Kolosi 1:24 - ULufingwi uLupwa

²⁴ Ishi nkuyimba ku zyinyu. Ileelo nkuseshela amayimba igo, mwe pe tukwanzilwa kuyimba kuzya Chilisiti. Mu muvhili waane nkuyimba kuzya muvhili uwa Chilisiti, kwe kuuti ishivhanza shaakwe.

Tesitamenti Umupwa 1965

²⁴ Shinishi pe nkuseshela mumayimba ge nkuvayimbilʼimwe, lwe nkumalilizya mumuvili wane zye zisyaye izya vuswimililwa vwa Chilisiti, zye nkuwuvombelʼumuvili wakwe, nkutaha ishivanza.

Kolosi 1:24 ပူးပေါင်းရင်းမြစ်များ

Maliko 10:39

Vhoope vhahamwamula vhahati, “Eena tungayifumwa.” UYeesu ahavhavhuuzya, ahati, “Amayimba ge kwe njimbe ine, niimwe kwe muyimbe, nu lwozyo lwe kwe noozelwe ine, niimwe vhweleele kwe mwozelwe.

iMbombo izya Vhatumwa 5:41

Avhatumwa vhoope vhahafuma pa lukuvhato ulwa vhalongozi, uku vhakuseshela, mwe pe uMulungu ávhwenyi kuuti vhahondeeye kusaamulwa kuzya izina ilya Yeesu.

VaLoma 5:3

Havhili, poosye inga gatwinzila amayimba gonti, iswe tukujendeelela kuvha nu luseshelo, mwe pe tumanyile kuuti amayimba gakutuleetela uvhujimbiilizu.

VaLoma 8:17

Ishi, inga swe vhaana vha Mulungu, pe nalyoli swe vhapwana avha Mulungu, swe vhapwana pooka nu Chilisiti. Nalyoli inga tukwitiha kuyimba inza uChilisiti, pe tuliposheela uvhushindamu pooka nawo.

1 VaKolinti 12:27

Vhwevhulo, niimwe mwe muvhili uwa Chilisiti, mwenti mwe vipelwa ivwa muvhili uwo.

2 VaKolinti 12:15

Ine indi nu luseshelo kufumwa ivintu vwane nu kuyifumwa kuvhaavwa imwe. Ileelo ishi yikuloleha kuuti, lwe ine nkwonjezya kuvhakunda nkaani, nkulola ishikunzi shiinyu shikusheepa kuli ine.

2 VaKolinti 6:10

Havhili tukuloleha ngati tuswimiliilwe, ileelo ahavhaliilizyo honti tuli nu luseshelo, tukuloleha twe vhapiina, ileelo tuvhapiiye avhinji uvhudumbwe, tukuloleha tuli nyoovhe zyeka, ileelo tuli ni vintu vwonti.

2 VaKolinti 7:4

Lwe nkuyanga niimwe indi nu vhudandamazu, havhili nkuyitumvwa nkaani ku zyinyu. Imwe mwansuvhaalizya nkaani ine. Pooka nu kuuti niishi tuli mu mayimba aminji, mumbiisile kuvha nu luseshelo ulupiti.

VaEfeso 1:23

mwe pe shoope ishivhanza shili inza umuvhili ku kwakwe. Havhili vhulunjisu vhwakwe, uweene we akuvilunjisya ivintu vwonti ponti.

VaEfeso 3:1

Kuli izyo, ine ne Paavhuli ne nkunziilwe mu jeela kuzya kuvhomba imbombo iya Chilisiti uYeesu kuli imwe mwe te mwe Vhayuuda, nkuvhalaavhila imwe.

VaEfeso 3:13

Ishi nkulaavha mutahavunzishe amooyo kuzya mayimba ge nkuyimba ku zyinyu. Amayimba igo gakuvhaleetela uvhushindamu shiima shiima.

Filipi 3:10

Nkwanza kumumanya uChilisiti, na maha aga kuzyuha kwakwe. Havhili imbe na mayimba inza uweene, inga nkolane nawo poosye kufwa kwakwe.

Kolosi 1:18

Havhili uweene ali inza itwe mu muvhili, kwe kuuti mupiti uwa shivhanza, uweene we vhwandilo uvhwa shivhanza, havhili mutanzi kuzyuha, inga avhe mupiti mu zyonti.

2 Timoti 1:8

Ishi utalolaje insoni kuhomeshezya izya Mwene wiitu uYeesu Chilisiti, poosye kuzya ine kukungwa kuzya mbombo iya kukumusya uvhwanalyoli vhwakwe. Ileelo ujimbililaje amayimba pooka niine kuzya Izwi iLyinza, ku maha ge uMulungu ákupiiye.

Yakobu 1:2

Mwe vhamwitu, museshelaje lwe indingo izya mavhiila mu mavhiila zikuvhaaga,