Kolosi 1:12 - ULufingwi uLupwa

¹² uku mukumusalifwa uTaata uMulungu ku luseshelo ulupiti. Uweene avhavhiisile kuvha mwe vhantu mwe mukuposheela uvhupwano uvhwa vhumwene uvhwa mu vhuzelu, vhwe vhwa vhafinjile.

Tesitamenti Umupwa 1965

¹² lwe mukumusalifwʼuTata wʼavahondezizyʼimwe ukupwanʼishigavo sha vupwano vwa vafinjile muluhozyo.

Kolosi 1:12 ပူးပေါင်းရင်းမြစ်များ

Matayi 25:34

“Pe ine ne Mwene ndivhavhuuzya avhantu vhaala vhe vhali ku luvhazu lwane ulwa kundiilo ndiiti, ‘Nzaaji imwe mwe mulosiitwe nu Taata waane, muposheele uvhupwano uvhwa vhumwene vhwe uMulungu ávhasenganiziinye kufuma pe ápezile insi.

Yohani 14:6

UYeesu ahamwamula ahati, “Ine ne ne lidala nu vhwanalyoli, havhili ne vhulanzi. Ataliipo umuntu we anginza kwa Taata, inga atatuushila ku kwane.

Yohani 20:17

UYeesu ahamuvhuuzya uMaliiya ahati, “Utahandeme, mwe pe nshiili kusogola ku mwanya kwa Taata. Ileelo sogoola uvhavhuuzye avhamwitu, kuuti nkuzuvha ku mwanya kwa Taata waane we wu Taata wiinyu, havhili kwa Mulungu waane we wu Mulungu wiinyu.”

Yohani 4:23

Ahavhaliilizyo hakwinza, havhili hafisile he avhantu vhe vhakumupuuta uMulungu mu vhwanalyoli, vhalimupuutaga uTaata inza vwe uMupepo waakwe akuvhalongola kumupuuta uweene inza vwe wa nalyoli. UTaata uMulungu akuvhalondola avhantu vhe vhakumupuuta kwi idala ilyo.

iMbombo izya Vhatumwa 20:32

“Ishi nkuvhavhiiha mu nyoovhe izya Mulungu na mu vhulongozi uvhwa izwi ilya vhwila vhwakwe. Izwi ilyo lye likuvhwezya kuvhazenga, nu kuuvhapa uvhupwano vhwe avhavhishiiye avhafinjile.

iMbombo izya Vhatumwa 26:18

uvhiigule aminso gaavho, vheepe mu shiisi na mu maha aga Mukwalanzi, vhinjile mu vhuzelu uvhwa Mulungu. Ipo pe vhaliswilwa uvhutalamalandu vhwavho, havhili vhaliivha pooka na vhanji vhonti vhe vhavhisiilwe kuvha vhafinjile kwi idala ilya kuniitiha ine.’”

VaLoma 11:17

Ishi insamba zimo zyádiviilwe, niimwe mwe muli ngati nsamba izya ikwi ilya izayituuni ilya mwi ilaala, musopeliilwe kuliilana pooka ni nsamba zye zisyaye izya izayituuni ilya kuvhwalwa. Mukuposheela pooka uvhuloote vhwe vhukufuma mu mazi aga izayituuni ilyo lye livhwaliilwe.

VaLoma 15:27

Avhiitisi ivho vhaavhomvile izyo ku luseshelo, havhili nalyoli vhakudaayilwa kuvhaavwa avhapiina ivho. Yeenya, inga avhantu vhe te Vhayuuda vhali nu vhuliilani mu vhuloote uvhwa Mupepo uMufinjile, kutuushila ku Vhayuuda, pe vhoope vhakwanzilwa kuvhaavwa aVhayuuda ivintu vwavho vwe vhali navwo.

VaLoma 8:17

Ishi, inga swe vhaana vha Mulungu, pe nalyoli swe vhapwana avha Mulungu, swe vhapwana pooka nu Chilisiti. Nalyoli inga tukwitiha kuyimba inza uChilisiti, pe tuliposheela uvhushindamu pooka nawo.

