Kolosi 1:2 - ULufingwi uLupwa

² tukuvhasimbila vhamwitu mwe mukutendama mu nkaaya iya Kolosaayi, imwe mwe vhafinjile havhili mwe vhatungamu mwa Chilisiti. UTaata wiitu uMulungu, avhafwilaje uvhwila nu kuuvhapa uvhutehamu.

Tesitamenti Umupwa 1965

² tukuvasimbila mwe vafinjile mu-Kolosi namwe vamwitu mwe vitisi mwa Chilisiti. Uvwila nuvwihalo uvufuma kwa Mulungu uTata swenti vuvanje namwe.

Kolosi 1:2 ပူးပေါင်းရင်းမြစ်များ

iMbombo izya Vhatumwa 9:13

UAnaniya ahamwamula ahati, “We Mwene, nivuuye ku vhantu avhinji vwe uSaavhuli uyo avhavhombeeye imbiivhi avhafinjile vhaaho mu Yelusaleemu!

VaLoma 1:7

Kuli izyo, nkuvhasimbila imwe mwe muli ku Luumi, mwe uMulungu avhakunzite nkaani nu kuvhiita kuvha mwe vhafinjile. UTaata wiitu uMulungu nu Mwene uYeesu Chilisiti vhavhafwilaje uvhwila nu kuuvhapa uvhutehamu.

1 VaKolinti 1:2

tukuvhalamuha imwe, mwe vha mu shivhanza isha Mulungu, she shili mu nkaaya iya Kolinto, imwe mwe uMulungu avhasavhuuye kuvha nu vhuliilani nu Chilisiti uYeesu. Mwisiitwe kuvha mwe vhafinjile pooka na vhantu vhonti avha mu mbazu zyonti vhe vhakumulaavha uYeesu Chilisiti, uweene we wu Mwene waavho havhili wiitu niiswe.

1 VaKolinti 4:17

Ilyo lye limbiisile kumusonteelezya uTiimoti, umwana waane unkundwa, havhili umutungamu mu mbombo iya Mwene uYeesu. Uweene kwe avhakumbusye ulujendo lwane mwa Chilisiti, inza vwe nkusambiilizya mu vivhanza mwonti.

VaGalati 1:3

UTaata wiitu uMulungu, nu Mwene uYeesu Chilisiti, vhavhafwilaje uvhwila nu kuuvhapa uvhutehamu.

VaGalati 3:9

Pe vhaala vhe vhakumwitiha uMulungu vhakulootwa, inza uAabulahamu we ámwitisile.

VaEfeso 1:1

Ukalaata uno nsimvile neene ne Paavhuli ne mutumwa uwa Chilisiti uYeesu. Násavhuliilwe kuvha ne mutumwa ku lukasamo ulwa Mulungu. Nkuvhasimbila imwe mwe mukutendama mu nkaaya iya Hefeeso, mwe vhafinjile avhatungamu avha Chilisiti uYeesu.

VaEfeso 6:21

Uwamwitu unkundwa uTikiiko, umuvhomvi umutungamu uwa Mwene uYeesu alivhavhuuzya inongwa zyane zyonti, inga niimwe mumanye vwe nkujendeelela na zye nkuvhomba ishi.

Filipi 1:1

Ukalaata uno nsimvile ine ne Paavhuli pooka nu Tiimoti, twe vhavhomvi avha Chilisiti uYeesu. Tukuvhasimbila imwe, mwe vhafinjile avha mu nkaaya iya Fiilipi, pooka na vhimiilizi vhiinyu na vhatuuli avha shivhanza.

1 Peteli 1:2

UTaata uMulungu ávhasavhuuye imwe kulandatana nu lukasamo lwakwe, havhili ávhazelufwizye kwi idala ilya Mupepo waakwe. Ávhomvile vhwevhulo, inga mumushindihaje uYeesu Chilisiti, we ávhazelufwizye na mavhanda gaakwe. UMulungu ayonjezye kuvhafwila uvhwila nu kuuvhapa uvhutehamu ku vhwinji.

2 Peteli 1:2

UMulungu ayonjezye kuvhafwila uvhwila nu kuuvhapa uvhutehamu kwi idala ilya kumumanya uweene nu Yeesu uMwene wiitu.

uYuuda 1:2

UMulungu avhafwilaje uvhwila nu kuuvhapa uvhutehamu ni shikunzi. Vwonti ivwo avhapanje ku vhwinji.

Ishitushizya 1:4

Ikalaata ili nsimvile ne neene ne Yoohani. Nkuvhasimbila mwe vha vivhanza 7 ivwa mu nsi iya Aasiya. Muvhanje nu vhwila nu vhutehamu vhwe vhukufuma kwa Mulungu, uweene we áliipo na we aliipo na we aliyinza. Havhili muvhanje nu vhwila nu vhutehamu vhwe vhukufuma ku Mpepo 7 zye zili pilongolela ilya shitengo shaakwe isha vhumwene,