Ishitushizya 6:1 - ULufingwi uLupwa

¹ Pe nkalola aHagonzi aha MWENE uMulungu hahavunza ishilemezanyo shooka. Nkiivwa ishipelwa shooka mu viila vine shikuyanga fwe lizwi lye likujilima likuti, “Luvhiilo!”

Tesitamenti Umupwa 1965

¹ Pe havili nkalola aHagonzi higuye ahalemezanyo hoka ha tula tusano natuvili, pe nkiṿwa shoka isha ṿipuma ṿiniṿi shikuyanga mwizwi lye likuguluma, shikuti: Nzagaga.

Ishitushizya 6:1 ပူးပေါင်းရင်းမြစ်များ

Yohani 1:29

Isiku lye likulandata, uYoohani ahamulola uYeesu akwinza ku kwakwe. Ahavhavhuuzya avhantu vhe vháliipo paala ahati, “Yeenya, uno wu Hagonzi aha Mulungu we akwefwa uvhutalamalandu uvhwa vhantu vhonti mu nsi!

iMbombo izya Vhatumwa 4:20

Mwe pe iswe tutangaaleha kuziyanga ziila zye tuzivhwenyi nu kuzyivwa.”

Ishitushizya 11:19

Pe iNyumba iMfinjile iya Mulungu ye yili ku mwanya yihiiguha. Imbogooso iya Mulungu iya lufingwi yihaloleha mu Nyumba iyo. Kuhavha ulumesyo, izwi lye likujilima, ishisumbi ni mvula impiti iya mavhwe.

Ishitushizya 13:8

Avhantu vhonti vhe vhakutendama pa nsi vhalishipuuta, vhonti vhe amazina gaavho gatásimviilwe mwi ikalaata ilya vhulanzi ilya Hagonzi aha MWENE uMulungu he hávholiilwe. Ikalaata ilyo lyásimviilwe lwe insi yishiili kupelwa.

Ishitushizya 14:2

Nkiivwa izwi kufuma ku mwanya, fwe lizwi lya minzi aminji, havhili lye likujilima inza imvula. Izwi ilyo lye nályivuuye lyámile ngati lizwi ilya ipango.

Ishitushizya 19:6

Pe nkiivwa izwi ngati lizwi lya ivhungaana ipiti ilya vhantu, havhili ngati lya minzi aminji ge gakwiha ku maha, havhili ngati lya kujilima ukupiti lihati, “Haleluuya! Mwe pe uMWENE wiitu uMulungu uwa Maha Gonti akonzya!

Ishitushizya 4:8

Vwope ivipelwa vine ivwo vwáli ni vwapa umutanda mutanda, havhili ivwapa ivwo vwámile na minso mu mbazu zyonti na muhati zyavho. Ivipelwa ivwo uvhusiku nu musanya vitakutuzyaga kuyanga kuuti, “Mufinjile, Mufinjile, Mufinjile, wu MWENE uMulungu uwa Maha Gonti, uweene we áliipo, we aliipo, havhili we aliyinza.”

Ishitushizya 5:1

Ku nyoovhe iya kundiilo iya ula we átendiime pa shitengo isha vhumwene, nkalola ikalaata lye lisimviilwe muhati na munzi, lipinyiilwe ni vilemezanyo 7.

Ishitushizya 5:12

Vhahimba kwi izwi ipiti vhahati, “AHagonzi aha MWENE uMulungu he hávholiilwe hahondeeye kuposheela amaha amasisya nu vhudumbwe, nu vhushindamu uvhwa njeele na maha, nu mushinzi nu vhushindamu ni ntiimo!”

Ishitushizya 5:8

Lwe hanyatula ikalaata ilyo, ivipelwa viila vine pooka na vhasongo vhaala 24 vhahakupama pilongolela ilya Hagonzi aha MWENE uMulungu. Vhonti vháamile na mapango ni mbiga izya sahaabu zye zyízuuye ivwa kusuushizya vwe vikununshila. Ivwa kusuushizya ivwo zye mpuuto zya vhafinjile.

Ishitushizya 6:3

Pe lwe aHagonzi aha MWENE uMulungu havunza ishilemezanyo isha vhuvhili, nkiivwa ishipelwa isha vhuvhili shikuti, “Luvhiilo!”

Ishitushizya 6:5

Pe lwe aHagonzi aha MWENE uMulungu havunza ishilemezanyo isha vhutatu, nkiivwa ishipelwa isha vhutatu shikuti, “Luvhiilo!” Nkalola imfwalaasi inyiilu, nu weene we áyilimbiiye áali ni shipimilo mu nyoovhe zyakwe.

Ishitushizya 6:7

Pe lwe aHagonzi aha MWENE uMulungu havunza ishilemezanyo isha vhune, nkiivwa ishipelwa isha vhune shikuti, “Luvhiilo!”

Ishitushizya 8:1

AHagonzi aha MWENE uMulungu lwe havunza ishilemezanyo isha 7 kuhavha mwaa ku mwanya ku havhaliilizyo aha shigavho shooka ishi pa vigavho vivhili ivwa isaala.