VaLoma 9:23

Havhili, mwe pe uMulungu ahanzaga kutulolesya kutangala ukwa vhushindamu vhwakwe uvhupiti,

1 VaKolinti 8:6

ileelo kuli iswe, aliipo uMulungu wooka vhweleele, we wu Taata, we ahapela ivintu vwonti. Iswe tukulandila ku lukasamo lwakwe. Havhili aliipo uMwene wooka vhweleele, we wu Yeesu Chilisiti, kufumiilana nu weene ivintu vwonti vihapelwa, havhili niiswe tuli nu vhulanzi.

1 VaKolinti 9:23

Nkuvhomba izi zyonti kuzya Izwi iLyinza, inga nkaavhe nu vhuliilani na vhanji mu vhuloote uvhwa mbombo ino.

2 VaKolinti 11:14

Kuli ilyo tutakusukumila, mwe pe woope uSeetano wuuyo akuyigalulanya kuvha ngati wu havhizya uwa vhuzelu.

2 VaKolinti 5:5

UMulungu we atusenganiziinye izyo, havhili atupiiye uMupepo waakwe, inga tumanye kuuti nalyoli vwe ziliivha.

VaEfeso 1:11

Ivintu vwonti vikuvhombeha kulandatana nu lukasamo nu vhwamuzi uvhwa Mulungu. Woope uMulungu kufuma hali átusavhuuye iswe swe Vhayuuda, kuuti tuvhe swe vhaana vhaakwe kwi idala ilya kusopenkana nu Chilisiti.

VaEfeso 1:18

Havhili nkulaavha avhigulile aminso aga mu mwoyo, inga mumanye ahinza shiila she avhitiiye kuuti muposheele, pe muvhe nu lusuuvhilo ulwa nalyoli. Ishintu isho vhudumbwe uvhwa vhupwano uvhwa vhushindamu vhwe áfinzile kuuvhapa avhafinjile.

VaEfeso 2:18

Izyo zye twávhombeliilwe nu Chilisiti, zikutuvhiiha iswe swe Vhayuuda niimwe mwe te mwe Vhayuuda kumupalamila uTaata kwi idala ilya Mupepo wooka wewuula.

VaEfeso 3:6

Uvhuzigizigi uvhwo vhwe vhuno: Kwi idala ilya kulyitiha Izwi iLyinza, vhonti vhe te Vhayuuda na Vhayuuda vhakupwana pooka uvhumwene uvhwa Mulungu. Vhakuvha pooka inza ivipelwa ivwa mu muvhili. Kwe kuuti, kutuushila kwa Chilisiti uYeesu vhakuposheela pooka ulufingwi lwe uMulungu áfinzile kuvhaloota aVhayuuda.

VaEfeso 4:6

Tuli nu Mulungu wooka, woope we wu Taata wiitu swenti. Uweene akuvhakonzya vhonti, akuvhomba vhwevhulo, kutuushila mu vhonti, havhili uweene ali mu vhonti.

VaEfeso 5:11

Mutavhanje nu vhuliilani na vhantu vhe vhakuvhomba imbiivhi izya mu shiisi, nkandi muzivumbulaje apazelu zyenezyo.

VaEfeso 5:20

Mumusalifwaje uTaata uMulungu ahavhaliilizyo honti mu zyonti, mwi izina ilya Mwene wiitu uYeesu Chilisiti.

VaEfeso 5:4

Havhili mutayangaje amazwi aga nsoni na ga vhupukupuuku, poosye aga mfuuzyo, nkandi mumusalifwaje uMulungu ahavhaliilizyo honti.

VaEfeso 5:8

Hali imwe mwámile mu shiisi, ileelo kufuma pe mwásopenkiine nu Mwene uYeesu, muhavha mu vhuzelu. Pe ishi, mulandilaje inza avhantu vhe vhali mu vhuzelu.

