Kolosi 1:16 - ULufingwi uLupwa

¹⁶ Kufumiilana nu weene, uMulungu ápezile ivintu vwonti, vwe vili ku mwanya na vwe vili pa nsi, vwe vikuloleha na vwe vitakuloleha, kwe kuuti impepo zye zikukonzya, poosye zye vhe vhamwene, poosye zye mpiti, poosye izya maha. UMulungu ápezile vwonti kufumiilana nu Mwana, havhili ku vhushindamu uvhwa Mwana uyo.

Tesitamenti Umupwa 1965

¹⁶ She ṿwonti ṿipe-zilwe mumwakwe wuyo, iṿwa kumwanya niṿwa pansi, ṿwe ṿikuvoneha muminso naṿwe ṿitakuvoneha, navimishilwa, nuvumwene vwonti, nuvusongo vwonti, nuvuhombe vwonti. Vwonti ṿipezilwe mumwakwe wuyo ukuti ṿivanje ṿwakwe.

Kolosi 1:16 ပူးပေါင်းရင်းမြစ်များ

Yohani 1:10

UIzwi áliipo mu nsi. UMulungu ápezile insi kutuushila kwa Izwi uyo, ileelo poosye vhwevhulo avhantu avha mu nsi vhatámumanyile.

Yohani 1:3

UMulungu ávipezile ivintu vwonti kutuushila kwa Izwi. Shitaliipo ishintu she shápeliilwe ishisita kutuushila ku kwakwe.

VaLoma 11:36

Ivintu vwonti vifumile ku kwakwe wuuyo. Havhili ku maha gaakwe vikujendeelela kuvha, vwonti viliipo, inga vilolesye uvhushindamu vhwakwe. UMulungu ashindikwaje shiima! Amina.

VaLoma 8:38

Nalyoli imanyile kuuti naashimo ishintu she shingatulehaanya ni shikunzi isha Mulungu. Vhuvhe vhufwe, poosye vhulanzi, vhavhe vhe vhahavhizya, poosye avha maha ku mwanya, zivhe zye ziliipo, poosye zye zikwinza, poosye vivhe vipelwa vwe vili na maha,

VaLoma 9:5

AVhaisilayeeli ivho vhe vhazukulu vha Aabulahamu nu Yisaaka nu Yaakobu. Fwe muntu, woope uChilisiti Mwisilayeeli, havhili wu Mulungu uMupiti uwa vwonti. Ashindikwaje shiima! Amina.

1 VaKolinti 8:6

ileelo kuli iswe, aliipo uMulungu wooka vhweleele, we wu Taata, we ahapela ivintu vwonti. Iswe tukulandila ku lukasamo lwakwe. Havhili aliipo uMwene wooka vhweleele, we wu Yeesu Chilisiti, kufumiilana nu weene ivintu vwonti vihapelwa, havhili niiswe tuli nu vhulanzi.

VaEfeso 1:10

nu lukasamo lwakwe lwe luno: Kuuti inga zyonti zyasila na havhaliilizyo he ahasaavhula haafiha, alivivhungaaniha pooka ivipelwa vwonti, vwe vili ku mwanya na vwe vili pa nsi. Woope uMwana waakwe we aliivha mupiti uwa vipelwa ivwo.

VaEfeso 6:12

Muvhombe vhwevhulo, mwe pe tutakulwa na vhantu. Tukulwa ni mpepo imbiivhi izya maha na maha amasisya, zye zikukonzya mu nsi iya shiisi ino, na vhasikaali, vhe mpepo imbiivhi izya mu nsi ye yitakuloleha pa minso amazelu.

Filipi 2:10

Ávhomvile vhwevhulo, inga ku mushinzi uwa izina ilya Yeesu, ivipelwa vwonti ivwa ku mwanya, poosye ivwa pa nsi, poosye ivwa ku vhuzimu, visugamile pilongolela lyakwe.

Kolosi 1:15

Mwa Mwana, uMulungu akuloleha apazelu vwe ali, pooka nu kuuti tutangamulola uMulungu wuuyo. UMwana ali na maha ku vipelwa vwonti.

Kolosi 1:20

Havhili kwi idala ilya Mwana, uMulungu ahavikundanya ivipelwa vwonti nu weene, ivipelwa vwe vili pa nsi na vwe vili ku mwanya. Kwe kuuti ávhiisile uvhutehamu kutuushila amavhanda aga Mwana, ge gítisile pa shihovhenkanyo.

Kolosi 2:10

Niimwe muposheleeye uvhulunjisu vhwonti kwi idala ilya kusopenkana nu Chilisiti, uweene inza itwe mu muvhili, akuvikonzya ivipelwa vwe vili na maha amasisya na vwe vili na maha vwonti.

Kolosi 2:15

UMulungu ahazifwula amaha impepo zye zili na maha amasisya na zye zikukonzya. Ahazisuupizya apazelu. Ahazilongozya ngati vhagomwa, lwe akuseshela uvhupooti pa shihovhenkanyo.

VaHebuli 1:2

Ileelo insiku izi izya vhusililishilo, uMulungu ayanzile niiswe kutuushila kwa Mwana waakwe. Ámusavhuuye uMwana uyo kuuti we apwane ivintu vwonti, nu kutuushila ku kwakwe uMulungu ápezile imwanya ni nsi na vwonti vwe vili muumwo.

VaHebuli 2:10

Yámuhondeziizye uMulungu we ávipezile ivintu vwonti, nu kuvivhiiha inza vwe vili, kumutemwa kuvha mulongozi uweene we vhwandilo uvhwa vhuposhi kwi idala ilya mayimba. Ávhomvile vhwevhulo, inga uYeesu avhinjizye avhiitisi avhinji mu vhushindamu vhwakwe.

1 Peteli 3:22

UYeesu uyo ásogooye ku mwanya, niishi atendiime uluvhazu ulwa nyoovhe iya kundiilo iya Mulungu, pa vhushindamu uvhupiti nkaani. Akuvhakonzya avhahavhizya pooka ni vipelwa vwonti vwe vili na maha.