Kolosi 1:27 - ULufingwi uLupwa

²⁷ Ivho vhe uMulungu asungwilwe kuvhavumbulila uvhuzigizigi uvhwo vwe vhuli nu vhudumbwe uvhwa kusukumizya ku vhantu vhe te Vhayuuda. Uvhuzigizigi uvhwo, wu Chilisiti we ali muhati yiinyu, uweene we akuvhavhiiha kuuti muvhe nu lusuuvhilo ulwa kuposheela uvhushindamu.

Tesitamenti Umupwa 1965

²⁷ vʼuMulungu akasime ukuvamanyisya ukuti uvwinji vwa vumwamu vwa vuzigizigi uvu vupiti muvakunzi, she wʼuChilisiti wʼali mumwinyu, Ulusuvilo lwa vumwamu.

Kolosi 1:27 ပူးပေါင်းရင်းမြစ်များ

Matayi 13:11

Uweene ahavhaamula ahati, “Imwe uMulungu avhapiiye kuzimanya izya kukwilu izya vhumwene vhwakwe. Ileelo avheene atavhapiiye kuzimanya zyonti izyo.

uLuuka 17:21

Avhantu te vhahati, ‘Yeenya, vhuli ipa!’ Poosye kuuti, ‘Vhuli paala!’ Yeenyi, uvhumwene uvhwa Mulungu wuli pahati yiinyu.”

Yohani 14:17

UMutuuli uyo we Mupepo we alivhalolesya avhantu uvhwanalyoli. Avhantu vhe vhakumuhaana uMulungu vhatangamuposheela uMupepo uyo, mwe pe vhatakumulola, havhili vhatamumanyile. Ileelo imwe mumumanyile, mwe pe akuvha pooka niimwe, woope alitendama muhati zyinyu.

Yohani 14:20

Isiku ilyo, muliimanya kuuti ine indi muhati iya Taata waane, niimwe muli muhati yaane, niine indi muhati yiinyu.

Yohani 14:23

UYeesu ahamwamula ahati, “Umuntu wonti we ankunzite ine, kwe azivhombelaje imbombo zye nkumulajizya. Woope uTaata waane kwe amukundaje umuntu uyo, havhili ine nu Taata waane tuliyinza ku kwakwe nu kutendama pooka nawo.

Yohani 17:26

Mbamanyisiizye izina lyaho, havhili kwe njendeelele kuvhomba vhwevhulo, inga vhakundane inza vwe unkunzite ine, havhili niine imbe muhati zyavho.”

Yohani 6:56

Umuntu wonti we akulya umuvhili waane, nu kumwela amavhanda gaane, akujendeelela kuvha muhati yaane, niine nkujendeelela kuvha muhati yaakwe.

VaLoma 11:33

Yeenya, uvhushindamu uvhwa Mulungu vwe vhuli uvhupiti! Havhili yeenya uvhushindamu uvhwa njeele nu vhumanyinsanyi vhwakwe vwe vhuli uvhupiti! Naawumo we angavhupenza uvhulonzi vhwakwe, poosye kugamanya amadala aga mbombo zyakwe! Izi zikuvhalilana nu Vhusimbe uVhufinjile vhwe vhukuti,

VaLoma 2:4

UMulungu mwinza, mwe pe akukufwila uvhwila nkaani, atakupiiye isunde inga lwoka, ileelo akukujimbiilila, inga utonte uvhutalamalandu vhwaho. Ishi shooni she ukumusuufwa?

VaLoma 5:2

Kwi idala ilya kumwitiha uYeesu, uMulungu átufwiliiye uvhwila, havhili poosye ishi atufwiliiye uvhwila. Ipo tukuseshela nkaani, mwe pe tukusuuvhila kuuti tuliivha pooka nu Mulungu mu vhutendamo vhwakwe uvhushindamu.

VaLoma 8:10

Ileelo inga uChilisiti ali muhati zyinyu, poosye inga amavhili giinyu gakufwa kufumiilana nu vhutalamalandu, uMupepo uMufinjile akuuvhapa uvhulanzi, mwe pe uMulungu avhavhaziizye imwe kuuti mwe vhagolosu.

VaLoma 9:23

Havhili, mwe pe uMulungu ahanzaga kutulolesya kutangala ukwa vhushindamu vhwakwe uvhupiti,

1 VaKolinti 3:16

Vhuli, mutamanyile kuuti imwe mwe Nyumba iMfinjile iya Mulungu? Mutamanyile kuuti uMupepo uwa Mulungu akutendama pahati yiinyu?

2 VaKolinti 2:14

Tukumusalifwa uMulungu, mwe pe mwa Chilisiti akutulongola ahavhaliilizyo honti kuvhapoota avhalugu. Havhili akutuvhiiha iswe kuuti tukumusyaje izwi ilya Chilisiti imbazu zyonti, inza umununsi umwinza vwe wukusaata kwonti.