Kolosi 2:2

Nkuvhomba ishi, inga mwenti amooyo giinyu gagome. Havhili musopenkane pooka ku shikunzi, nu kuvha nu vhumanyi vhwe vhukuuvhapa uvhwanalyoli. Pe mulivhumanya uvhuzigizigi uvhwa Mulungu, kwe kuuti uChilisiti wuuyo.

Kolosi 3:15

Uvhutehamu uvhwa Chilisiti vhuvhalongozyaje mu mooyo giinyu. UMulungu ávhiisite mwenti kuuti muvhe pooka inza ivipelwa ivwa mu muvhili wooka, inga muvhe nu vhutehamu uvhwo. Mumusalifwaje uweene.

Kolosi 3:17

Zyonti zye mukuyanga, poosye kuvhomba, muvhombelaje mwi izina ilya Mwene uYeesu. Havhili mumusalifwaje uTaata uMulungu kutuushila ku kwakwe.

uTiiti 2:14

UYeesu we áyifumwizye ku zyitu, inga atutavhule kufuma mu vhutalamalandu vhwonti nu kutuzelufwa tuvhe swe vhantu vhaakwe vhe vhakuyifumwa ku mute kuvhomba inyinza.

VaHebuli 12:23

Imwe mufisile pa luhomaano ulupiti ulwa vhiitisi vhonti vhe uMulungu akuvhiita kuvha vhaana vhaakwe avhahatoote. Avhiitisi ivho, amazina gaavho gasimviilwe ku mwanya. Mufisile pilongolela ilya Mulungu we Mulonzi uwa vhantu vhonti na pilongolela ilya vhantu avhagolosu vhe uMulungu ahavhazelufwa.

VaHebuli 3:1

Ishi vhamwitu, imwe mwe vhafinjile, mwe uMulungu avhiisite inza iswe, mumwenyelezyaje nkaani uYeesu we mutumwa havhili mupuuti wiitu umupiti mu lwitiho lwitu.

VaHebuli 3:14

Inga tuli nu mute kumusuuvhila uMulungu kufishila ku vhusililishilo, inza vwe twítisile kufuma ku vhwandilo, pe tuli nu vhuliilani nu Chilisiti.

Yakobu 3:9

Ku lumili tukumutiima uTaata, uMWENE wiitu. Havhili ku lumili tukuvhatipa avhantu, vhe uMulungu ahavhapela ku shiholanyo shaakwe.

1 Peteli 5:1

Ishi nkuvhasimbila imwe mwe vhasongo avha vivhanza. Ine ne songo uwamwinyu, havhili ne hoome uwa mayimba aga Chilisiti. Ine ndiposheela uvhushindamu pooka nawo, ahavhaliilizyo he hakwinza. Nkuvhalambiilizya kuuti

1 Yohani 1:3

Tukuvhakumusizya inongwa izya Yeesu uyo, we twámuvhwenyi nu kumwivwa, inga muvhe nu vhuliilani pooka niiswe. Mu vhuliilani uvhwo tuli pooka nu Taata uMulungu, nu Mwana waakwe uYeesu Chilisiti.

Ishitushizya 21:23

Inkaaya iyo yitakwanza izuvha, poosye umwezi kuyilamila, mwe pe uvhushindamu uvhwa Mulungu vhukuyilamila ni nyaale yaakwe Hagonzi aha MWENE uMulungu.

Ishitushizya 22:14

Vhalosiitwe ivho vhe vhakuhanda amenda gaavho, inga vhitishilwe kwinjila mu nkaaya kutuushila mu malyango gaakwe, nu kulya amantonongwa aga makwi ge gakufumwa uvhulanzi.

Ishitushizya 22:5

Uvhusiku te vhuhaavhe havhili, te vhahanze uvhuzelu uvhwa nyaale, poosye uvhwa izuvha, mwe pe uMWENE uMulungu alivhalamwizya, vhoope vhalikonzya shiima shiima.