Ishitushizya 4:8 - ULufingwi uLupwa

⁸ Vwope ivipelwa vine ivwo vwáli ni vwapa umutanda mutanda, havhili ivwapa ivwo vwámile na minso mu mbazu zyonti na muhati zyavho. Ivipelwa ivwo uvhusiku nu musanya vitakutuzyaga kuyanga kuuti, “Mufinjile, Mufinjile, Mufinjile, wu MWENE uMulungu uwa Maha Gonti, uweene we áliipo, we aliipo, havhili we aliyinza.”

Tesitamenti Umupwa 1965

⁸ Havili iṿipuma vwe ṿine ṿiniṿi ṿwonti shoka shoka ṿwali niṿwapa umutanda vwe ṿwizuyʼaminso mumbazu zyonti namuhati vovulo. Ṿitakutuzya shamusanya nuvusiku lwe ṿikuti: Mufinjile, Mufinjile, Mufinjile uMwene uMulungu uMuhatamaha gonti, wʼalipo lulwo, wʼalipo nashinishi, we havili akwinza.

Ishitushizya 4:8 ပူးပေါင်းရင်းမြစ်များ

iMbombo izya Vhatumwa 20:31

Pe ishi, muvhe minso! Mukumbushe kuuti, ntálisite kuvhasoha mwenti ku mansozi uvhusiku nu musanya ku havhaliilizyo aha maaha gatatu.

2 VaKolinti 6:18

Havhili uMWENE uMulungu uwa Maha Gonti akuyanga akuti, “Kwe mbe ne Taata wiinyu, niimwe kwe muvhe mwe vhaana vhaane avhanaavuli na vhalindu.”

1 VaTesaloniki 2:9

Vhamwitu, mukukumbuha umute wiitu na mayimba giitu, tuhavhombaga uvhusiku nu musanya. Tuhavhombaga isho, kuuti inga lwe tukukumusya Izwi iLyinza ilya Mulungu tutahinze tumutamwe umuntu wonti kuli imwe.

1 Timoti 4:16

Uyenyaaje vwe ukulandila na mazwi ge ukusambiilizya. Inga ukuvhomba izyo, pe kwe uyiposhe nu kuvhapoha vhe vhakukutejeelezya.

2 Timoti 4:2

Uvhakumusizyaje avhantu izwi ilya Mulungu, yivhe kwe ku havhaliilizyo he hahondeeye, poosye he hatahondeeye. Havhili uvhasohaje nu kuvhapilila nu kuvhagomwa amooyo nu kuvhasambiilizya vhujimbiilizu vhwonti.

VaHebuli 13:8

UYeesu Chilisiti atakwanduha. Uweene ali inza vwe áali ku vhwandilo, ahavhaliilizyo iha na shiima.

Ishitushizya 1:4

Ikalaata ili nsimvile ne neene ne Yoohani. Nkuvhasimbila mwe vha vivhanza 7 ivwa mu nsi iya Aasiya. Muvhanje nu vhwila nu vhutehamu vhwe vhukufuma kwa Mulungu, uweene we áliipo na we aliipo na we aliyinza. Havhili muvhanje nu vhwila nu vhutehamu vhwe vhukufuma ku Mpepo 7 zye zili pilongolela ilya shitengo shaakwe isha vhumwene,

Ishitushizya 1:8

UMWENE uMulungu akuyanga akuti, “Ine ne Aalufa havhili ne Omeega, uweene we áliipo na we aliipo na we aliyinza, havhili uweene Wa Maha Gonti.”

Ishitushizya 11:17

Vhahati, “Tukukusalifwa iwe, MWENE Mulungu uwa Maha Gonti, we uliipo na we wáliipo, mwe pe ulolesiizye amaha gaaho amasisya nu kutaliha kukonzya.

Ishitushizya 14:11

Ilyosi ilya mwoto we wulivhoosha liliizuvha ku mwanya shiima shiima. Vhatalituuzya uvhusiku, poosye umusanya, ivho vhe vhakushipuuta ishihanu isho ni shiholanyo shaakwe na vhe vhakushiposheela ishimanyilo isha izina lyakwe.”

Ishitushizya 14:3

Vhahimbaga ulwimbo ulupwa pilongolela ilya shitengo isha vhumwene na pilongolela ilya vipelwa vine na pilongolela ilya vhasongo. Ileelo naawumo we ávhweziizye kusambiilila ulwimbo luula, nkandi vhaala 144,000, vhe vhápokwilwe mu nsi.

Ishitushizya 15:3

Vhahimbaga ulwimbo ulwa Moose, umuvhomvi uwa Mulungu nu lwimbo ulwa Hagonzi aha MWENE uMulungu, vhahatinji, “MWENE Mulungu uwa Maha Gonti, imbombo zyaho mpiti, havhili zya kusukumizya nkaani! Iwe Mwene wa nsi zyonti, amadala gaaho ga muumwo, havhili ga nalyoli!

