Kolosi 1:28 - ULufingwi uLupwa

²⁸ UChilisiti uyo we tukuvhalumbiilila, tukuvhasoha nu kuvhasambiilizya avhantu vhonti ku vhushindamu uvhwa njeele vhwonti. Tukuvhomba isho, inga tuvhaleete vhonti pilongolela ilya Mulungu she vhagomile kwi idala ilya kusopenkana nu Chilisiti.

Tesitamenti Umupwa 1965

²⁸ We wuyo tukumukumusya lwe tukusoha avantu vonti woka woka nukuvasambilizya avantu vonti munjele zyonti, ukuti avantu vonti woka woka tuhavavishe kuminso ga Mulungu ukuva vila mwa Chilisiti.

Kolosi 1:28 ပူးပေါင်းရင်းမြစ်များ

Matayi 28:20

nu kuvhasambiilizya kulandata zyonti zye mbalajiziizye imwe. Niine kwe mbe pooka niimwe amanda gonti, kufishila ku vhusililishilo uvhwa nsi.”

Matayi 3:7

Ileelo uYoohani lwe avhalola aVhafalisaayi na Vhasadukaayi vhakwinza ku vhwinji, inga avhoozye, ahavhavhuuzya ahati, “Mwe vhaana vha njoha imwe! Wu naanu we avhasosile kuuti mushimbile uvhuhalazu uvhwa Mulungu vhwe vhukwinza?

Matayi 5:48

Pe ishi, niimwe muvhe mwe vhalunjisu inza uTaata wiitu uwa ku mwanya vwe mulunjisu.”

Maliko 6:34

Lwe uYeesu ayiiha mwi ivhooti, ahavhalola avhantu ivhungaana ipiti nkaani, ahavhafwila uvhwila, mwe pe vháamile ngati ngʼonzi zye zitali nu mudiimi. Ahataliha kuvhasambiilizya ivintu ivwinji.

uLuuka 21:15

Nkuvhavhuuzya isho, mwe pe ine ndiivhapa amazwi aga kuyanga nu vhushindamu uvhwa njeele, vhwe avhalugu vhiinyu vhatangatumvanya navhwo, poosye kuvhudinda.

iMbombo izya Vhatumwa 10:36

Imwe mumanyile kuuti uMulungu ásonteleziizye avhantu vhaakwe kuvhalumbiilila aVhaisilayeeli Izwi iLyinza kuuti vhaliivha nu vhutehamu nu weene kwi idala ilya Yeesu Chilisiti, we wu Mwene uwa vhantu vhonti.

iMbombo izya Vhatumwa 11:20

Ileelo mu Antiyookiya, mwáli avhalandati vhamo avha Yeesu vhe vháshimbiiye kufuma ku Yelusaleemu. Ivha vhínzile kufuma mu nsi iya Kiipulo na mu nkaaya iya Kileene. Avheene vhahanda kulumbiilila Izwi iLyinza ilya Mwene uYeesu na ku vhe te Vhayuuda.

iMbombo izya Vhatumwa 13:38

“Ishi imwe vhamwitu, mumanye kuuti kutuushila kwa Yeesu uyo we mukulumbiililwa, mukuswilwa uvhutalamalandu vhwinyu.

iMbombo izya Vhatumwa 17:18

Mu nsokooni umwo, mwámile avhasambiilile vhamo vhe vhahatinji aVhaepikuleewo na Vhasitoyiiki. Ivho vhahanda kuvhuzilizanya nu Paavhuli. Vhamo vhahati, “Umuntu we akuyangaana uno akwanza kuuti vhuli?” Vhamo vhahati, “Yikuloleha kuuti akulumbiilila izya vhalungu avhajeni.” Vháyanzile isho, mwe pe uPaavhuli ahalumbililaga Izwi iLyinza kuzya Yeesu nu kuzyuha.

iMbombo izya Vhatumwa 17:3

Ahalondovholaga nu kuvhahomeshezya kuuti uChilisiti akwanzilwa kuyimba nu kuzyuha. Ahavhavhuzyaga ahatinji, “UYeesu we nkumulumbiilila kuli imwe, wu Chilisiti.”

iMbombo izya Vhatumwa 20:31

Pe ishi, muvhe minso! Mukumbushe kuuti, ntálisite kuvhasoha mwenti ku mansozi uvhusiku nu musanya ku havhaliilizyo aha maaha gatatu.

