhe mwe vhalunjisu nu kuvha mwe vhadandamazu ku zyonti zye uMulungu akwanza.

Kolosi 4:7

Uwamwitu unkundwa uTikiiko, umuvhomvi umutungamu we tukuvhomba pooka imbombo iya Mwene uYeesu, alivhavhuuzya inongwa zyane zyonti.

Kolosi 4:9

Akwinza pooka nu Oniseemu, uwamwitu unkundwa umutungamu, havhili umuntu uwa ku mwinyu. Kwe vhavhavhuuzye zyonti zye zikuvhombeha ipa.

1 Timoti 4:6

Uvhavhuzyaje avhamwitu izyo, pe kwe uvhe we muvhomvi umwinza uwa Chilisiti uYeesu, havhili we usunjiliilwe ahinza mu vhwanalyoli uvhwa lwitiho ni nsambiilizyo inyinza izyo zye ukuzilandata.

2 Timoti 2:2

Amazwi ge nkagayangaga pilongolela ilya vhahoome avhinji, niiwe wágivuuye. Amazwi igo uvhasambiilizye avhantu avhatungamu vhe vhangavhasambiilizya na vhanji.

Filemoni 1:23

Uwamwitu uEpaafula we mukungwa pooka niine kuzya kulumbiilila izwi ilya Chilisiti uYeesu, akukulamuha.

VaHebuli 2:17

Ilyo lye lyámupezile kuuti aholane na vhajenzi vhaakwe ku zyonti, inga avhe mupuuti umupiti we ali nu vhwila havhili mutungamu kumuvhombela uMulungu, inga afumwe impuutile iya kuvhaswila avhantu uvhutalamalandu vhwavho.

VaHebuli 3:2

Uweene áamile mutungamu kwa Mulungu we ámusavhuuye, inza uMoose woope vwe áamile mutungamu ku vhantu vhonti avha mu nyumba ya Mulungu, kwe kuuti aVhaisilayeeli.