Kolosi 1:5 - ULufingwi uLupwa

⁵ Ulwitiho ni shikunzi isho, vikufumiilana nu lusuuvhilo ulwa vipeelwa vwe uMulungu avhavhishiiye ku mwanya. Mwívuuye inongwa izya lusuuvhilo ulwo kufuma pe mwálumbililiilwe izwi ilya nalyoli, kwe kuuti Izwi iLyinza.

Tesitamenti Umupwa 1965

⁵ she muli nulusuvilo lwe musengulilwe kumwanya, lwe mwiṿuye hali mwizwi lya nalyoli ilyʼIvangeli,

Kolosi 1:5 ပူးပေါင်းရင်းမြစ်များ

uLuuka 12:33

Mukazye ivintu vwinyu, muuvhape avhapiina impiiya. Kuvhomba isho kwe kusengula vwenevwo mu nkoma iya ku mwanya ye yitakupunguha, ukwene inkoma zitakulala. Havhili ataliipo umwivha we akupalamila kwivha poosye uluswa, lwe lukunanganya.

iMbombo izya Vhatumwa 10:36

Imwe mumanyile kuuti uMulungu ásonteleziizye avhantu vhaakwe kuvhalumbiilila aVhaisilayeeli Izwi iLyinza kuuti vhaliivha nu vhutehamu nu weene kwi idala ilya Yeesu Chilisiti, we wu Mwene uwa vhantu vhonti.

iMbombo izya Vhatumwa 13:26

UPaavhuli ahajendeelela kuyanga kuuti, “Mwe vhamwitu, mwe vhaana avha luho ulwa Aabulahamu, niimwe mwe vhanji mwe mukumunyila uMulungu, iswe swenti swe uMulungu atuleteeye izwi ili ilya vhuposhi.

iMbombo izya Vhatumwa 23:6

UPaavhuli ahamanya kuuti, mu lukuvhato muula muli aVhasadukaayi na Vhafalisaayi. Pe ahayanga kwi izwi ahati, “Vhamwitu, ine ne Mufalisaayi, havhili ne mwana wa Mufalisaayi. Ipa nkulongwa, mwe pe nkwitiha uvhwanalyoli uvhwa kuuti, avhafwe vhalizyuha.”

iMbombo izya Vhatumwa 24:15

Ine nkwitiha uvhwanalyoli kuuti, uMulungu alivhazyusya avhantu vhonti, avhagolosu na vhe te vhagolosu, inza vhoope vwe vhakwitiha.

VaLoma 10:8

Ileelo uVhusimbe uVhufinjile vhukuti, “Izwi ilya Mulungu lili papiipi niiwe, lili mwi ilomu lyaho na mu mwoyo waaho.” Izwi ilyo lizwi lya kumwitiha uChilisiti lye tukukumusya

1 VaKolinti 13:13

Ivintu ivi vitatu, ulwitiho nu lusuuvhilo ni shikunzi te vihaasile naalumo. Ileelo she shipiti muli ivwo, shikunzi.

1 VaKolinti 15:19

Inga ulusuuvhilo lwitu kwa Chilisiti lwa mu vhulanzi vhunuuvhu vhweka, ipo pe lwe twe vhakufwilwa uvhwila kuluusya avhantu vhonti.

2 VaKolinti 5:19

Kwe kuuti kutuushila kwa Chilisiti, uMulungu ahavhakundanyaaga avhantu nu weene, ishisita kuvhaazya uvhutalamalandu vhwaho. Havhili uMulungu atupiiye imbombo iya kuvhavhuuzya avhantu inongwa izya lukundanyo ulwo.

2 VaKolinti 6:7

Havhili tukulolesya kwi idala ilya kulumbiilila izwi ilya nalyoli, tukuvhomba izyo zyonti ku maha aga Mulungu. Uvhugolosu she shilwilo shiitu, uluvhazu ulwa kundiilo nu lwa kumongo.

VaGalati 2:14

Pe lwe naalola kuuti vhatakuvhomba kulandatana nu vhwanalyoli uvhwa Izwi iLyinza, nkamuvhuuzya uKeefa apazelu pa vhantu vhonti nkati, “Pooka nu kuuti iwe we Muyuuda, ukulandata amaata aga vhantu vhe te Vhayuuda! Pe shooni she ukuvhavijiilizya avhantu vhe te Vhayuuda kulandata amaata aga Vhayuuda?”

VaGalati 2:5

Avhantu ivho tutívwine navho inga hansi, inga imwe mujendeelele kuvha nu vhwanalyoli uvhwa Izwi iLyinza.

VaGalati 5:5

Ileelo iswe tukusuuvhila kuuti tupelwe kuvha twe vhagolosu. Kuvha vhwevhulo, tukuguliilila ku mwoyo wonti, kwi idala ilya maha aga Mupepo nu lwitiho.

