Ishitushizya 8:3 - ULufingwi uLupwa

³ Woope uhavhizya uwamwavho ahinza ahimiilila pilongolela ilya shifinjilo she alemile ku nyoovhe uluvhiga ulwa sahaabu ulwa kusushizizya. Ahapeelwa ivwa kusuushizya ivwinji, inga avhiishe pooka ni mpuuto izya vhafinjile vhonti pa shifinjilo isha sahaabu, she shili pilongolela ilya shitengo isha vhumwene.

Tesitamenti Umupwa 1965

³ Pʼuhavizyʼuwamwavo ahinza, ahimilila kushifinjilo, alemile munyove uluviga lwa sahabu ulwa kusushizyʼilyosi. Ahapelwa iṿwa kusushizya iṿwinji ukuti aṿisanganyaje poka nimputo zya vafinjile vonti pashifinjilo sha sahabu she shilungamine nishitengo sha vumwene.

Ishitushizya 8:3 ပူးပေါင်းရင်းမြစ်များ

uLuuka 1:10

Lwe ali muhati kusuushizya, avhantu impuga impiti vháamile panzi pa Nyumba iMfinjile vhahapuutaga.

VaLoma 8:34

Havhili, nalyoli naawumo we angaatupa isunde. Yeenya, uChilisiti uYeesu we áfuuye nu kuzyuha, ishi atendiime uluvhazu ulwa nyoovhe iya kundiilo iya Mulungu, pa vhushindamu uvhupiti nkaani, ukwo akutulaavhila iswe.

VaHebuli 7:25

Kuli izyo, uweene ali na maha aga kuvhapoha nziila vhaala vhe vhakusogola kwa Mulungu kutuushila ku kwakwe. Havhili, mwe pe uweene mulanzi shiima, akuvhalaavhila ahavhaliilizyo honti.

VaHebuli 9:4

Mu shumba isho mwámile ishifinjilo isha sahaabu isha kusushizizya ivintu vwe vikununshila. Havhili mwámile imbogooso iya lufingwi ye vháyipasile isahaabu imbazu zyonti. Mu mbogooso umwo mwámile uluvhiga ulwa sahaabu, lwe lwámile ni mana. Havhili mwámile indoogo iya Aaloni ye yáduguuye amatundu na mavhwe gavhili ge gásimviilwe indajizyo 10 izya lufingwi.

Ishitushizya 10:1

Pe nkalola uhavhizya uwamwavho uwa maha, akwiha kufuma ku mwanya. Ázwaye ivhingo, havhili igombogombo lyáli pi itwe lyakwe pamwanya, ku minso gaakwe áamile inza izuvha, ivinama vwakwe vwáli ngati mpanda izya mwoto.

Ishitushizya 14:18

Uhavhizya uwamwavho, we mwimiilizi uwa mwoto uwa pa shifinjilo, ahafuma pa shifinjilo. Ahamuvhuuzya kwi izwi ipiti uhavhizya ula we áamile ni shikwakwa ishihozu ahati, “Nyatuula ishikwakwa shaaho ishihozu. Upambule ivipambulo ivwa mampensya, mwe pe amampensya aga vipambulo ivwo gatonile.”

Ishitushizya 5:8

Lwe hanyatula ikalaata ilyo, ivipelwa viila vine pooka na vhasongo vhaala 24 vhahakupama pilongolela ilya Hagonzi aha MWENE uMulungu. Vhonti vháamile na mapango ni mbiga izya sahaabu zye zyízuuye ivwa kusuushizya vwe vikununshila. Ivwa kusuushizya ivwo zye mpuuto zya vhafinjile.

Ishitushizya 6:9

Pe lwe aHagonzi aha MWENE uMulungu havunza ishilemezanyo isha vhusaano, nkalola impepo izya vhantu zili pansi pa shifinjilo. Avhantu ivho vhe vhávholiilwe kuzya kulyitiha izwi ilya Mulungu na kuzya vhwahoome vhwe vhahafumwaga.

Ishitushizya 7:2

Nkalola uhavhizya uwamwavho akuzuvha kufuma kuvhutukulo, áali ni shilemezanyo isha Mulungu uweene we mulanzi. Ahavhavhuuzya kwi izwi ipiti avhahavhizya vhaala vhane, vhe vhápeliilwe amaha aga kuyinanganya insi nu sumbi,

Ishitushizya 8:4

Ilyosi ilya vintu ivwa kusuushizya lihasuushila kwilongolela ilya Mulungu pooka ni mpuuto izya vhafinjile, kufuma ku nyoovhe ya havhizya.

Ishitushizya 8:5

Pe uhavhizya uyo ahanyatula uluvhiga, ahaponya umwoto uwa pa shifinjilo, ahawiitila pa nsi. Kuhavha ulumesyo ni izwi lye likujilima ni shisumbi.

Ishitushizya 9:13

Pe uhavhizya uwa 6 ahahoma isaji lyakwe, nkiivwa izwi lyoka lye lyáfumile mu vipembe viila vine ivwa shifinjilo isha sahaabu she shili pilongolela ilya Mulungu.