2 VaKolinti 4:17

Nkuyanga vhwevhulo, mwe pe amayimba giitu mapupuusu, havhili ga havhaliilizyo hansi vhweleele. Amayimba igo, gakutusenganizanya uvhushindamu uvhwa shiima. Uvhushindamu uvhwo, vhupiti nkaani, vhukutuvhiiha kulola kuuti amayimba igo te shintu.

2 VaKolinti 4:6

UMulungu we áyanzile kuuti, “Uvhuzelu vhuhozye mu shiisi,” we akuhozya amooyo giitu, nu kutuvhiiha kumanya uvhushindamu vhwakwe vhwe vhukulama ku minso kwa Yeesu Chilisiti.

2 VaKolinti 6:16

INyumba iMfinjile iya Mulungu yingavha nu vhuliilani ni viholanyo ivwa vhalungu? Iswe twe Nyumba iMfinjile iya Mulungu uMulanzi! Izi zili inza uMulungu wuuyo vwe áyanzile átili, “Nditendama pahati yaavho nu kujenda pooka navho. Ndiivha ne Mulungu waavho, vhoope vhaliivha vhantu vhaane.”

VaGalati 2:20

Ishi mfuuye pooka nu Chilisiti pa shihovhenkanyo, ileelo ne mulanzi ahavhaliilizyo iha, ileelo te ne mulanzi ine, nkandi uChilisiti we mulanzi muhati yaane. Uvhulanzi vhwe indi navhwo ahavhaliilizyo iha, indi navhwo kwi idala ilya lwitiho, ulwitiho ulwa kumwitiha uMwana wa Mulungu we ánkunzite, ahayifumwa kufwa, kumpoha.

VaGalati 4:19

Vhaana vhaane, inza vwe umwantanda we ali pa vhumwamu akuyiivwa uvhuvhaavi lwe ahavhaliilizyo aha kupaapa haafiha, vwe zyáli niine. Niishi indi she nkuyiivwa uvhuvhaavi nkaani ku zyinyu. Kwe njendeelele kuyiivwa uvhuvhaavi kufishila lwe ulujendo ulwa Chilisiti lwaloleha mu lujendo lwinyu.

VaEfeso 1:7

Kutuushila uMwana waakwe uyo kufwa pa shihovhenkanyo, tutavhuliilwe, kwe kuuti tuswiliilwe uvhutalamalandu vhwitu. Izi zivhombesile kulandatana nu vhupiti uvhwa vhwila vhwakwe

VaEfeso 2:22

Ishi, kwi idala ilya kusopenkana nu weene, niimwe mwe te mwe Vhayuuda mukuzengwa pa lwalo ulwa nyumba ye uMulungu akutendama. UMulungu akutendama mu nyumba iyo, kwi idala ilya Mupepo waakwe.

Filipi 4:19

Woope uMulungu wiitu alivhiizuzya viila vwe musovheliilwe, kulandatana nu vhudumbwe vhwakwe uvhwa kusukumizya kutuushila kwa Chilisiti uYeesu.

Kolosi 1:5

Ulwitiho ni shikunzi isho, vikufumiilana nu lusuuvhilo ulwa vipeelwa vwe uMulungu avhavhishiiye ku mwanya. Mwívuuye inongwa izya lusuuvhilo ulwo kufuma pe mwálumbililiilwe izwi ilya nalyoli, kwe kuuti Izwi iLyinza.

Kolosi 2:3

Muhati iya Chilisiti mwe zizyisiilwe inkoma zyonti izya vhushindamu uvhwa njeele nu vhumanyi.

Kolosi 3:11

Kuli izyo, kutaliipo kusugaana ukwa Muyuuda na we te Muyuuda, kwe kuuti we atahiliilwe na we atatahiliilwe, poosye ukwa mujeni nu muhaaya, poosye ukwa muzya na we te muzya. Ileelo uChilisiti we alunjisiizye zyonti, havhili ali muhati iya vhonti.

1 Timoti 1:1

Ukalaata uno nsimvile neene ne Paavhuli. Ine ne mutumwa uwa Chilisiti uYeesu, kufumiilana ni ndajizyo izya Mulungu uMuposhi wiitu, nu Chilisiti uYeesu we lusuuvhilo lwitu.

VaHebuli 6:19

Ulusuuvhilo ulwo lwe tuli nalwo mu mooyo giitu, lukutwavwa kusimpa ahinza inza vwe ishijela ishimwamu shikuyaavwa imeeli, inga inkungu yitahayibunshile. Ulusuuvhilo ulwo wu Yeesu we áyinjiiye aPafinjile pa Pafinjile, kutuushila pa mwenda we wudinzite penepo.

1 Yohani 4:4

Ileelo imwe vhaana vhaane, mwe vhantu vha Mulungu, muvhapoosite avhakuvhwi ivho avha ilenga, mwe pe uMupepo uwa Mulungu ali muhati yiinyu. Uweene ali na maha kuluusya impepo ye yikuvhalongola avhantu avha mu nsi umu.

Ishitushizya 3:20

Yeenya, ine nimiliiye ku mulyango nkwiguzya! Umuntu we ayiivwa izwi lyane nu kwigula umulyango, ndiyinjila ku kwakwe, niine ndiilya pooka nawo, woope pooka niine.