iMbombo izya Vhatumwa 3:20

Havhili, alivhaleetela uChilisiti we ávhasevheeye kufuma hali, we we wu Yeesu.

iMbombo izya Vhatumwa 5:42

Vhatahaleha kusambiilizya avhantu nu kuvhalumbiilila Izwi iLyinza kuuti uYeesu wu Chilisiti, vhahajendeelela kusambiilizya nu kulumbiilila insiku zyonti pa Nyumba iMfinjile, na mu nyumba izya vhantu.

iMbombo izya Vhatumwa 8:35

Pe uFiilipo ahandila mu Vhusimbe uVhufinjile vhunuuvhwo, kumulumbiilila Izwi iLyinza ilya Yeesu.

iMbombo izya Vhatumwa 8:5

UFiilipo woope ahasogola mu nkaaya iya Samaliya, ahanda kukumusya izya Chilisiti.

iMbombo izya Vhatumwa 9:20

Pe ahanda kusogola mu masinagoogi, ahakumusyaga izya Yeesu, ahatinji, “Uyo we Mwana wa Mulungu.”

VaLoma 16:25

Ishi, ashindikwaje uMulungu! Uweene ali na maha aga kuvhagomwa kwi idala ilya Izwi iLyinza ilya Yeesu Chilisiti lye nkukumusya. Izwi ilyo, hali lyáli kukwilu.

1 VaKolinti 1:23

Ileelo iswe tukumukumusya uChilisiti we áfuuye pa shihovhenkanyo. Intumi iyo aVhayuuda yikuvhapunuzya, havhili ku vhe te Vhayuuda vhwalangani.

1 VaKolinti 1:30

UMulungu wuuyo we avhavhiisile imwe kuvha nu vhuliilani nu Chilisiti uYeesu. Uweene amuvhiisile uChilisiti kuvha vhushindamu vhwitu uvhwa njeele. Havhili kwi idala ilya Yeesu, iswe tuvhaziliilwe kuuti twe vhagolosu pilongolela ilya Mulungu, twe vhafinjile, havhili tutavhuliilwe.

1 VaKolinti 12:8

UMupepo uyo akuumupa umuntu wumo ishikunjilwa isha kuyanga amazwi aga vhushindamu uvhwa njeele, uwamwavho akuumupa amazwi aga vhumanyi inza vwe akasiime wuuyo.

1 VaKolinti 15:12

Ishi inga uChilisiti akukumuha kuuti ázyusile, zili vhuli vhamo muli imwe vhakuti kutaliipo kuzyuha?

1 VaKolinti 2:15

Umuntu we akulongolwa nu Mupepo uwa Mulungu, akuzimanya zyonti, ileelo avhantu avhanji vhatangamumanya.

1 VaKolinti 2:6

Ileelo zye tukuyanga zye zya vhushindamu uvhwa njeele ku vhantu vhe vhagomile mu lwitiho. Uvhushindamu uvhwa njeele uvhwo te vhwa pa nsi ipa, havhili te vhwa vhapiti avha pa nsi ipa, vhe kukonzya kwavho kukusila.

1 VaKolinti 4:14

Ntakuvhasimbila amazwi iga, inga mbasuupizye, nkandi inga mbasoshe fwe mwe vhaana vhaane avhankundwa.

2 VaKolinti 10:14

Tutakuyitumvwa kuluusya ishipimo isha mbombo yiitu lwe tukuyanga ku maha kuli imwe, havhili iswe twáli twe vhatanzi kuvhaleetela Izwi iLyinza ilya Chilisiti.

2 VaKolinti 11:2

Ine indi nu vhuzuvha niimwe vhwe vhukufuma kwa Mulungu. Nkuyanga vhwevhulo, mwe pe muli inza umulindu uwa mwoyo umuzelu we atamumanyile naalumo umwanaavuli, we námuzinjiiye kwimalwa nu mwanaavuli wooka vhweleele, we wu Chilisiti.

2 VaKolinti 4:5

Nkuyanga vhwevhulo, mwe pe iswe tutakukumusya inongwa zyitu, ileelo tukukumusya kuuti uYeesu Chilisiti we wu Mwene, niiswe twe vhavhomvi vhiinyu kwi idala ilya kumuvhombela uYeesu.

