Ishitushizya 5:8 - ULufingwi uLupwa

⁸ Lwe hanyatula ikalaata ilyo, ivipelwa viila vine pooka na vhasongo vhaala 24 vhahakupama pilongolela ilya Hagonzi aha MWENE uMulungu. Vhonti vháamile na mapango ni mbiga izya sahaabu zye zyízuuye ivwa kusuushizya vwe vikununshila. Ivwa kusuushizya ivwo zye mpuuto zya vhafinjile.

Tesitamenti Umupwa 1965

⁸ Ilelo lwe haposheleyʼukalata pʼiṿipuma vwe ṿine navasongo vonti amashumi gavili navane vahayitaga pansi kuminso ga Hagonzi. Vonti valemile amapango unʼilyakwe unʼilyakwe, nimbiga zya sahabu zye zyizuye iṿwa kusushizya, ṿwe zye mputo zya vafinjile.

Ishitushizya 5:8 ပူးပေါင်းရင်းမြစ်များ

Yohani 1:29

Isiku lye likulandata, uYoohani ahamulola uYeesu akwinza ku kwakwe. Ahavhavhuuzya avhantu vhe vháliipo paala ahati, “Yeenya, uno wu Hagonzi aha Mulungu we akwefwa uvhutalamalandu uvhwa vhantu vhonti mu nsi!

Yohani 5:23

Kwi idala ilyo, avhantu vhonti vhalinshindihaga ine inza vwe vhakumushindiha uTaata. Umuntu wonti we atakunshindiha ine, akuvha atakumushindiha uTaata waane we ansonteleziizye.

VaHebuli 1:6

Havhili uMulungu lwe akumuleeta uMwana waakwe imozi mu nsi, áyanzile átili, “Avhahavhizya vhonti avha Mulungu vhamupuute uMwana uyo.”

Ishitushizya 13:8

Avhantu vhonti vhe vhakutendama pa nsi vhalishipuuta, vhonti vhe amazina gaavho gatásimviilwe mwi ikalaata ilya vhulanzi ilya Hagonzi aha MWENE uMulungu he hávholiilwe. Ikalaata ilyo lyásimviilwe lwe insi yishiili kupelwa.

Ishitushizya 15:2

Nkalola ishintu ngati wu sumbi uwa ilooli, asangiine nu mwoto. Nkavhalola avhantu vhaala vhe vháshipoosite ishihanu shiila ni shiholanyo shaakwe ni mbaazyo iya izina lyakwe. Avhantu ivho vhímiliiye mu luvhazu ulwa sumbi uwa ilooli, vháamile na mapango ge uMulungu ávhapiiye.

Ishitushizya 15:7

Pe shooka mu viila ivipelwa vine shihaavhapa avhahavhizya ivho 7 imbiga impiti 7 izya sahaabu zye zyizuuye uvhuhalazu uvhwa Mulungu, uweene we mulanzi shiima shiima.

Ishitushizya 19:4

Avhasongo 24 vhahakupama pansi pooka ni vipelwa vine, vhahamupuuta uMulungu, uweene we ali pa shitengo isha vhumwene, vhahati, “Amina! Haleluuya!”

Ishitushizya 4:10

pe vhoope avhasongo vhaala 24 vhakukupama. Vhakukupama pilongolela lyakwe uweene we atendiime pa shitengo isha vhumwene. Vhoope vhakumupuuta uweene we mulanzi shiima shiima, havhili vhakusumba ivipambwi vwavho pilongolela ilya shitengo isha vhumwene. Vhakuti,

Ishitushizya 4:4

Havhili ivitengo 24 vwáshizyunguluuye ishitengo shiila isha vhumwene. Mu vitengo ivwo vhátendiime avhasongo vhe vházwaye ivizwalo ivizelu ni vipambwi ivwa kukonzezya ivwa sahaabu mu matwe gaavho.

Ishitushizya 4:6

Havhili páamile fwe wu sumbi uwa ilooli, we áamile fwe livhwe lye likumekuha nkaani. Imbazu zyonti izya shitengo shiila isha vhumwene, páamile ivipelwa vine vwe vili nu vhupuuma havhili vwáli minso geeka kwilongolela na kwisinda.

Ishitushizya 4:8

Vwope ivipelwa vine ivwo vwáli ni vwapa umutanda mutanda, havhili ivwapa ivwo vwámile na minso mu mbazu zyonti na muhati zyavho. Ivipelwa ivwo uvhusiku nu musanya vitakutuzyaga kuyanga kuuti, “Mufinjile, Mufinjile, Mufinjile, wu MWENE uMulungu uwa Maha Gonti, uweene we áliipo, we aliipo, havhili we aliyinza.”

Ishitushizya 5:11

Pe nkeenya, nkiivwa amazwi aga vhahavhizya avhinji vhe vháshizyunguluuye ishitengo isha vhumwene ni vipelwa vine na vhasongo vhaala 24. Uvhwinji vhwa vhahavhizya wáamile amashumi na mashumi.

Ishitushizya 5:12

Vhahimba kwi izwi ipiti vhahati, “AHagonzi aha MWENE uMulungu he hávholiilwe hahondeeye kuposheela amaha amasisya nu vhudumbwe, nu vhushindamu uvhwa njeele na maha, nu mushinzi nu vhushindamu ni ntiimo!”

Ishitushizya 5:14

Ivipelwa viila vine vihati, “Amina.” Vhoope avhasongo vhaala 24 vhahakupama nu kupuuta.

Ishitushizya 5:6

Pe nkalola aHagonzi aha MWENE uMulungu he háamile fwe havholiilwe, himiliiye pahati pa shitengo isha vhumwene ni vipelwa viila vine na vhasongo vhaala. Háamile ni mpembe 7 na minso 7, ge Mpepo 7 izya Mulungu zye ázisonteleziizye mu nsi yonti.

Ishitushizya 6:1

Pe nkalola aHagonzi aha MWENE uMulungu hahavunza ishilemezanyo shooka. Nkiivwa ishipelwa shooka mu viila vine shikuyanga fwe lizwi lye likujilima likuti, “Luvhiilo!”