Ishitushizya 7:15 - ULufingwi uLupwa

¹⁵ ‘Ye nongwa vhali pilongolela ilya shitengo isha vhumwene isha Mulungu. Vhakumuvhombela uMulungu uvhusiku nu musanya mu Nyumba yaakwe iMfinjile, woope we atendiime pa shitengo isha vhumwene aliivha pooka navho kuvhadiima.

Tesitamenti Umupwa 1965

¹⁵ Mwe mumwo shinishi valungamine nishitengo sha Mulungu, vakumuvombela umusanya nuvusiku mutempeli yakwe, nuno wʼatendime pashitengo sha vumwene aliyipelʼukuva lihema lyavo.

Ishitushizya 7:15 ပူးပေါင်းရင်းမြစ်များ

Yohani 1:14

UIzwi uyo áyinzile avha muntu, ahatendama pooka niiswe. Tuhavhulola uvhushindamu vhwakwe, uvhushindamu vhwe vhukulolesya kuuti Mwana imozi we afumile kwa Taata, ali nu vhwila nu vhwanalyoli nkaani.

1 VaKolinti 3:16

Vhuli, mutamanyile kuuti imwe mwe Nyumba iMfinjile iya Mulungu? Mutamanyile kuuti uMupepo uwa Mulungu akutendama pahati yiinyu?

2 VaKolinti 6:16

INyumba iMfinjile iya Mulungu yingavha nu vhuliilani ni viholanyo ivwa vhalungu? Iswe twe Nyumba iMfinjile iya Mulungu uMulanzi! Izi zili inza uMulungu wuuyo vwe áyanzile átili, “Nditendama pahati yaavho nu kujenda pooka navho. Ndiivha ne Mulungu waavho, vhoope vhaliivha vhantu vhaane.”

VaHebuli 12:2

Tuvhombaje vhwevhulo, uku tukumwenyeelezya uYeesu we átalisiizye idala ilya kuuti iswe tumwitihaje uMulungu, havhili we akuutupa umwoyo kuuti tujendelelaje kumwitiha kufishila ku vhusililishilo. Havhili ávhujimbiliiye uvhufwe pa shihovhenkanyo ishisita kusaajila kulola insoni, kuzya luseshelo lwe lwávhisiilwe pilongolela lyakwe. Ishi atendiime uluvhazu ulwa kundiilo ulwa shitengo isha vhumwene isha Mulungu, pa vhushindamu uvhupiti nkaani.

VaHebuli 8:1

Ipiti nkaani kuli izyo zye tukuyanga lye lino: Iswe tuli nawo umupuuti umupiti inza uyo, uweene atendiime uluvhazu ulwa nyoovhe iya kundiilo iya shitengo isha vhumwene isha Mulungu uwa Maha Gonti, pa vhushindamu uvhupiti nkaani ku mwanya.

Ishitushizya 11:19

Pe iNyumba iMfinjile iya Mulungu ye yili ku mwanya yihiiguha. Imbogooso iya Mulungu iya lufingwi yihaloleha mu Nyumba iyo. Kuhavha ulumesyo, izwi lye likujilima, ishisumbi ni mvula impiti iya mavhwe.

Ishitushizya 13:6

Pe shihamusaamula uMulungu, nu kuliliga izina lyakwe na pa vhuyo vhwakwe na vhonti vhe vhakutendama ku mwanya.

Ishitushizya 20:10

Woope uMukwalanzi we ahavhahopenkanyaaga, alisumbilwa mwa sumbi we akwaha umwoto uwa mbaluuti. Umwo mwe shili ishihanu shiila nu mukuvhwi ula uwa ilenga, vhoope vhaliyimvilwa uvhusiku nu musanya, shiima shiima.

Ishitushizya 21:22

Ntávhwenyi iNyumba iMfinjile mu nkaaya iyo, mwe pe uMWENE uMulungu uwa Maha Gonti na Hagonzi haala aha MWENE uMulungu ye Nyumba yaakwe iMfinjile.

Ishitushizya 22:3

Shitaliipo ishintu naashimo she vhashitifile she shiliivha mu nkaaya iyo. Ishitengo isha vhumwene isha Mulungu ni sha Hagonzi aha MWENE uMulungu shiliivha mu nkaaya iyo na vhavhomvi avha Mulungu vhalimupuutaga.

Ishitushizya 22:5

Uvhusiku te vhuhaavhe havhili, te vhahanze uvhuzelu uvhwa nyaale, poosye uvhwa izuvha, mwe pe uMWENE uMulungu alivhalamwizya, vhoope vhalikonzya shiima shiima.

Ishitushizya 4:4

Havhili ivitengo 24 vwáshizyunguluuye ishitengo shiila isha vhumwene. Mu vitengo ivwo vhátendiime avhasongo vhe vházwaye ivizwalo ivizelu ni vipambwi ivwa kukonzezya ivwa sahaabu mu matwe gaavho.

Ishitushizya 4:8

Vwope ivipelwa vine ivwo vwáli ni vwapa umutanda mutanda, havhili ivwapa ivwo vwámile na minso mu mbazu zyonti na muhati zyavho. Ivipelwa ivwo uvhusiku nu musanya vitakutuzyaga kuyanga kuuti, “Mufinjile, Mufinjile, Mufinjile, wu MWENE uMulungu uwa Maha Gonti, uweene we áliipo, we aliipo, havhili we aliyinza.”

Ishitushizya 4:9

Uweene we atendiime pa shitengo isha vhumwene, we wu Mulungu we mulanzi shiima shiima. Ivipelwa ivwo, ahavhaliilizyo honti lwe vikumushindiha nu kumumwamiha nu kumusalifwa,

Ishitushizya 7:9

Lwe zyatuuha izyo, nkalola ivhungaana ipiti nkaani ilya vhantu lye nuumo atangavhaazya. Avhantu kufuma mu nsi zyonti ni nkolo zyonti na mu mpuga zyonti na mu njango zyonti, vhimiliiye pilongolela ilya shitengo isha vhumwene na pilongolela ilya Hagonzi aha MWENE uMulungu. Vhazwaye amenda amazelu havhili vhalemile amatundu aga matende.