Kolosi 1:23 - ULufingwi uLupwa

²³ Nalyoli muli isho pilongolela lyakwe, inga mukujendeelela kumwitiha uChilisiti, nu kuyigomwa nu kuvha na maha, havhili inga mutakwitiha kuleha ulusuuvhilo lwe mwáposheleeye, lwe mwivwa Izwi iLyinza. Izwi ilyo, lye avhavhomvi avha Mulungu vhakumusiizye ku vhantu vhonti avha mu nsi, havhili lye ine ne Paavhuli, ne muvhomvi uwa kukumusya.

Tesitamenti Umupwa 1965

²³ Inga nalyoli mukulwumishizya ulwitiho, inga muyibaniye, inga musimfile, inga nahamo hatakuvasegusya kulusuvilo lwʼIvangeli lye mwiṿuye, lye likumusile kuṿipelelwa ṿwonti ṿwe ṿili kunsi kwivingo, lyʼine ne Pavuli njipezilʼukuva ne muvomṿi wakwe.

Kolosi 1:23 ပူးပေါင်းရင်းမြစ်များ

Maliko 16:15

UYeesu ahavhavhuuzya ahati, “Musogole mu nsi yonti, mukumusye Izwi iLyinza ku vhantu vhonti.

uLuuka 22:32

Ileelo ine, nkulavhiiye kwa Mulungu, inga utahinze uleshe ulwitiho lwaho kuli ine. Niiwe lwe wangalushila ine, uvhagomwe na vhamwinyu.”

uLuuka 6:48

Ali inza umuntu we ázenzile inyumba, ileelo suuti ahabana nkaani kufishila pi iyalaawe. Pe ahazenga ulwalo ulwa nyumba yaakwe pi iyalaawe ilyo. “Lwe imvula inyinji yatoonya, amajenje gahiizula nkaani, pe aminzi gahayiishila inyumba iyo ku maha, ileelo inyumba iyo yitahayingaana, mwe pe yázengwilwe ahinza.

Yohani 15:6

Umuntu wonti we atali muhati yaane, alisumbwa panzi inza vwe ulusamba lukusumbwa nu kwuma. Pe avhantu vhakulusevha nu kulusumba mu mwoto lukupwa.

iMbombo izya Vhatumwa 1:17

Ku vhwandilo uYuuda áamile pooka niiswe swe vhatumwa, ásavhuliilwe kuuti twavwane kuvhomba imbombo.”

iMbombo izya Vhatumwa 1:25

inga apwanile pa mbombo iya vhutumwa ye uYuuda aayilesile, aafwa nu kusogola pe pamuhondeeye wuuyo kuposheela isunde.”

iMbombo izya Vhatumwa 1:8

Ileelo kwe muposheele amaha, lwe uMupepo uMufinjile akuvhiishila imwe. Pe muliivha mwe vhahoome vhaane mu Yelusaleemu, na mu shigavho isha nsi shonti isha Yudeeya ni sha Samaliya, nu kufishila kumpeleela iya nsi.”

iMbombo izya Vhatumwa 11:23

Lwe aafiha ukwo, ahalola vwe uMulungu avhaloosite avhantu ivho, ahaseshela nkaani. Ahavhalambiilizya vhonti kuuti, vhajendelelaje kuvha vhatungamu kwa Mwene uYeesu ku mwoyo wonti.

iMbombo izya Vhatumwa 14:22

Umwo mwonti vhahavhagomwaga avhalandati amooyo nu kuvhasoha kuuti vhasimpaje mu lwitiho. Vhahavhavhuzyaga kuuti, “Tukwanzilwa kutuushila amayimba aminji, kwinjila mu vhumwene uvhwa Mulungu.”

iMbombo izya Vhatumwa 2:5

Mu Yelusaleemu umwo, vháliipo aVhayuuda vhe vhahamushindihaga uMulungu. Ivho vháfumile mu nsi zyonti.

iMbombo izya Vhatumwa 20:24

Ileelo ntakusaajila uvhulanzi vhwane kuuti vhwa nsavho kuli ine. Nkwanza kuuti imale ulwaji ni mbombo ye uMwene uYeesu ampiiye, kuuti ndumbiilile Izwi iLyinza ilya vhwila uvhwa Mulungu.

iMbombo izya Vhatumwa 26:16

Ishi vhuuha, yimiliila! Zye zimbiisile kuuti nkuloleshele zye zino: Nkwanza kuuti nkuvhiishe uvhe we muvhomvi havhili we hoome waane. Uvhahomeshezyaje avhantu avhanji zye wazilola ileelo ili na ziila zye inshiili kukulolesya.

iMbombo izya Vhatumwa 4:12

Kwe kuuti, naawumo uwunji wonti we angatupoha, mwe pe ataliipo umuntu uwunji we avhantu vhahapeelwa pansi ipa, we angatupoha iswe mu vhutalamalandu.”