VaEfeso 3:8

poosye she ine ntáhondeeye kuluusya avhafinjile vhonti. Ahampa imbombo kuuti ndumbililaje ku vhe te Vhayuuda uvhudumbwe uvhwa kusukumizya havhili vhwe vhutali ni shipimilo uvhwa Chilisiti.

VaEfeso 5:27

Ávhomvile vhwevhulo, inga ayileetele ishivhanza she shizelufile, ishisita amabada poosye amankunya, poosye uvhuvhiivhi vhwonti inza uvhwo. Aliyileetela ishivhanza she shifinjile, havhili ishisita ulukwinkwino.

Kolosi 1:22

Ileelo ishi, uMulungu avhakundiinye nu weene kwi idala ilya muvhili uwa Chilisiti, kwe kuuti kufwa kwakwe. Avhomvile vhwevhulo inga avhaleete pilongolela lyakwe she mwe vhafinjile, ishisita amabada poosye ulukwinkwino.

Kolosi 2:10

Niimwe muposheleeye uvhulunjisu vhwonti kwi idala ilya kusopenkana nu Chilisiti, uweene inza itwe mu muvhili, akuvikonzya ivipelwa vwe vili na maha amasisya na vwe vili na maha vwonti.

Kolosi 2:3

Muhati iya Chilisiti mwe zizyisiilwe inkoma zyonti izya vhushindamu uvhwa njeele nu vhumanyi.

Kolosi 3:16

Izwi ilya Chilisiti livhe ku vhwinji muhati zyinyu. Musambilizanyaaje nu kusohana mu vhushindamu uvhwa njeele vhwonti. Mumwimbilaje uMulungu izabuuli ni nyimbo izya kumutiima ni nyimbo zye zikufuma kwa Mupepo uMufinjile, pooka nu kumusalifwa ku mwoyo wonti.

Kolosi 4:12

UEpaafula umuntu uwa ku mwinyu, umuvhomvi uwa Chilisiti uYeesu, akuvhalamuha. Ahavhaliilizyo honti akuyikungula kuvhalaavhila imwe inga musimpaje mu lwitiho, havhili muvhe mwe vhalunjisu nu kuvha mwe vhadandamazu ku zyonti zye uMulungu akwanza.

1 VaTesaloniki 4:6

Muli izyo, umuntu wonti atahamunanjile uwamwavho, poosye kumuhopenkanya. Inza vwe twávhavhuziizye nu kuvhasoha kuuti, vhonti vhe vhakuvhomba izyo, uMwene uYeesu aliivhapa isunde.

1 Timoti 3:16

Nalyoli, zye uMulungu atulolesiizye, iswe tukwitinkana kuuti zya kusukumizya, havhili zye zino: UChilisiti álolesile nu muvhili uwa vhuntu, uMupepo uMufinjile ahahomeshezya kuuti mugolosu. Avhahavhizya vhahamulola. Amazwi gaakwe gahakumuha ku vhantu avha mu nsi zyonti, vhoope vhahamwitiha. UMulungu ahamunyatula kusogola ku mwanya ku vhushindamu vhwakwe.

1 Timoti 3:2

Ileelo umwimiilizi akwanzilwa avhe muntu we atakukwinkwinwa. Avhe nu mushi wooka vhweleele. Avhe muntu we akuyikonzya nu kuvha nu vhutimvu, havhili we avhantu vhakumushindiha. Avhe muntu we mutesi ku vhajeni na we amanyile kusambiilizya.

VaHebuli 10:14

Kwi idala ilya Yeesu kuyifumwa lwoka vhweleele, avhazelufwizye avhantu vhaakwe shiima.

VaHebuli 13:21

Havhili uMulungu ajendeelele kuuvhapa amaha aga kuvhomba zye uweene akasiime, avhombe mu mooyo giinyu kwi idala ilya Yeesu Chilisiti zye zikuhondela pilongolela lyakwe. Uweene ashindikwaje shiima shiima! Amina.

2 Peteli 3:15

Mukumbushe kuuti uMwene akuvhajimbiilila, inga muhavhwaje uvhuposhi. Vhwevhulo, vwe uwamwitu uPaavhuli unkundwa ávhasimbiiye ukalaata ku vhushindamu uvhwa njeele inza vwe uMulungu ámupiiye.