Ishitushizya 3:8 - ULufingwi uLupwa

⁸ Ndumanyile ulujendo lwaho. Yeenya, nkuvhishiiye umulyango we wuli ukwazi kwilongolela lyaho, we uwunji nuumo atangawugalila. Imanyile kuuti uli na maha mansi, ileelo ulisunjililiiye izwi lyane, havhili utalihaanile izina lyane.

Tesitamenti Umupwa 1965

⁸ Inzimanyilʼimbombo zyaho. Yenya, nkupiye kuminso gaho ishilyango she shilʼukwazi, she numo atangashigalila. Ngamanyile amaha gaho ukuti mansi, imanyile ukuti ulisunjiliyʼizwi lyane, havili ukuti lyope nizina lyane utalihanile.

Ishitushizya 3:8 ပူးပေါင်းရင်းမြစ်များ

uLuuka 12:9

Ileelo umuntu wonti we akuhaana kuniitiha pilongolela ilya vhantu, niine ndimuhaana pilongolela ilya Mulungu na vhahavhizya vhaakwe.

Yohani 15:20

Mukumbuhaje zye návhavhuziizye kuuti, ‘Umuzya te mupiti kuluusya umwene waakwe.’ Inga vhánjimvwizye ine, pe niimwe vhalivhayimvwa. Havhili inga vhakuzyitiha insambiilizyo zyane, pe ni zyinyu vhalizyitiha.

Yohani 17:6

UYeesu ahajendeelela kulaavha ahati, “We Taata, navhamanyisya izina lyaho avhantu vhonti vhe waampiiye pa nsi ipa. Ivho vhaamile vhaaho, wampa vhenevho, havhili vhalandasite izwi lyaho.

iMbombo izya Vhatumwa 14:27

Lwe vhaafiha pa Antiyookiya, vhahavhavhungaaniha avhantu avha mu shivhanza. Vhahavhavhuuzya zyonti zye uMulungu ávhomvile kutuushila ku kwavho nu kuuti avhalolesiizye vhe te Vhayuuda, idala ilya kumwitiha uYeesu.

1 VaKolinti 16:9

Nkuvhomba vhwevhulo, mwe pe uMulungu aniguliiye idala ilya kuvhomba imbombo impiti mu nkaaya ino, ileelo vhaliipo avhantu avhinji vhe vhakundinda.

2 VaKolinti 2:12

Ishi, lwe naafiha mu nkaaya iya Tolowa kulumbiilila Izwi iLyinza ilya Chilisiti, ukwo uMwene aaniguliiye idala ilya kuvhomba imbombo yaakwe.

Filipi 4:13

Nkuvhwezya kuvhomba zyonti izyo, kwi idala ilya Chilisiti we akumpa amaha.

Kolosi 4:3

Mutulavhilaje niiswe, inga uMulungu atwigulile idala ilya kulumbiilila izwi lyakwe, nu kuvhuvumbula uvhuzigizigi uvhwa Chilisiti. Ine nkunziilwe kuzya kuvhulumbiilila uvhuzigizigi uvhwo.

1 Timoti 5:8

Ileelo umuntu we atakuvhaavwa avhajenzi avha mu luho lwakwe, inkaani avha mu nyumba yaakwe, uyo akuvha aluhaanile ulwitiho lwakwe, havhili muvhiivhi kuluusya avhantu vhe vhatitisile.

2 Timoti 4:7

Naalwa uvhulugu ahinza, ulutumvanyo ulwa luvhilo lwe nashimbilaga, ishi naamala, nazyimililila insambiilizyo izya lwitiho.

uYuuda 1:4

Nkuvhasimbila ukalaata uno, mwe pe kuli avhantu vhamo vhe vhatakumushindiha uMulungu, vhayinjiziizye ku vhuzigizigi nu kusangaana niimwe. Avhantu ivho vhakugalulanya izwi ilya vhwila, inga livhitishilaje kuvhomba uvhumalaaya. Ivha vhantu vhe vhakumuhaana we ali weeka uMulongozi uMupiti, we wu Yeesu Chilisiti uMwene wiitu. Ileelo kufuma hali, uVhusimbe uVhufinjile vhwáyanzile kuuti vhalilongwa.

Ishitushizya 2:13

Mpamanyile pe ukutendama, pe pa shinamwene isha Seetano. Niiwe ukulyitiha izina lyane havhili utahaluhaana ulwitiho lwane, poosye mu havhaliilizyo aha hoome waane umutungamu uAntipa. Uweene we avhantu vhámugozile kuli imwe paala pe uSeetano akutendama.

Ishitushizya 2:2

Imanyile imbombo yaaho nu mute waaho nu vhujimbiilizu vhwaho. Havhili imanyile kuuti utangavhajimbiilila avhatalamalandu, havhili uvhalinzile vhe vhakuyitaha kuuti vhatumwa fwandi te muumwo. Uhamanyinsanya kuuti vha ilenga.

Ishitushizya 22:7

UYeesu akuti, “Yeenya, nkwinza naluvhiilo. Alosiitwe uweene we akugashindiha amazwi aga vhukuvhwi ge gali mwi ikalaata ili.”

Ishitushizya 3:1

“Uhavhizya uwa shivhanza isha ku Saadi, musimbile uti: Iga mazwi kufuma kwa Yeesu, ula we ali ni Mpepo 7 izya Mulungu ni nzota 7: Ndumanyile ulujendo lwaho, avhantu vhakulitiima izina lyaho kuuti we mupuuma, ileelo ufuuye.

Ishitushizya 3:10

Mwe pe ulyitisile izwi lyane ilya kuvha nu vhujimbiilizu, niine ndikusunjiilila uheepe mu manda aga vhunanjisu ge gapalamiiye kwinza kuvhalinga avhantu avha mu nsi yonti.

Ishitushizya 3:15

Ndumanyile ulujendo lwaho kuuti iwe te we muhatazu havhili te we mupwu. Kwashi inga waamile we muhatazu, poosye inga we mupwu!

Ishitushizya 3:7

“Uhavhizya uwa shivhanza isha ku Filadelufiya, musimbile uti: Iga mazwi kufuma kwa Yeesu, ula we mufinjile, havhili uwa nalyoli, we ali ni shigulilo isha maha isha mwene uDaavhudi. Uweene we inga ayiigula nuumo uwa kwigalila, havhili inga agalila nuumo uwa kwigula: