Ishitushizya 9:21 - ULufingwi uLupwa

²¹ Havhili vhatápindusile kuzya vhugozi vhwavho, poosye kuzya vhulozi vhwavho, poosye kuzya vhulugusu vhwavho, poosye kuzya vhwivha vhwavho.

Tesitamenti Umupwa 1965

²¹ havili vahasitʼukupinduha kuvugozi ṿwavo nakuluvembu lwavo nakuvwiva ṿwavo.

Ishitushizya 9:21 ပူးပေါင်းရင်းမြစ်များ

Matayi 15:19

Nkuyanga vhwevhulo, mwe pe mu mwoyo uwa muntu, mwe mukufuma insiivho imbiivhi nu vhugozi nu vhuvhembu nu vhulugusu nu vhwivha nu vhwahoome uvhwa ilenga ni ndigo.

2 VaKolinti 12:21

Havhili nkwogopa kuuti lwe nkwinza kuli imwe, uMulungu waane kwe ambiishe kuuti ndole insoni pilongolela lyinyu. Kwe nswimiililwe kulola avhantu avhinji muli imwe vhashiili kutonta uvhutalamalandu vhwe vhávhomvile. Vhashiili vhakuvhomba uvhuvhembu nu vhulugusu ni mpapilo izyamwavho izya vhumalaaya zye vháali nazyo hali.

VaGalati 5:20

Izyamwavho zye zino: kupuuta iviholanyo nu vhulozi nu vhulugu ni ivho nu vhuzuvha nu mulaha nu lutumvanyo na madali nu kusugaana

Ishitushizya 13:13

Shihavhomba ishilolesyo ishipiti, poosye nu kuwiisya umwoto kufuma ku mwanya kwinza pa nsi pilongolela ilya vhantu.

Ishitushizya 13:15

Ishihanu isha vhuvhili shihapeelwa amaha aga kupuutila umwuyu mu shiholanyo shiila isha shihanu ishitanzi, inga ishiholanyo isho shiyanje. Havhili ishiholanyo isho shivhagoje vhonti vhe vhatakushipuuta.

Ishitushizya 13:7

Havhili shihitishilwa kulwa na vhafinjile nu kuvhapoota. Shihapeelwa amaha ku nkolo zyonti na ku mpuga zyonti na ku njango zyonti na ku nsi zyonti.

Ishitushizya 14:8

Uhavhizya uwamwavho uwa vhuvhili ahalandata, ahati, “Aguuye! UBabeeli aguuye, inkaaya yiila ye mpiti! Yeenya, avhamwensiizye avhantu avha mu nsi zyonti idivaayi inkali ye vhwe vhulugusu vhwakwe.”

Ishitushizya 16:6

Mwe pe avhantu ivho vhíisite amavhanda aga vhafinjile na vhakuvhwi, niiwe waavhapa amavhanda vhamwele. Vhahondeeye izyo!”

Ishitushizya 17:2

Avhamwene avha nsi zyonti vhavhembusile nawo na vhe vhakutendama pa nsi vhahoziilwe idivaayi inkali ye vhulugusu vhwakwe.”

Ishitushizya 17:4

Umwantanda uyo ázwaye amenda ge gáali nu muhoola uwa mafwomfwo na mashemamu. Áyiyemvwizye ni sahaabu na mavhwe aga nsavho ni luulu. Ku nyoovhe yaakwe álemile ulupindi ulwa sahaabu lwe lwízuuye izya kuviisya ni zya vhuhandamanu zye zikulolesya uvhulugusu vhwakwe.

Ishitushizya 17:5

Ásimviilwe pa sheeni shaakwe izina ilya vhuzigizigi ilya kuuti, ubabeeli umupiti, umaayi uwa vhamalaaya nu wa mbombo zye zikuviisya izya mu nsi.

Ishitushizya 18:3

Nkuyanga vhwevhulo, mwe pe insi zyonti zihoziilwe ku divaayi inkali iya vhulugusu vhwakwe, vhoope avhamwene avha nsi izyo vhavhembusile nawo. Vhoope avhavhomvi avha kutaanania avha mu nsi zyonti vhadumbusile kufumiilana nu vhumalaaya vhwakwe vhwe vhupoosite nkaani.”

Ishitushizya 19:2

Mwe pe uvhulonzi vhwakwe vhwa nalyoli, havhili vhwa muumwo. Amulonzile umalaaya umupiti, ula we áyipuvwizye insi ku vhulugusu vhwakwe. Amulanduziizye kuzya kwita amavhanda aga vhavhomvi vhaakwe!”

Ishitushizya 21:8

Ileelo avhantu avha ilyoga na vhe vhatakwitiha na vhapoopo na vhagozi na vhalugusu na vhalozi na vhe vhakupuuta iviholanyo na vha ilenga vhonti, uvhuyo vhwavho vhuliivha mwa sumbi ula we akwaha umwoto ni mbaluuti. Uwo we vhufwe uvhwa vhuvhili.”

Ishitushizya 22:15

Ileelo kunzi ukwo kuli imbwa na vhalozi na vhalugusu na vhagozi na vhaala vhe vhakupuuta iviholanyo na vhonti vhe vhakusungwa ilenga nu kuliyanga.

Ishitushizya 9:20

Avhantu vhe vhásyaye, vhe vhatáfuuye ku mfwa izyo, vhahahaana kupinduha kuzya mbiivhi zyavho. Vhatahapinduha kuzya kuvhasugamilila avhaseetano ni viholanyo ivwa sahaabu ni vwa mpiiya ni vwa shaaba ni vwa mavhwe ni vwa makwi. Iviholanyo ivwo vwe vitangaalola, poosye kwivwa, poosye kujenda.