Ishitushizya 5:10 - ULufingwi uLupwa

¹⁰ Uhavhinjizya mu vhumwene vhwaho nu kuvhavhiiha kuvha vhapuuti kwa Mulungu wiitu, vhoope vhaliyikonzya insi yonti.”

Tesitamenti Umupwa 1965

¹⁰ Uvapezilʼukuva vumwene nukuva vashiputo va Mulungu witu, ve valikonzya munsi fwe ngati ve vamwene.

Ishitushizya 5:10 ပူးပေါင်းရင်းမြစ်များ

Ishitushizya 1:6

Uweene we ahatwinjizya mu vhumwene vhwakwe nu kutuvhiiha tuvhe swe vhapuuti vha Mulungu, uTaata waakwe. Uvhushindamu na maha vivhe nu weene shiima shiima! Amina!

Ishitushizya 20:4

Pe nkalola ivitengo ivwa vhumwene na vhe vhavitendamiiye, avhantu ivho vhahapeelwa amaha aga vhulonzi. Havhili nkalola impepo izya vhaala vhe vhávholiilwe kuzya kufumwa uvhwahoome uvhwa Yeesu na kuzya kulyitiha izwi ilya Mulungu. Ivha vhatáshipuusite ishihanu shiila ni shiholanyo shaakwe, poosye kuposheela ivimanyilo pa vweni vwavho, poosye pa nyoovhe zyavho. Vhahazyuha havhili, vhahakonzya pooka nu Chilisiti ku maaha 1,000.

Ishitushizya 20:6

Vhalosiitwe nkaani, havhili vhafinjile vhonti ivho vhe vhakuvhaazilwa kuzyuha ulwa kwanda. Uvhufwe uvhwa vhuvhili te vhuhaavhe na maha kuli ivho. Vhaliivha vhapuuti avha Mulungu nu Chilisiti, havhili vhalikonzya pooka nawo ku maaha 1,000.

Ishitushizya 22:5

Uvhusiku te vhuhaavhe havhili, te vhahanze uvhuzelu uvhwa nyaale, poosye uvhwa izuvha, mwe pe uMWENE uMulungu alivhalamwizya, vhoope vhalikonzya shiima shiima.

Ishitushizya 3:21

Ula we alipoota indingo, ndimwitishila kutendama pooka niine pa shitengo shaane isha vhumwene. Aliyiima inza ine ne nápoosite indingo, nkatendama pooka nu Taata pa shitengo shaakwe isha vhumwene.