VaLoma 10:18

Poosye vhwevhulo, nkuvhuziilizya kuuti, vhuli, aVhaisilayeeli vhatívuuye? Nalyoli vhívuuye, mwe pe uVhusimbe uVhufinjile vhukuti, “Izwi lyavho lyívwisile mu nsi zyonti, na mazwi gaavho gáfisile ku vhusililishilo uvhwa nsi.”

VaLoma 15:16

kuuti mbe ne muvhomvi uwa Chilisiti uYeesu ku vhantu vhe te Vhayuuda. Nkuvhalumbiilila Izwi iLyinza, inga mbe inza umupuuti we akuvhafumwa imwe kwa Mulungu, inza impuutile iya kumuhondezya uMulungu, havhili ye uMupepo uMufinjile ayizelufwizye.

VaLoma 2:7

Kuli ivho vhe ku mute vhakuvhomba inyinza, mwe pe vhakulondola uvhushindamu nu mushinzi nu vhulanzi vhwe vhutakunanjiha kufuma kwa Mulungu, aliivhapa uvhulanzi uvhwa shiima.

VaLoma 5:5

Ulusuuvhilo ulwo lutakutusuupizya, mwe pe uMulungu atulolesiizye ishikunzi shaakwe ishipiti mu mooyo giitu kwi idala ilya kuutupa uMupepo uMufinjile.

1 VaKolinti 15:58

Ishi vhamwitu vhankundwa, musimpaje, mutavunzihaje umwoyo mu lwitiho. Insiku zyonti, mukanyilaje kuvhomba imbombo iya Mwene uYeesu, mwe pe mumanyile kuuti, imbombo ye mukuvhomba mwa Mwene, mutakuyimba vhweleele.

1 VaKolinti 3:5

Ishi uApoolo wu naanu? Niine ne Paavhuli ne naanu? Iswe twe vhavhomvi vhweleele vhe uMulungu átusonteleziizye kuvhaavwa imwe kumwitiha uYeesu Chilisiti. Iswe swenti tuvhomvile inza vwe uMwene uYeesu átupiiye.

2 VaKolinti 10:1

Ishi, ine ne Paavhuli ne nkuloleha ne mutonsu lwe indi pooka niimwe, ileelo nkuloleha ne muhali lwe indi ukutali niimwe, nkuvhalambiilizya ku vhwahayiisye na ku vhutonsu uvhwa Chilisiti,

2 VaKolinti 11:23

Ishi injanje ngati mpenile! Inga avheene vhavhomvi vha Chilisiti, ine ne muvhomvi uwa Chilisiti kuluusya avheene. Ine mbomvile imbombo ku mute kuluusya avheene, ulwinji nkunziilwe mu jeela, havhili nkomwilwe nkaani, havhili ulwinji mpulumusile kufwa.

2 VaKolinti 3:6

Uweene we atupiiye amaha aga kuvha twe vhavhomvi avha lufingwi ulupwa, lwe lukufuma kwa Mupepo uMufinjile. Ulufingwi ulwo te ndajizyo zye zisimviilwe, mwe pe indajizyo zye zisimviilwe zikuleeta uvhufwe, ileelo uMupepo uMufinjile akuleeta uvhulanzi.

2 VaKolinti 4:1

Ishi, mwe pe uMulungu ku vhwila vhwakwe atupiiye imbombo ino, tutakuvunziha umwoyo.

2 VaKolinti 6:1

Ishi, mwe pe tukuvhomba imbombo pooka nu Mulungu, tukuvhalambiilizya kuuti uvhwila uvhwa Mulungu vhwe muposheleeye, mutahaaleshe vhuteeje vhweleele.