Ishitushizya 15:7

Pe shooka mu viila ivipelwa vine shihaavhapa avhahavhizya ivho 7 imbiga impiti 7 izya sahaabu zye zyizuuye uvhuhalazu uvhwa Mulungu, uweene we mulanzi shiima shiima.

Ishitushizya 16:14

Izyo zye mpepo izya gaseetano zye zikuvhomba ivilolesyo. Zye zila zye zikusogola ku vhamwene avha nsi zyonti kuvhavhungaaniha pooka kuzya vhulugu, isiku liila ipiti lye uMulungu uwa Maha Gonti alivhalonga avhantu vhonti.

Ishitushizya 16:7

Pe nkiivwa izwi kufuma pa shifinjilo likuti, “Mwe muumwo, MWENE Mulungu uwa Maha Gonti! Uvhulonzi vhwaho vhwa nalyoli, havhili vhugolosu!”

Ishitushizya 19:15

Ipanga ihozu likufumaga mwi ilomu lyakwe na kwi ipanga ilyo alivhapoota avhantu avha mu nsi zyonti. “Uweene we alivhakonzya ku ndiisa iya shijela” nu kusuusa idivaayi inkali mu shiliilo isha kusuusila amampensya. Ishiliilo isho sha vhuhalazu uvhupiti uvhwa Mulungu uweene uwa Maha Gonti.

Ishitushizya 19:4

Avhasongo 24 vhahakupama pansi pooka ni vipelwa vine, vhahamupuuta uMulungu, uweene we ali pa shitengo isha vhumwene, vhahati, “Amina! Haleluuya!”

Ishitushizya 21:22

Ntávhwenyi iNyumba iMfinjile mu nkaaya iyo, mwe pe uMWENE uMulungu uwa Maha Gonti na Hagonzi haala aha MWENE uMulungu ye Nyumba yaakwe iMfinjile.

Ishitushizya 3:7

“Uhavhizya uwa shivhanza isha ku Filadelufiya, musimbile uti: Iga mazwi kufuma kwa Yeesu, ula we mufinjile, havhili uwa nalyoli, we ali ni shigulilo isha maha isha mwene uDaavhudi. Uweene we inga ayiigula nuumo uwa kwigalila, havhili inga agalila nuumo uwa kwigula:

Ishitushizya 4:4

Havhili ivitengo 24 vwáshizyunguluuye ishitengo shiila isha vhumwene. Mu vitengo ivwo vhátendiime avhasongo vhe vházwaye ivizwalo ivizelu ni vipambwi ivwa kukonzezya ivwa sahaabu mu matwe gaavho.

Ishitushizya 4:6

Havhili páamile fwe wu sumbi uwa ilooli, we áamile fwe livhwe lye likumekuha nkaani. Imbazu zyonti izya shitengo shiila isha vhumwene, páamile ivipelwa vine vwe vili nu vhupuuma havhili vwáli minso geeka kwilongolela na kwisinda.

Ishitushizya 4:9

Uweene we atendiime pa shitengo isha vhumwene, we wu Mulungu we mulanzi shiima shiima. Ivipelwa ivwo, ahavhaliilizyo honti lwe vikumushindiha nu kumumwamiha nu kumusalifwa,

Ishitushizya 5:6

Pe nkalola aHagonzi aha MWENE uMulungu he háamile fwe havholiilwe, himiliiye pahati pa shitengo isha vhumwene ni vipelwa viila vine na vhasongo vhaala. Háamile ni mpembe 7 na minso 7, ge Mpepo 7 izya Mulungu zye ázisonteleziizye mu nsi yonti.

Ishitushizya 6:1

Pe nkalola aHagonzi aha MWENE uMulungu hahavunza ishilemezanyo shooka. Nkiivwa ishipelwa shooka mu viila vine shikuyanga fwe lizwi lye likujilima likuti, “Luvhiilo!”

Ishitushizya 6:6

Nkiivwa fwe lizwi pahati iya vipelwa viila vine, likuti, “Ishiivho shooka isha ngana ku dinaali yooka, ni vwivho vitatu ivwa shayiili ku dinaali yooka, ileelo utahananganye amafuta, poosye idivaayi.”

Ishitushizya 7:11

Avhahavhizya vhonti vhímiliiye imbazu zyonti izya shitengo isha vhumwene ni zya vhasongo ni zya vipelwa vine. Vhahakupama pilongolela ilya shitengo isha vhumwene nu kumupuuta uMulungu,

Ishitushizya 7:15

‘Ye nongwa vhali pilongolela ilya shitengo isha vhumwene isha Mulungu. Vhakumuvhombela uMulungu uvhusiku nu musanya mu Nyumba yaakwe iMfinjile, woope we atendiime pa shitengo isha vhumwene aliivha pooka navho kuvhadiima.