Ishitushizya 7:17 - ULufingwi uLupwa

¹⁷ Mwe pe aHagonzi aha MWENE uMulungu he hali pamwanya pa shitengo isha vhumwene halivhadiima. Hoope halivhatwala ku viduda ivwa minzi ge gakufumwa uvhulanzi. Havhili uMulungu woope alivhasyumula amansozi gonti ku minso gaavho.’”

Tesitamenti Umupwa 1965

¹⁷ ShʼaHagonzi he hali pahati pashitengo halivadimaga nukuvalongozya kuṿiduda vwa minzi amapelavulanzi. NuMulungu alivasyumula amansozi gonti kuminso gavo.

Ishitushizya 7:17 ပူးပေါင်းရင်းမြစ်များ

Matayi 2:6

‘Niimwe mwe vhantu avha mu nkaaya iya Betelehemu, iya mu shigavho isha nsi isha Yudeeya, te mwe vhakuvhasuufwa inga hansi, mu vhulongozi uvhwa nsi iya Yuuda! Yeenya, muli imwe aliifuma umulongozi we alivhadiimaga avhantu vhaane aVhaisilayeeli.’”

Matayi 5:4

Vhalosiitwe avhaswimiilizu, mwe pe uMulungu alivhasuvhaalizya.

Yohani 10:11

“Ine ne mudiimi umwinza. Umudiimi umwinza akuyifumwa kufwa kuzipoha ingʼonzi zyakwe.

Yohani 10:14

Ine ne mudiimi umwinza. Ingʼonzi zyane nzimanyile ahinza, zyope zimanyile ine.

Yohani 4:10

UYeesu ahamwamula ahati, “Inga waamanyile she uMulungu akwanza kuukupa, havhili kuuti wu naanu we akukulaavha aminzi aga kumwela, waamile undaavhaje, niine naamile inkupanje aminzi ge gakuuvhapa avhantu uvhulanzi.”

Yohani 4:11

Umwantanda uyo ahamwamula uYeesu ahati, “We mwene, iwe utali nu lukusa, poosye ishiliilo isha kutapila aminzi, havhili ishifula ishi shivhiiye nkaani, ishi kwe ugaaje kwoshi aminzi igo ge gakuuvhapa avhantu uvhulanzi?

Yohani 4:14

Ileelo umuntu we akumwela aminzi ge ine nkuumupa, te ahuumilwe ishinyooto havhili. Aminzi ge ine nkuumupa, galiivha inza ishiduda isha minzi muhati yaakwe she shitakwuma naalumo nu kuumupa uvhulanzi uvhwa shiima.”

iMbombo izya Vhatumwa 20:28

Muyisunjililaje mweneemwe, pooka ni mpuga yiila ye uMupepo uMufinjile avhavhiisile imwe kuvha mwe vhimiilizi. Mushidiimaje ishivhanza isha Mulungu she áshikazile ku mavhanda gaakwe wuuyo.

1 Peteli 5:2

muyidiimaje ahinza impuga iya Mulungu ye yili kuli imwe. Mutavhombaje vhwevhulo fwe wumo akuvhavijiilizya, nkandi muvhombaje ku mwoyo uwa kuyifumwa mweneemwe, inza vwe uMulungu akwanza. Havhili mutavhombaje imbombo iyo kuzya kulonshela impiiya izya nsoni, nkandi ku mwoyo uwa luseshelo.

Ishitushizya 14:4

Ivho vhe vhatáyihandamiinie na vhantanda, mwe pe vhafinjile. Ivha vhe vhakuhalandata aHagonzi aha MWENE uMulungu kwonti kwe hakusogola. Ivha havhakazile kufuma mu vhantu, havhili vhe vhatanzi kwa MWENE uMulungu na ku Hagonzi haakwe.

Ishitushizya 21:22

Ntávhwenyi iNyumba iMfinjile mu nkaaya iyo, mwe pe uMWENE uMulungu uwa Maha Gonti na Hagonzi haala aha MWENE uMulungu ye Nyumba yaakwe iMfinjile.

Ishitushizya 21:23

Inkaaya iyo yitakwanza izuvha, poosye umwezi kuyilamila, mwe pe uvhushindamu uvhwa Mulungu vhukuyilamila ni nyaale yaakwe Hagonzi aha MWENE uMulungu.

Ishitushizya 21:4

Uweene alivhasyumula amansozi gaavho gonti. Uvhufwe te vhuhaavhe havhili, poosye uvhuvhaavi, poosye inkuuta, poosye kuloosya, mwe pe izya hali zituusile!”

Ishitushizya 21:6

Ahati, “Zyalunjiha! Ine ne Aalufa havhili ne Omeega, uVhwandilo nu Vhusililishilo. We ali ni shinyooto ndiimupa ishakumwela pa vhweleele kufuma mu viduda ivwa minzi ge gakufumwa uvhulanzi.

Ishitushizya 22:1

Pe uhavhizya ahandanga ijenje ilya minzi ge gakufumwa uvhulanzi, amazelu ngati lilooli, gahafumaga ku shitengo isha vhumwene isha Mulungu na Hagonzi aha MWENE uMulungu.

Ishitushizya 4:11

“Uhondeeye iwe, MWENE wiitu Mulungu, kuposheela uvhushindamu, nu mushinzi na maha. Mwe pe wápezile ivintu vwonti, na ku lukasamo lwaho vihapelwa, havhili viliipo.”

Ishitushizya 5:6

Pe nkalola aHagonzi aha MWENE uMulungu he háamile fwe havholiilwe, himiliiye pahati pa shitengo isha vhumwene ni vipelwa viila vine na vhasongo vhaala. Háamile ni mpembe 7 na minso 7, ge Mpepo 7 izya Mulungu zye ázisonteleziizye mu nsi yonti.