VaGalati 4:11

Kulandatana niizyo, nkwogopa kuuti, imbombo ye mbayimbiiye imwe, yitahinze yivhe ya vhweleele!

VaGalati 5:5

Ileelo iswe tukusuuvhila kuuti tupelwe kuvha twe vhagolosu. Kuvha vhwevhulo, tukuguliilila ku mwoyo wonti, kwi idala ilya maha aga Mupepo nu lwitiho.

VaGalati 5:7

Ku vhwandilo mwajendelelaga ahinza kumulandata uChilisiti! Ishi wu naanu we avhadinda kuvhulandata uvhwanalyoli?

VaGalati 6:9

Ishi tutalitaje kuvhomba inyinza, mwe pe inga tukujimbiilila, tuliivuna inyinza, lwe ahavhaliilizyo haafiha.

VaEfeso 1:18

Havhili nkulaavha avhigulile aminso aga mu mwoyo, inga mumanye ahinza shiila she avhitiiye kuuti muposheele, pe muvhe nu lusuuvhilo ulwa nalyoli. Ishintu isho vhudumbwe uvhwa vhupwano uvhwa vhushindamu vhwe áfinzile kuuvhapa avhafinjile.

VaEfeso 2:21

Kwa weene kwe tusopenkiine pooka nu kugoma inza vwe ivhwe ipiti ilyo liyisopenkiinye inyumba yonti nu kuyivhiiha kuuti yigome. Akutuvhiiha kuvha swe Nyumba iMfinjile kutuushila kwa Mwene uYeesu.

VaEfeso 3:17

Havhili nkuvhalaavhila kuuti, kwi idala ilya lwitiho, uChilisiti atendamaje mu mooyo giinyu. Ipo pe ishikunzi shaakwe, shiliivha shivhapiiye amaha aga kusimpa inza ikwi lye lyisiizye nkaani amazi gaakwe pansi, poosye inza inyumba ye yizengwilwe pa lwalo ulugomu.

VaEfeso 4:16

Mu muvhili, inkole zisopenkiinye ivipelwa vwonti. Inga ivipelwa vwonti vikuvhomba imbombo yaakwe, pe umuvhili wonti wukukula nu kuzengwa ahinza. Isho vwe niiswe swenti tusopenkiine kwa Chilisiti. Ishi inga swenti tukuvhomba imbombo ye uweene atupiiye, pe kwe tugome nu kukundana nkaani.

Kolosi 1:25

UMulungu ansavhuuye ine kuvha ne muvhomvi uwa shivhanza isho, inga mbaleetele izwi lyakwe ku vhulunjisu.

Kolosi 2:7

Musimpaje nu kuyizenga mu kwakwe, havhili mugomaje mu lwitiho inza vwe mwásambiliiye. Mumusalifwaje uMulungu nkaani.

1 VaTesaloniki 3:3

Twávhomvile vhwevhulo, inga umuntu wonti atahavunzishe umwoyo kuzya mayimba iga. Imwe mumanyile kuuti, iswe tukwanzilwa kutuushila amayimba.

1 VaTesaloniki 3:5

Pe lwe napootwa kujimbiilila, nkamusonteelezya uTiimoti kuli imwe, inga imanye inongwa izya lwitiho lwinyu. Nkavhomba vhwevhulo, mwe pe nkasiivha kuuti lumo We Akulinga avhalinzile nu kuvhateezya. Pe imbombo yonti ye tuhayivhomba kuli imwe, yihaavhe ya vhweleele.

1 VaTesaloniki 5:8

Ileelo iswe, mwe pe tuli mu vhuzelu uvhwa musanya, tuyikonzyaje. Tuvhanje nu lwitiho ni shikunzi, ivwo vikuvha ngati mpinjiho ku shifuvha. Havhili tumusuvhilaje uMulungu kutupoha, pe tukuvha ngati tuzwaye inkwela kwi itwe.

2 VaTesaloniki 2:16

UTaata wiitu uMulungu atukunzite, na ku vhwila vhwakwe akutusuvhaalizya shiima nu kuutupa ulusuuvhilo ulwinza. Tukumulaavha uMwene wiitu uYeesu Chilisiti pooka nu weene, kuuti

1 Timoti 1:12

Nkumusalifwa uMwene wiitu uChilisiti uYeesu we ampiiye amaha, mwe pe ambwenyi kuuti ne mutungamu, nu kunsevha ku mbombo yaakwe.

