Ishitushizya 6:2 - ULufingwi uLupwa

² Nkalola imfwalaasi inzelu, nu weene we áyilimbiiye áali nu vhwele, ahapeelwa ishipambwi isha kukonzezya, pe ahafuma ku mwanya she akupoota uvhulugu, havhili inga ajendeelele kupoota.

Tesitamenti Umupwa 1965

² Pe nkalola, yenya, imfalasi inzelu. Nawuyo wʼayilimbiye ali nuvuta, ahapelwʼishipambwi, ahavuha ukukonzyʼinsi, ahavalʼukupota.

Ishitushizya 6:2 ပူးပေါင်းရင်းမြစ်များ

Matayi 28:18

Pe uYeesu ahapalamila ku kwavho, ahavhavhuuzya ahati, “UMulungu ampiiye amaha gonti ku mwanya na pa nsi.

1 VaKolinti 15:25

UChilisiti akwanzilwa akonzye kufishila pe uMulungu alivhavhiiha avhalugu vhaakwe vhonti pansi pa vinama vwakwe.

Ishitushizya 11:15

Pe uhavhizya uwa 7 ahahoma isaji lyakwe, nkiivwa amazwi amapiti ku mwanya, gahati, “Uvhumwene uvhwa pa nsi vhwavha vhumwene uvhwa MWENE wiitu uMulungu havhili vhwa Chilisiti waakwe, woope uMWENE alikonzya shiima shiima.”

Ishitushizya 11:18

Avhantu avha kunzi vhávisiitwe, ileelo umulaha wuhakulema. Ahavhaliilizyo hahafiha aha kuvhalonga vhe vháfuuye, na ha kuuvhapa ivipeelwa avhavhomvi vhaaho avhakuvhwi na vhafinjile na vhe vhakulinyila izina lyaho, avhapiti na vhansi. Havhili ahavhaliilizyo hahafiha aha kuvhananganya ivho vhe vhakunanganya insi.”

Ishitushizya 14:14

Pe nkeenya, páamile ivhingo izelu. Pa mwanya pi ivhingo ilyo páamile we áali ngati Mwana wa Aadamu. Ázwaye ishipambwi isha kukonzezya isha sahaabu pi itwe nu kulema ishikwakwa ishihozu ku nyoovhe yaakwe.

Ishitushizya 15:2

Nkalola ishintu ngati wu sumbi uwa ilooli, asangiine nu mwoto. Nkavhalola avhantu vhaala vhe vháshipoosite ishihanu shiila ni shiholanyo shaakwe ni mbaazyo iya izina lyakwe. Avhantu ivho vhímiliiye mu luvhazu ulwa sumbi uwa ilooli, vháamile na mapango ge uMulungu ávhapiiye.

Ishitushizya 17:14

Vhaliilwa uvhulugu na Hagonzi aha MWENE uMulungu, ileelo aHagonzi aha MWENE uMulungu halivhapoota, mwe pe aheene he Hapiti aha vhapiti havhili he Hamwene aha vhamwene. Aheene haliivha na vhantu vhaakwe vhe hahavhiita nu kuvhasaavhula nu kuvhavhiiha kuvha vhalandati vhaakwe avhatungamu.”

Ishitushizya 19:14

Impuga izya vhasikaali avha ku mwanya vhahamulandataga uku, vhalimbiiye imfwalaasi inzelu havhili vhazwaye amenda aminza amazelu ge vhazelufwizye.

Ishitushizya 3:21

Ula we alipoota indingo, ndimwitishila kutendama pooka niine pa shitengo shaane isha vhumwene. Aliyiima inza ine ne nápoosite indingo, nkatendama pooka nu Taata pa shitengo shaakwe isha vhumwene.

Ishitushizya 9:7

Amavhili aga vhamakanta ivho, gáali ngati mfwalaasi zye ziyisengiinye ku vhulugu, pa matwe gaavho páali ngati vipambwi ivwa kukonzezya ivwa sahaabu. Havhili pa minso gaavho vháamile ngati vhantu.