Ishitushizya 7:2 - ULufingwi uLupwa

² Nkalola uhavhizya uwamwavho akuzuvha kufuma kuvhutukulo, áali ni shilemezanyo isha Mulungu uweene we mulanzi. Ahavhavhuuzya kwi izwi ipiti avhahavhizya vhaala vhane, vhe vhápeliilwe amaha aga kuyinanganya insi nu sumbi,

Tesitamenti Umupwa 1965

² Havili nkalola uhavizya uwamwavo akuzuva kufuma kuvutukulo vwʼizuva, alemilʼishilemezanyo sha Mulungu umulanzi, ahavavilishila kwizwʼipiti avahavizya vane vala ve vapelilwe ukuyiyimṿwʼinsi nusumbi,

Ishitushizya 7:2 ပူးပေါင်းရင်းမြစ်များ

Matayi 16:16

USiimoni uPeeteli ahamwamula ahati, “Iwe we Chilisiti, uMwana wa Mulungu uMulanzi!”

Matayi 26:63

Ileelo uYeesu ahapuuma. Pe umupuuti umupiti ahayanga havhili ahati, “Twivwe lapa kwi izina ilya Mulungu uMulanzi, utuvhuuzye inga iwe we Chilisiti, uMwana wa Mulungu.”

Yohani 6:27

Mutavhombaje imbombo ku nsiivho izya kushaaga ishaakulya she shikunanjiha, nkandi muvhombaje ku nsiivho izya shaakulya she shitakunanjiha, she shikuvhavhiiha kuvha nu vhulanzi uvhwa shiima. Ine ne Mwana wa Aadamu nkuuvhapa avhantu ishaakulya isho, mwe pe uTaata uMulungu ampiiye amaha aga kuvhomba izyo.”

2 VaKolinti 1:22

nu kutuvhiiha ishilemezanyo kuvha swe vhantu vhaakwe, nu kumuvhiiha mu mooyo giitu uMupepo uMufinjile, inga avhe wu hapinjiha ku zye áfinzile kuutupa.

VaEfeso 1:13

Niimwe vhweleele mwe te mwe Vhayuuda, mwívuuye izwi ilya nalyoli, kwe kuuti Izwi iLyinza ilya kuvhapoha. Lwe mwivwa muhamwitiha uChilisiti, woope uMulungu ahavhalemezanya ni shilemezanyo kulolesya kuuti mwe vhaakwe. Ishilemezanyo isho, wu Mupepo uMufinjile we áfinzile kuutupa.

VaEfeso 4:30

Mutamuvhiihaje uMupepo uMufinjile kuuti aswimililwaje. Uweene shilemezanyo isha kulolesya kuuti, mwe vhantu vha Mulungu, havhili akuhomeshezya kuuti isiku liliyinza lye uMulungu alivhatavhula imwe.

1 VaTesaloniki 1:9

Kwonti kwe tukusogola, avhantu vhakuyanga vwe mwátuposheleeye lwe tukwinza kuli imwe. Vhakuhomeshezya vwe mwávilesile iviholanyo vwinyu, nu kumwitiha uMulungu. Havhili, vhakuhomeshezya vwe mukumuvhombela uweene we mulanzi, havhili wa nalyoli

2 Timoti 2:19

Ileelo ulwalo ulwa Mulungu ulwa lwitiho lwe lugomu lwimiliiye, havhili lusimviilwe uvhwanalyoli vhwe vhukuti, “UMWENE uMulungu avhamanyile avhantu vhaakwe.” “Umuntu wonti we akuyanga kuuti muntu wa MWENE, akwanzilwa azileshe imbiivhi.”

VaHebuli 12:22

Ileelo imwe mwafiha pi igamba uSayuuni, pa nkaaya iya Yelusaleemu iya ku mwanya. Inkaaya iyo nkaaya iya Mulungu uMulanzi. Apenepo, vhavhungiine ku luseshelo avhahavhizya amashumi na mashumi.

Ishitushizya 1:3

Alosiitwe we akuvhavhaazizya imwe amazwi aga vhukuvhwi vhwe vhusimviilwe umu, havhili mulosiitwe na mwe mukugatejeelezya nu kugalema, mwe pe ahavhaliilizyo he kuuti galunjishe hapalamiiye.

Ishitushizya 10:1

Pe nkalola uhavhizya uwamwavho uwa maha, akwiha kufuma ku mwanya. Ázwaye ivhingo, havhili igombogombo lyáli pi itwe lyakwe pamwanya, ku minso gaakwe áamile inza izuvha, ivinama vwakwe vwáli ngati mpanda izya mwoto.

Ishitushizya 10:4

Amazwi 7 aga kujilima lwe givwiha, náyisengiinye kusimba, ileelo nkiivwa izwi kufuma ku mwanya likuti, “Galemezanye amazwi igo ge gáyanziilwe ku mazwi 7 aga kujilima, utahagasimbe.”

Ishitushizya 16:12

Pe uhavhizya uwa 6 ahiitila vwe vwáli mu luvhiga lwakwe mwi ijenje ipiti lye vhakuti uEefulaati. Aminzi gaakwe gahuuma, inga idala ilya vhamwene vhe vhakufuma kuvhutukulo lipelwe.

Ishitushizya 5:2

Nkalola uhavhizya uwa maha, akukumusya kwi izwi ipiti akuti, “Wu naanu we ahondeeye kugubula ikalaata nu kuvunza ivilemezanyo vwakwe?”

Ishitushizya 8:3

Woope uhavhizya uwamwavho ahinza ahimiilila pilongolela ilya shifinjilo she alemile ku nyoovhe uluvhiga ulwa sahaabu ulwa kusushizizya. Ahapeelwa ivwa kusuushizya ivwinji, inga avhiishe pooka ni mpuuto izya vhafinjile vhonti pa shifinjilo isha sahaabu, she shili pilongolela ilya shitengo isha vhumwene.

Ishitushizya 9:14

Izwi ilyo lihamuvhuuzya uhavhizya uwa 6 we áali ni isaji kuuti, “Uvhigulile avhahavhizya vhane vhe vhakunziilwe kwi ijenje ipiti uEefulaati.”

Ishitushizya 9:4

Havhili, vhahapeelwa indajizyo kuuti vhatahananganye amasole aga pa nsi na matundu, poosye ikwi lyonti, nkandi avhantu vhaala vhe vhatali ni shilemezanyo isha Mulungu pa vweni vwavho.