1 Timoti 2:7

Ku vhwahoome uvhwo, mbisiilwe kuvha ne hakumusya havhili ne mutumwa, kuzya kusambiilizya avhantu vhe te Vhayuuda kuuti vhoope vhamwitishe mu vhwanalyoli. Izi zye nkuyanga zya nalyoli, te zya ilenga!

1 Timoti 3:16

Nalyoli, zye uMulungu atulolesiizye, iswe tukwitinkana kuuti zya kusukumizya, havhili zye zino: UChilisiti álolesile nu muvhili uwa vhuntu, uMupepo uMufinjile ahahomeshezya kuuti mugolosu. Avhahavhizya vhahamulola. Amazwi gaakwe gahakumuha ku vhantu avha mu nsi zyonti, vhoope vhahamwitiha. UMulungu ahamunyatula kusogola ku mwanya ku vhushindamu vhwakwe.

uTiiti 3:7

Nalyoli tukuvhaazilwa kuuti twe vhagolosu ku vhwila vhwakwe, átuvhiisile kuvha swe vhaana vhaakwe swe tukusuuvhila kuposheela uvhulanzi uvhwa shiima.”

VaHebuli 10:38

Umuntu we akuvha nu vhulanzi, we wula we akuvhaazilwa kuuti mugolosu kwi idala ilya kumwitiha uMulungu. Ileelo umuntu uyo inga akusisinta kundandata, ntakuhondezelwa nawo.”

VaHebuli 3:14

Inga tuli nu mute kumusuuvhila uMulungu kufishila ku vhusililishilo, inza vwe twítisile kufuma ku vhwandilo, pe tuli nu vhuliilani nu Chilisiti.

VaHebuli 3:6

Ileelo uChilisiti uweene Mwana uMutungamu, havhili mwimiilizi uwa vhantu avha mu nyumba iya Mulungu. Niiswe twe vhantu vhaakwe, inga tukujendeelela kuvha nu vhudandamazu vhwitu nu kusimpa mu ziila zye tukuzisuuvhila.

VaHebuli 4:14

Ishi, mwe pe tuli nu mupuuti umupiti nkaani we ásogooye nu kwinjila ku mwanya, uYeesu uMwana wa Mulungu, tuzileme nkaani ziila zye tukuzyitiha.

VaHebuli 6:19

Ulusuuvhilo ulwo lwe tuli nalwo mu mooyo giitu, lukutwavwa kusimpa ahinza inza vwe ishijela ishimwamu shikuyaavwa imeeli, inga inkungu yitahayibunshile. Ulusuuvhilo ulwo wu Yeesu we áyinjiiye aPafinjile pa Pafinjile, kutuushila pa mwenda we wudinzite penepo.

1 Peteli 1:3

Ashindikwaje uMulungu, uTaata uwa Mwene wiitu uYeesu Chilisiti, mwe pe ku vhwila vhwakwe uvhupiti kuli iswe, atupezile vhupwa kwi idala ilya kumuzyusya uYeesu Chilisiti. Ávhomvile vhwevhulo, inga tuvhe nu lusuuvhilo ulwa vhulanzi,

1 Peteli 1:5

Uvhupwano uvhwo vhwinyu imwe mwe mukuguulilwa na maha aga Mulungu kwi idala ilya lwitiho, kufishila pe mwavhwaga uvhuposhi vhwe vhuliloleha amanda aga kumpeleela.

1 Yohani 2:27

Yeenya, imwe, uChilisiti avhapiiye uMupepo uMufinjile, we akutendama muhati yiinyu. Uyo we akuvhasambiilizya zyonti, havhili insambiilizyo zyakwe zya nalyoli, te zya ilenga. Pe ishi, yitakwanzilwa kuuti umuntu uwunji avhasambiilizye. Inza vwe uMupepo avhasambiliziizye, ishi mujendeelele kuvha nu vhuliilani nu Chilisiti.

Ishitushizya 2:10

Utogopaje amayimba ge kwe gakwagaje! Yeenya, uMukwalanzi kwe avhakunje avhamwinyu vhamo mu jeela inga avhalinje, pe kwe muyimbe insiku 10. Uvhe we mutungamu poosye nu kufwa, pe ine ndiikupa ishipambwi she vhulanzi uvhwa shiima.