VaEfeso 1:13

Niimwe vhweleele mwe te mwe Vhayuuda, mwívuuye izwi ilya nalyoli, kwe kuuti Izwi iLyinza ilya kuvhapoha. Lwe mwivwa muhamwitiha uChilisiti, woope uMulungu ahavhalemezanya ni shilemezanyo kulolesya kuuti mwe vhaakwe. Ishilemezanyo isho, wu Mupepo uMufinjile we áfinzile kuutupa.

VaEfeso 4:21

we vhwandilo uvhwa vhwanalyoli vhwonti. Nalyoli nkwitiha kuuti, mwívuuye ahinza inongwa ni nsambiilizyo zyakwe.

Kolosi 1:23

Nalyoli muli isho pilongolela lyakwe, inga mukujendeelela kumwitiha uChilisiti, nu kuyigomwa nu kuvha na maha, havhili inga mutakwitiha kuleha ulusuuvhilo lwe mwáposheleeye, lwe mwivwa Izwi iLyinza. Izwi ilyo, lye avhavhomvi avha Mulungu vhakumusiizye ku vhantu vhonti avha mu nsi, havhili lye ine ne Paavhuli, ne muvhomvi uwa kukumusya.

Kolosi 1:27

Ivho vhe uMulungu asungwilwe kuvhavumbulila uvhuzigizigi uvhwo vwe vhuli nu vhudumbwe uvhwa kusukumizya ku vhantu vhe te Vhayuuda. Uvhuzigizigi uvhwo, wu Chilisiti we ali muhati yiinyu, uweene we akuvhavhiiha kuuti muvhe nu lusuuvhilo ulwa kuposheela uvhushindamu.

Kolosi 3:16

Izwi ilya Chilisiti livhe ku vhwinji muhati zyinyu. Musambilizanyaaje nu kusohana mu vhushindamu uvhwa njeele vhwonti. Mumwimbilaje uMulungu izabuuli ni nyimbo izya kumutiima ni nyimbo zye zikufuma kwa Mupepo uMufinjile, pooka nu kumusalifwa ku mwoyo wonti.

1 VaTesaloniki 2:13

Havhili tukumusalifwa uMulungu ishisita kulita, mwe pe lwe mwalitejeelezya izwi lyakwe kufuma kuli iswe, mutáliposheleeye ngati lizwi lya muntu, nkandi ngati lizwi kufuma kwa Mulungu, nalyoli vwe zili. Izwi ilyo likuvhomba imbombo muhati mu mooyo giinyu imwe mwe mumwitisile.

2 VaTesaloniki 2:16

UTaata wiitu uMulungu atukunzite, na ku vhwila vhwakwe akutusuvhaalizya shiima nu kuutupa ulusuuvhilo ulwinza. Tukumulaavha uMwene wiitu uYeesu Chilisiti pooka nu weene, kuuti

1 Timoti 1:15

Kuli izwi ilya nalyoli lye likwanzilwa kulyitiha ku mwoyo wonti, kuuti, “UChilisiti uYeesu áyinzile mu nsi umu kuvhapoha avhatalamalandu.” Niine ne mutalamalandu kuluusya avhanji vhonti.

2 Timoti 4:8

Ishi uMwene ambishiiye ishipambwi isha vhupooti isha vhugolosu. Uweene, uMulonzi uwa Nalyoli, alimpa shenesho isiku liila lye alivhalonga avhantu vhonti ku vhugolosu. Te neene neeka ndaali ne ndiposheela ishipambwi, nkandi na vhanji vhonti vhe vhasungwilwe nkaani kulola kugaluha kwakwe.

uTiiti 1:2

Kuli izyo, vhakuvha nu vhulanzi uvhwa shiima, mwe pe uMulungu áfinzile kuutupa uvhulanzi uvhwo kufuma lwe insi yishiili kupelwa, nu Mulungu atakuluma ilenga.

VaHebuli 7:19

Mwe pe ululajizyo ulwo lutáshivhiisile ishintu naashimo kuvha shilunjisu, tupeliilwe ulusuuvhilo ulwamwavho lwe lwinza nkaani, lwe lukutuvhiiha kuvha papiipi nu Mulungu.

1 Peteli 2:2

Inza avhaana avhacheeche vwe vhakusungwa kwonka, niimwe musungwaje nkaani kumwela izivha ilyinza lye lizwi lya Mulungu, inga mukule mu vhuposhi.

1 Peteli 3:15

Ileelo mumushindihaje uChilisiti mu mooyo giinyu, mwe pe uweene wu Mwene. Muyisenganyaaje ahavhaliilizyo honti kumwamula wonti we akuvhavhuziilizya izya lusuuvhilo lwinyu. Ileelo muvhombaje vhwevhulo ku vhutonsu nu mushinzi.

2 Peteli 1:12

Pe ishi, kwe njendeelele kuvhakumbusya zyonti izyo shiima, poosye she mumanyile nu kusimpa mu vhwanalyoli vhwe mwáposheleeye.

1 Yohani 3:3

Wonti we akusuuvhila kuuti aliholana nu Chilisiti, akuyizelufwa inga avhe muzelu, inza vwe uweene uChilisiti muzelu.